حظى وحش فى الحب والناس بتبقى لمصلحتها

Question

للاسف حظي وحش دايما فى الارتباط او الحب عندى فوبيا طول عمرى ان الناس بتعرفك لمصلحتها وحتى لما اتجوزت كنت بتقي ربنا جدا ومش حارمها من حاجه كان وضعهم وحش حولت حياتهم وعلطول سفر وهدايا لغايه ما عملت مشروع وسرقت شقى عمرى كله واتجوزت عرفي وخانتنى وفضلت سنين مبشتغلش ولا اتعامل مع حد وبداءت تانى من سنه والحمدلله الدنيا بداءت تبقي ظريفه المشكله الناس بداءت تقرب تانى لما شافونى بداءت اخرج واتصور على سوشيال وكل ما اللقي واحده يبقي همها الفلوس والمستوى ملاقتش حد عاوزنى لشخصى و مؤمن بيا انا .. انا الحمدلله كنت شاطر جدا فى شغلي حتى لما بديت حاجه بعيده عنه حققت نجاح الى حد ما كبدايه لكن للاسف الناس بتحب تيجى ع الجاهز محدش بيحب يبداء معاك 💔💔

Ice Cream_63106 🇪🇬 · Answer

فيه ناس كويسه والله في الدنيا بس للاسف الناس الوحشه اكتر بكتير
تجربتك بس خلتك تاخد حذرك من الناس اكتر
وده ساعات بيكون شئ إيجابي
لكن لما بيزيد عن الحد بيقلب ضدك
عشان كده حاول  متخليش الموضوع يأثر عليك ومش كل البنات زي بعض لا هتلاقي في بنات محترمه مش طمعانين في فلوسك
بس دور كويس وبإذن الله ربنا يكرمك بالزوجة الصالحة
ادعي كتير

Banana_68839 🇪🇬 · Answer

للاسف الموضوع بقي معقد بالنسبالي وبيفرق جدا المستوى الاجتماعي قبل المادى عشان يحصل التوافق والتفاهم

Ice Cream_63106 🇪🇬 · Answer

طيب هتلاقي بنات كتير في نفس مستواك الاجتماعي لو دي المشكله
بس أسعى ودور كويس على بنت حلال
وبرضو لازم تبقا عارف حاجة انت بتسعي لكن في الاخر الجواز ده نصيب

Avocado_68588 🇪🇬 · Answer

صوابع ايدك مش زي بعضها و ممكن يكون دا خير ليك ممكن يكون ربنا شايل ليك الاحسن مع واحده كويسه 
حاول ابعد عن السوشيال عشان الحسد و حب الدنيا و عيش و حب نفسك لأن مفيش حاجه احسن من كدا اخرج و اتفسح و زور اماكن جديده و اعرف ناس جديده و صدقني متقلقش هتلاقي حد يحبك و حد عاوز يعرفك بجد 💗

Coconut_64334 🇪🇬 · Answer

متاخدش واحدة وتديها كل مواردك ، او تنقلها من حال ل حال كدا ، في ناس عندها نقص ،ومش بتستوعب الكرم ، لما تاخد واحدة خليك معتدل معاها 
و لا تعرفها دخلك اي ولا فين دي حاجة تخصك

Hazelnut_68837 🇪🇬 · Answer

يا بنانا مش لوحدك الوحيد
متزعلش نفسك يمكن ده اختبار من ربنا اصبر واحتسب إن صبرتم أُجِرتُم وأمر الله نافذ ، وإن ضَجرتم كفرتم وأمر الله نافذ .
أنت الحمدلله على الاقل قدرت تقف علي رجلك يا صاحبي ربنا قادر يخلص لك حقك
انا مش قادر اثبت عليه أي حاجة وانفصلنا ومش قادرة أوثق الطلاق اصلا يعني لا متجوزة ولا مطلقة
مهما كان حالك فأنت الحمد لله في نعمه

Hazelnut_68837 🇪🇬 · Answer

*لا أدࢪۍٖ ڪـيفَ حـالڪُم حـالياً ولڪن أرجُو من الـلّـٰــــه إنُ يلُـطـف بحالڪم ويطمنُ قلوبڪُم ويدلڪُم ويهديڪُم ويجعَل منْ ضيقڪُم مَخࢪجاً فَـ والـلّـٰـــــه من أتىٰ إليهِ منڪسࢪاً لـ جَبࢪهُ ، فَـ اطمئنوا 🌻💛."))*