عاملين ايه يارب تكونوا بخير حد فيكو جرب احساس ان يجي وهوا قاعد لواحده يحسبها مع نفسه يقول ايه الي غيرني كده ... او مثلا يحس ان فيه جواه شخصيتين مش شخصيه واحده بس والتانيه دي اتزرعت جواه..؟ انا مثلا من وانا طفل وانا منطوي و كام عندي توحد ومش بكلم حد خالص غير قليل و كنت طيب جدا بدرجه غريبه ويمكن كان اقرب حد ليا والوحيد الي بتعامل معاه طبيعي هوا والدي الله يرحمه كان اقرب حد ليا وكان شايفني صحبه مش ابنه وكان معظم وقتي معاه بس للاسف سابني وانا ١٠ سنين وراح لربنا ماكنتش فلهم ياعني اسه ساعتها ماعرفش خالص لما عرفت وماعرفش ليه او ازاي بس كنت عادي جدا كان حد ماعرفوش من ساعتها وأهل والدي بعاد خالص عماتي ماشوفتش من ٨ سنين من العزا و اخواتي فيه بره مصر مابشوفهمش ولا بتكلمهم اوي و فيه واحد ف القاهره كل كام شهر يطمن عليا انا ساعتها ماكنش حد بيسمعني حد بيحبني حد جمبي حد يحسسني بأمان وكنت بقعد لواحدي كل وقتي حرفيا و لما كبرت شويه ودخلت اعدادي بدأت اكون صحاب تدريجي وللأسف اول شله دخلت فيها شله زباله وماكنتش بعرف افرق كنت مقتنع ان كلنا طيبين ومافيش حد وحش لما دخلت وسطهم الحمدلله مشيت بسرعه قبل ما ابقا شبهم بس هما خلوني اعرف اتكلم شويه بعدها بدأت اعرف ناس تانيه كبيره وصغيره و بدأت اتكلم والصاحب دا و دا و دي و دول بقيت اجتماعي شويه لحد هنا كله تمام بس بقالي فتره بدات احس بحجات غريبه بدأت احس اني مشوه مش عارف شخصيتي الاساسيه فين انا سعات بحس نفسي توكسك اوي ودي حقيقه انا بقيت توكسك شويه بس مش وحش برضو الي هوا حجات معينه زي اني مثلا اهرب من دروس و حجات شبه دي حجات ضعيفه ماتعتبرش تكسكه برضو بس لا سعات بشوف نفسي كده وسعات بشوف نفسي متوازن واجتماعي و بعرف اتكلم و اصاحب وكويس وسعات اشوف نفسي منطوي وفعلا انا كده ف الحقيقه( بيني وبين نفسي) وكمان عندي مشاكل تانيه شخصيه ف البيت مأثره عليا مشاكل بيني وبين والدتي وعندي ف الدراسه وغيرها و بيني وبين زميلي وانا اساسا عندي مشكله ف القلب على فكره اسمها (arrhythmia) ومعرض لمشاكل تانيه و معرض بمشكله ف عضلة القلب على مدى طويل بس ما علينا دلوقتي حبيت ادردش معاكم شويه سوري اني طولت اوي كده ماكنتش اعرف اني هاقولك كده

4

1