حاسس مخنوق ولوحدي ومفيش حد يفهمني

Question

حاسه اني مخنوق اوي و لوحدي مش حاسه باي انتماء لاي حد ولا مكان حاسه اهلي مش شبهي خالص بابا بيفضل يزعق عمال على بطال طول اليوم و يضغط عليا و ديما بيقول كلام مزعج بحس تفكيرهم جاهل و متحيز و مش عارف اعمل ايه 
بحس حبهم مشروط

Olive_59219 🇪🇬 · Answer

مفيش اهل حبهم مشروط
اكيد فيه حاجة محتاجة توضيح اكتر
يعني ايه مش شبهك وهما اهلك
وازاي تفكيرهم جاهل ؟؟

Coffee_59469 🇪🇬 · Answer

يعني علشان يعاملوني كويس و يعطوني فلوس لازم اجيب درجات عالية و اني مش اشتكي من حاجه علشان اني عايشه عيشة محدش عيشها  تفكرهم أن الانسان اللي معه شهادة عليا و فلوس هو دا اللي يستاهل يعيش

Coffee_59469 🇪🇬 · Answer

في ثانوية عامة جبت مجموع هندسة و كنت الوحيدة في البلد بتاعتي اللي دخلت كلية عالية على حسب تفكيرهم عارف قالوا ايه انتي مش عملتي اللي محدش عمله انتي اصلا لو مكنتيش جبتي هندسة كنا دفناكي و دوسنا عليكي 😢

Olive_59219 🇪🇬 · Answer

هو طبعا رد قاسي
بس واضح انهم بيشقوا في حياتهم علشان يخلوكي من احسن الناس
وده مأثر شوية علي سلوكهم او طريقة تعاملهم

Coffee_59469 🇪🇬 · Answer

لما نكون برا البيت يقول البشمهندسة راحت البشمهندسة جت بس و احنا في البيت ديما بيقول دا انت فاشله و عمرك ما هتنفعي و كلام من هذا القبيل لعند ما خلاص اقتنعت اني فعلا فاشلة و مش هوصل لحاجة ماهمة عملت و اني في نظرهم ولا حاجه حتى ولو جبت حته من القمر بقى عندي احباط و ماليش قيمة و وجودي زي عدمه

Olive_59219 🇪🇬 · Answer

واضح انك من قرية 
و ده طبعنا كبعض الفلاحين
قدام الناس بنترسم بعيالنا 
انما جوا البيت نحسسهم انهم بلا قيمة
ماتحطيش في بالك انتي ناجحة 
كملتي تعليمك
مؤهل عالي
حاجة تشرف
ما تركزيش بقي في اي كلام تاني
كملي مشوارك وحققي نفسك
وخليكي متاكدة ان كل ده كلام من ورا قلبهم و انهم لما يشفوكي ناجحة هيفتخروا بيكي اكتر واكتر