سلام عليكم انا ساكن في الدور الخامس يعني حرفيا قريب اوي اني ارمي نفسي من الشباك علشان اموت وارتاح، لسه حالا نتيجة كليتي طلعت وجبت جيد جدا وداخل سنه تانيه ان شاءلله وانا فرحت جدا جدا لاني عارف ده كرم ربنا انا مكنتش بذاكر علشان كان عندي اكتئاب وكنت اقسم مش بقوم من عالسرير من الزعل دلوقتي بقول لامي اللي هي وابويا واختي سبب كل اللي انا فيه اصلا بقولها انا خايف يحصل زي ما حصل الترم ده ومذاكرش راحت قايلالي متسبقش الاوان واتفائل بزعيق حرفيا بتطسني في الكلام قلتلها هو ليه التفاهم معاكي كده قالتلي بصراحه انا زهقت يجماعه ده اصلا سبب زعلي من ايام ثانوية عامة انها مش ببتفاهم ولا عندها حنيه فالكلام ولا بسمع منها دعوة هي اه ممكن تدعي في سرها بس انا مش بسمع وحقي اسمع علشان دماغي متظنش غلط اقسم بدين الله جوايا نار مش راضية تطفي وعمال اشتم ودايما بقولها التربية مش فلوس بس التربية حجات تانية معنوية انتي مش هتفهميها ودايما مش بتعترف بغلطها، انا محتاج منكم اي كلام يهديني لاني والله عايز اعيط وعايز اكسر اي حاجه قدامي لان خلاص جبت اخري

3

20