بعد اذنكم يشباب انا بقالي فتره كبيره جدا عاوز اروح لدكتور نفسي بس مش عارف ليه خايف جدا وقلبي بيوجعني لما افكر فالموضوع ودايما بحس بقلق وضيقه فصدري لما افكر احكي لحد حاجة عني هو انا عندي صحاب وكل حاجة بس محدش يعرف عني اي حاجة عن مشاكلي او اللي بحس بيه وفنفس الوقت كلوا بقي عنده مشاكل جايز مشاكلهم تبقي اكبر من مشاكلي بس بقيت بحس ان اللي بتحكيله ممكن يستصغر مشاكلك وان انت معندكش مشاكل زيه اكننا بنعلي علي بعض وانا بطبعتي مش ببين اني عندي مشاكل خالص ولما اكون فقعده بضحك عادي فممكن بيحسوا انك محظوظ معندكش مشاكل مثلا بس انا لما اقعد لوحدي مش دا اللي بيحصل وانا عارف طبعا ان كل دا ممكن يبقي تفكير زياده مني ومش هاخد سوء الظن ان دا ممكن يبقي التفكير بس زي مقلت هو الموضوع ثبت فدماغي وبحس بقلق اللي فقلبي لما احاول احكي بحس انها هتظهر ضعفك مش بحس خالص اني ف امان احكي فدايما انا اللي بكلم نفسي ودا طبيعي بيرهقني وفي دماغي ان ممكن الدكتور يقلي علي اساس مفياش حاجة وبدلع مع اني عارف انه مش هيقول وفنفس الوقت انا عندي مشاكل فعلا بس الفكرة مش بتسيب دماغي وقلقان اروح معرفش اعبر عن حاجة عندي ف اتمني حد يوجهني هل فعلا لو رحت للدكتور هتبقي الدنيا امان وكدا وبلاخص اصلا ان ممكن بنسبه كبيره يبقي عندي مرض نفسي لانه تقريبا وراثي فلعيله وحاجة اخيره انا للاسف مدمن حاجة مش كويسه ومحتار هل ينفع اتكلم فيها ولا لا ودايما فحيره اتكلم وممكن الاقي الحل ولا متكلمش عشان ربنا ساتر عليا وبرضوا فدماغي لما الدكتور هيعرف هيبصلي ازاي اصلا ودايما بحس بلنفاق فلجلمه دي عشان شايل هم بصه الدكتور ومش شايل هم بصه ربنا واخر حاجة انا مش معرف حد خالص بلموضوع دا فهروح لوحدي ومش عارف اصلا المفروض اروح لدكتور ولا اخصائي وعمتا شكرا مقدما علي الردود

0

10