حياتها أحسن مني وبتقعد تشكي من مشاكلها التافهه

Question

صحبتي حياتها احسن مني بكتير ماديا وكل حاجه ماشاء الله 
وبتقعد تشتكيلي من مشاكلها التافهه وتكبرها ولما اجي اشتكيلها تقول انها مشاكل صغيره وانها مشاكلها اكبر وانا مبحبش كدا مش بحسدها خالص بس علطول عايشه في ضغط بسبب كدا انصحوني ارجوكم

Banana_18947 🇪🇬 · Accepted Answer

بكل بساطه كل إنسان عنده إبتلاء وربنا اللي بيعنا اننا نتحمل ونصبر وابتلائتنا مختلفه ، وممكن تكون نفس الابتلاء بس شعورنا ناحيته مختلف ،مثلا ممكن تشوفي ابتلائي إنه حاجه صغيره بالنسبالك وانا أكون شايفه قد أي هو صعب وبيسببلي ضغط نفسي فاهي ، فانتي ركزي م نفسك واعملي زي ماربنا قالك انك لا تمدي عينك في حياة غيرك وتقارني نفسك بغيرك مينفعش علشان كلنا ظروفنا مختلفه ومش كلنا نقدر نتحمل ابتلائات غيرنا

Banana_18947 🇪🇬 · Answer

ولازم تتقبلي وجع غيرك وتتفهمي مشاعره وإن دي حاجه مش بإيده  دايماً والاحسن تحاولي تهوني ع اللي قدامك

Nutella_59647 🇪🇬 · Answer

حاولى تبصى للموضوع ال بتحكيه من عينيها هى مش من عنيك .. كل واحد بيشوف من وجهه نظره وبيوزن بمقاييس مختلفه تربيتها غير تربيتك ظروفها غير ظروفك  احترمى وجهه نظرها مش كل الحياه فلوس ممكن نفسيا هى مش سويه 
حاولى تاخديها ع قد عقلها وتوسيها وتطبطبى بالكلام .. هى بتكلمك تفضفض مش تاخد نصائح  انتى اقوى نفسيا وعقليا هى ماديا فقط 
الصحاب بيتقبل صاحبه زى مهو يواسيه حتى لو شايفه أنها تافهه واسى   وربنا يرزقك اض

Waffle_59213 🇪🇬 · Answer

بكل بساطة انتي مش مرتاحه في الكلام معاها بخصوص المشاكل انا كنت بعاني من ده بلظابط ولما اجي اتكلم مع صحابي يقولي انت مشكلك عبيطه اوي مصغر دماغك علي حاجات تافه رحت مبطل اشكيله عن اي حاجه او اتكلم معاه في حاجه مدايقني انتي بقي دوري على شخص الصح اللي يفهم مشكلك بجدد

Lemon_55687 🇪🇬 · Answer

والله انا كنت دايما كدا وبهون واشاركهم اي زعل بس موخرا لما حسيت منها انها بتقلل من مشاكلي برضو حسيتها بتافور وهي بتحكي مشاكلها وبتضخم الامور كلها ودي طبيعتها واتقفلت اني احكيلها حاجه وهي الي وصلتني لمرحله ازاي يعني بتشتكي من المشكله دي اومال انا اعمل اي بقا

Lemon_55687 🇪🇬 · Answer

انا اتقفلت اني اتكلم معاها والله هي الي وصلتني لكدا 
بقيت اسمع مشاكلها واعيش الدور معاها وانصحها لكن احكي  مشاكلي مستحيل

Lemon_55687 🇪🇬 · Answer

ماشي والله كلامك جميل 
انا بس موخرا حسيتها من النوع الي بيافور وبيضخم الامور جدا وهي كدا في كل حاجه واتقفلت لما اكون اجي انا اشتكيلها تقلل من مشاكلي

Waffle_59213 🇪🇬 · Answer

صح كده برافو عليكي خليكي انتي احسن منها واسمعيها بس وزي ما قولتلك دوري على حد يفهم مشكلك وتقدري تفضفضي كده وانتي مرتاحه وحاسة ان اللي قدامك فاهمك

Banana_18947 🇪🇬 · Answer

بصي لو شايفه انها بتأثر عليكي بالسلب حاولي تتجنبيها تمام 
ونصيحة بلاش تشتكي لأي حد عن الابتلائات اللي في حياتك خليها مابينك ومابين ربنا الجإيله هو القادر ع حل كل حاجه في حياتك 
مفيش مانع تفضفضي بس بلاش تكوني كثيرة الشكوى ودايماً بتتكلمي ع الابتلائات ارضي بقضاء ربنا وخليكي إنسانه خفيفه ع غيرك 🌸

Lemon_55687 🇪🇬 · Answer

شكرا جدا جزاك الله خيرا على كلامك مفهوم

Lemon_55687 🇪🇬 · Answer

شكرا ليك معاك حق

Waffle_59213 🇪🇬 · Answer

لعفو على يارب اكون قدرت اساعدك وان شاء الله ميبقاش فيه ضغط ومشاكل تاني في حياتك

Banana_18947 🇪🇬 · Answer

وجزاكي خير حبيبتي 
ربنا يرزقك راحة القلب والبال ويرزقك بناس حنينه عليكي في حياتك يارب 💕

Carrot_56149 🇪🇬 · Answer

مفيش حاجه اسمها احسن منك مبدئيا كلنا ربنا خلقنا طبقات عشان نكمل بعض ممكن ف الاخره انتي رصيدك عند ربنا اكبر بكتير منها ف دي نقطه نقطه تانيه متحطيش ف بالك ليه تفكيرك كده متحكيلهاش ياستي ولا تسمعيلها متحمليش على نفسك فوق طاقتها

Chilli_48447 🇪🇬 · Answer

هى معلش ايا كانت هى ايه مش احسن منك ذى ما هى محتاجه لحد تتكلم معاه انتى كمان كده محتاجه للى يتكلم معاكى ويسمعك ويتابع معاكى يومك ويفكر معاكى فى حاجه مضيقاكى

Mango_51124 🇪🇬 · Answer

محتاجين تتعلموا انكم تشوفوا المشكلة من وجهة نظر الشخص اللي بيحكي او بيشتكي 
مش من وجهة نظرك انتي