حب مشروط

Marshmallow_69067 🇪🇬

منذ أسبوعين

شعور خجلان

عبّر عن شعورك بشكل مجهول

عندى غصة في حلقي  وقلبي بقالهم سنين كتير 😂😂
عامة انا شخص بيحب يحكى احزانه وهو بيضحك دا من إنفصام والله😂😂😂
 ومن انا طفلة من لحظة ماادركت ان في حياة اصلا كان بابا مهتم بإنه يذاكرلى من ال kg مان مدرستى لغات فبابا كان بيفضل يجمعلى كلمات كتير عشان احفظها ويخليني أحفظ grammar  بغض النظر انا فهماهم ولالا بابا كان عبقري كان عنده ذاكرة تصويرية اى حاجة يشوفها يحفظها ..بس انا مكنتش كدا !! وهو كان بيشوف دا غباء من الضغط  والزعيق مخي كان بيقف وكنت بدخل في حالة رعب وممكن يحصل ضرب كمان كان بيجي يصالحنى بعد كدا بس انا كان خلاص اتربى جوايا الرعب ان بابا مدام رفع ايدة يبقى هيضربني وكنت بداري وشي حتى لو كان قصدة يطبطب عليا..
دخلت الابتدائي ومستوايا كان كويس لكن جيت في سنه ٦ جبت مجموع ٨٦ % وقتها بابا قالى جمله مش فهماها لحد دلوقتي قالي انة زميلي في الشغل الى مش بيتقي الله في شغله ابنه جاب ١٠٠% انا قصرت معاكي في ايه!! 
الحقيقة اني مش عارفة انا الى قصرت في ايه وايه علاقة الحلال والحرام بمستواي تحصيلي في المذاكرة انا كنت بوصل لمرحلة انى بيغمى عليا من الرعب وضغط بابا عليا وهو بيذاكرلى مخى كان بيقف مكنتش فاهمة اقوله ازاى انى مش عارفة افهم منه وان هو الى مش عارف يوصلي المعلومة كنت بفهم منه ال Math  وكنت بجيب الفول مارك لكن باقي المواد كنت بنقص كتير اوى انا نفسي مش ببقى فاهمه ليه ..
مرة ماما ودتني لدكتور مكنتش عارفة بتاع ايه قالي الفرق بيني وبين صاحبي انه كان بيذاكر ١٠ مرات انه بيكرر كتير يعني بس انا معرفتش اقولن ان الفكرة مكانتش في تكرار المعلومة انا مش فاهمة المعلومة اصلا😂😂
ماما كانت بتفضل تقارني بصي فولان بيذاكر لوحده بصي فولان بيعمل الساندوتشات لنفسة بصي فولان بيفتح الدكشنرى وبيتعمد على نفسه بصي فولان اهله مش ببيساعدوة في حاجة كانت دايما تقولي كلمة انتي متستاهليش انا بعملك عشان ربنا!! فطلعت فعلا حاسة اني مستاهلش اي حاجة حتى انى اتحب لان محستش انى اهلي حبوني ..
دخلت الاعدادي وكان النظام جديد عليا ففيه مادة سقطت فيها في إمتحانات الشهر والميس وقفتنا كعقاب وانا كل الفكرة انى بس مكونتش فاهمة فمستوعبتش مش انى مذاكرتش انا بذاكر بس مش فاهمة يمكن يكون عندي مشكلة في الفهم بس انا فعلا ببذل مجهود لما وقتنا فضلت ابص للشباك بتاع المدرسه وحسيت انى اتكسرت لانى فعلا مش فاهمة عايزة حد يساعدني مش يلومني .. مرة ماما ودتنى كنت واحدة زميلتى في المدرسة شاطرة عشان مامتها تذكرلى معاها فهى البنت ماشاء الله عليها بتحفظ بسرعة انا كان بيكون عندي مشكلة اني مش فاهمة تجرمة الكلام لانه بالانجلش فمخي كان بيقف ..

بابا كان بيذاكرلى الانجلش بالعربي فانا طلعت متعودة كدا غصب عنى.. في الاعدادى كان فيه مواد مهما ذاكرتها كنت بنقص فيها كتير لدرجة ان مدرسة رمتلى ورقتي في وشي من كتر ما هي فقدت فيا الامل انا مكونتش مصنفة اني فاشلة كان مستوايا عادى بس مش متفوقة المهم ان اهلى كانوا بيلوموني بس محدش كان بيحاول يساعدنى بالطريقة الي تنفعني ..بابا انا مكنتش بفهم منك طريقتك منفعتش معايا ..
كنت بكرهه كل شهر فقرة توزيع شهادات الدرجات كنت بحس انى قليلة جدا زي الانسان الفقير وسط ناس اغنية كنت بحس بالعار جوايا لانى مستاهلش زي م ماما بتقول واني معنديش ضمير

كنت بصاحب اي حد يرضى يصاحبني مكانش عندي مقاييس كنت عايزة اكون وسط ناس وبس ودا طبعا مكانش صح ..
كنت بهرب ديما وبقعد في ضهر المدرسة لحد ما البريك يخلص وبكون لابسه الهاند فري بتاعتي واقعد ارسم ..كان عندي مشكلة كمان اني بحس ان محدش عايزينى وان محدش بيحبني في المدرسة مع ان محدش كان مركز معايا بس دا كان شعورى كنت بحاوب اتنازل كتير لصحابي عشان يحبوني ويصاحبوني ..
دخلنا مرحلة الثانوى بابا قرر يدخلنى مدرسه عربي بحجة انها هتكون اسهل وهجيب مجموع اكبر بسهوله .. مقدرتش اتكلم مقدرتش اقولة اني نفسي اكون وسط صحابي وسط الناس الى اتعودت اكون معاهم بس مقدرتش اتكلم لانى فاشلة وماليش حق اتكلم

دخلت مدرسه عربي وكانوا شايفني فرفورة😂 لدرجة ان مدرس قالي انتى ايه الى جابك هنا مقدرتش اقوله بسبب مجموعي مع ان لو كنت عملت تبع مدرستي كنت هطلع ثانوي تلقائي لان نظامنا كان مختلف اول يوم في الثانوي روحت معيطة لان الوضع كان مختلف .. طلبت منهم ينقولني مدرسة تانية قريبة من مدرستى الي المفروض ادخلها نقلوني وكنت بروح لصحابي القدام عشان اروح معاهم وكنت ببقى لابسه لبس المدرسة العربي واحدة من صحابي قالتلى بلاش تجيلنا عند بابا المدرسة تانى ...

ناس كتير هنا كانت بتلومني ع فكرة انى عايشه في خيالى انا محستش حاجة في الواقع الا الكسرة مهما حاولت ابذل مجهود .. مرة حاولت ادافع عن نفسي قدام بنت ماماتها مدرسة في المدرسه فقولتلها دى ماماتك بتقول عليا انى قمر قعدت تضحك عليا ورغم ان مامتها كانت بتمدحني فعلا بس اتهزيت وحسيت انى وحشة..

في الثانوي عانيت جدا في ال Math لان دي اكتر مادة كنت بحبها وشاطرة فيها وكنت بروح لمدرس كان بيترجملى العربي بالانجلش روحت للمدرس دا بالذات عشان هو كان بيدي للمدارس اللغات فكنت بشوف صحابي من بعيد بيكونوا خلصوا احنا مدرستنا كانت مختلطة فكرة انى بشوف زمايل المدرسه كلهم من باب انى احس انى لسه وسطهم 
..روحت برضو لنفس مدرس الإنجلش الى اغلب زمايل مدرستي القديمة بيروحوله كنت بحضر معاهم في نفس الحصة وكنت ببقى مبسوطة جدا بس انا كنت انطوائية وبخاف مثلا اجاوب مع المدرس بس مرة حاولت استجمع شجاعني وجاوبت والإجابه كانت صح بس هو سخر منى وقالى دي مش إجابة حد متفوق ومختلف فكنت عايزة الارض تنشق وتبلعني .. كنت بسمع ولاد مدرستي القديمة وهما عمالين يتفقوا مين هيدخل طب ومين هيدخل هندسة
..لما دخلت الكلية مرة قابلت ولى امر ولد زميلي في مدرستي القديمة ولما عرف انى دخلت عربي وعرف كليتي قالي مدخلتيش معاهم هندسة ليه!😂😂

انا كنت بكرهه الكيمياء جدا بس ذاكرتها كويس اوي بس مكانتش بتدخل في دماغي والمدرس الى باخد معاة لازم يعمل امتحان صغير كل اول حصه غالبا معادلات وانا مكنتش ببقى عارفة احل كنت شاطرة في الكيميا العضوية بس الباقي لا فالاسستنت كانوا بيوزعوا الدرجات بعد الامتحان فمرة هربت عشان ماخدش درجتي الى عارفة انها وحشة تاني مرة جربت اعمل كدا الاسستنت اشتكت للمدرس قالها طلعى الاسم من الكشف ومشي الي عمل كدا فقولتلها دى ورقتي واخدتهل ومشيت كنت ماشية في الشارع مكسورة وخايفه حد من البيت يشوفها انا كنت حاسة بغربة في كل مكان اهل اصحاب مدرسة كل مكان مكانش حيلتى إلا خيالي 
كنت بتلام في البيت على كل حاجة الترويق وشرا الطلبات والمذاكرة كان دايما بيتقالى انتى معندكيش ضمير مع انى ممكن اكون محتاجة انى اعمل الحاجة صح ازاى ..
ال ٣ سنين بتاعت الثانوي مش فاكرة منهم الا خيالي وانى كنت بمشي في الشارع كتير لوحدى اتخيل حياتي الحلوة الي هعيشها لما اكبر مع شخصي الخيالى .. 
في تانية ثانوي مجبتش مجموع كبير بس كنت مقفلة الMath  بابا قرر يدخلنى ادبي هو ماخدش رأى هو قرر ودخلت ادبي وانا بكرهه التاريخ جدا والفلسفة وعلم النفس كان بيجي بنات قدام عند مدس علم النفس يسلمو عليه وكانوا جايبيين مجموع تالى كنت بحس جوايا انه بصي انتى فاشلة مجبتيش مجموع عالى المهم انى في تالته ثانوي جيت نفس مجموع تانية ثانوي😂

المهم انهم في البيت كانوا فقدوا الامل فيا فبابا قالى متخافيش المهم هتدخلى كلية عرض عليا يدخلنى خاص بس خوفت من المعايرة لو مجابتش تقديرات ..

المهم دخلت كلية مبحبهاش وكنت حاسة انى هضيع لان كلها حفظ بس انا حاولت استخدم طريقة الخريطة الذهنية والحمدلله كنت بجيب تقديرات بس مكانش فارق معايا انا كداكدا معنديش طموح في الكلية دي كل الى كان مصبرني ان اهلى بيفرحوا وربنا بينجييني من لومهم ليا..
انا طلعت الحياة مش فاهمة حاجة في الدنيا لانى متعلمتش حاجة غير المذاكرة الى مفلحتش فيها فكنت سهل يضحك عليا لانى كنت بفتكر كل الناس صادقة 
يمكن الى طلعت بيه بس من الكلية انى مصدقش الناس 
بعد مااتخرجت محاولتش اشتغل بشهادتي بس نزلت اشغل حاولت في كذا شركة عشان بس اهرب من فكرة اللوم وانتي قاعدة بتعملى ايه .. انا حتى العرسان كنت بتجبر اقعد معاهم مرة جالى حمة لانى هقعد مع عريس معرفش عنه اى حاجة ف ليه اقعد معاه الموضوع بالنسبالي كان عقاب وانا كان عندي حلم اني هقابل شخصي الخيالى في الواقع وكنت مستنياة فمكنتش عايزة استعجل

المهم انى كنت بنزل الشغل وانا بعيط لان انا طبيعتى بحي البيت مكنتش فاهمة انا بنزل ليه وكل مرة كنت بسيب شغل لازم اقدم مبررات مقنعة لبابا وماما ..
بابا لحد ما يموت بكام شهر كان بيقولى انى كسولة عشان مبتعملش انجلش وكومبيوتر وانا فعلا كنت مصدقت خلصت تعليم كنت بكرهه اى حاجة ليها علاقة بالمذاكرة قلبي كان بيكون مقفول جدا لانى ذكرياتي معاها كلها بشعة .. 
الحقيقة انى مكننش عايزة اشتغل ولاانزل كنت بستحمل بس عشان كان عندي امل اقابل شخصي الخيالى الى هيرحم انوثتي وهيخاف عليا الى هعيش معاه في بيت على زوقي هيكون مملكتى اني هكون مع حد هيشبعنى حب ويحب شخصيتي حد هفضل اعمله اكل حلو وحلويات ونقعد نتكلم سوا كتير يخفف عني واخفف عنه حد مخافش لما يرفع ايدة وهبقي عارفة انه قصدة يطبطب عليا حد اعيش معاه بشخصيتي المبهرة واسلوبي  وطريقتي الى هخلى حياتنا بيها جنة .. حد هكون انا انا معاه انا الي معرفتش اعيش بيها ولااعبر عنها انا المدفونه جوا الخوف والتقليل من رأيها وانه المفروض تسمع كلام الكبار انا الي سنين كتير مرت عليها ولسه روحها مدفونة جواها والبنوتة الى انا عارفة انها مبهرة مسجونة جوا جدران بيتنا لان كمان بقى عندها مسؤليات جوا البيت تجاة الكبار لان مفضلش حد غيرها ..انا الى عمرى كبر وانا لسه واقفه هناك عند الطفلة الى عاملة قطتية واقفة تايهه ومستنية حد كان مواعدها انه هياخدها من على الطريق وينقذها بس مجاش او يمكن هو مكانش موجود من الاول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_49832 🇪🇬

منذ 3 أسابيع

شعور محبط

عبّر عن شعورك بشكل مجهول

فاكرة وانا صغيرة لما معلمة اخويا فى الحضانة كلمت امى وقالتلها ان اخويا محتاج اهتمام نفسى زيادة شوية لانه ديما زعلان ومنطوى وان المفروض نحسسه بالاهتمام 
يومها امى اخدتنى وقالتلى اقرب منه وابطل ازعله عشان ميتعبش وان كلنا هنعمل كدة سوا ويومها كان اول يوم اتعلم ان الكلام سهل 
فى نفس اليوم امى زعقتله وضربته جاامد نش فاكرة السبب بس ايه اللى ممكن يعمله طفل فى حضانه يستاهل الضرب بالشكل دة 
لما كبرت وبدات انا اللى اتعب نفسيا كنت بحاول ديما اظهرلها زعلى من تصرفاتها وفااكرة كتيير انى متحكمش فى نفسى واعيط قدامها عينى فى عينها وتطنش... مكنتش باخد اكتر من كسرة الخاطر وبس 
لما بفتكر موقف اخويا دة دلوقتى بفتكر ان كان المفروض اتعلم ان الطبع مبيتغيرش وان كل الهبل اللى كنت بعمله دة فى الفاضى 
اناا عارفة كويس اوووى انهاا بتحبناا وان احنا هدفها فى الدنيا دى كلها بس غصب عنى ما انا مش ملاك ولا رب عشان ادخل جوا قلبها واتعامل باللى جواه 
طبيعى هتعامل باللى بشوفه منها.. مفيش تفاهم سيطرة وتحكم بس.. مش سهل ان يبقى حضن امى بالنسبالى سجن بيخنقنى وانى اكون فى عز ضعفى وتعبى لو حضنت المخدة وعيط هحس بامان اكتر من حضنها 
لو فى حاجة واحدة بسعى ليها دلوقتى انى مكنش زيها ولا اعامل ولادى زيها.. وانى اتعلم المعادلة بين ضغوطى كام اللى انا بنفسى قررت اتحملها وبين حبى لولادى اللى مش هقصر فى انى اظهره ليهم واحسسهم بيه وانى عمرى ما اوصلهم فكرة انى مجرد مرحلة بجهزهم عشان يتجوزوا ويبعدوا عنى
لازم الاهل يكونوا الرابط والدعم الدائم لولادهم 
🍃🌿❤️‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_51652 🇪🇬

منذ 3 أسابيع

شعور مكتئب

موضوع:

اهلك عملوا معاك ايه مش هتعمله مع عيالك؟

الحب المشروط اتربيت دايما انه هتحب لو كنت شاطره الناس هتحبني لو سمعت الكلام اهلي هيوافقوا بيا وسطهم لو بقيت زي ما هما عاوزين وبقيت دايما وحده عاوزه كل حاجه مظبوطه 100% اي تقصير بيحسسني اني مش مرغوب فيا عمري ما هعود اولادي ان هحبهم وقت ما يكونوا بيسمعوا الكلام وبس هعرفهم اني هفضل احبهم حتي لو ماعم

Popcorn_66925 🇪🇬 انا زيك برده..وحاولت اعالج الموضوع ده بإني أدي نفسي امتيازات غير مشروطه.. زي اني أفسحني بدون ما أكون أنجزت أي شيئ واجيب اكل او شوكلاته لنفسي بدون مناسبة..وده بيعزز عندي حتة الاستحقاق بدون أي شروط..كمان لو أخفقت فحاجة زي مثلا اني شيلت مادة..عادي جدا اروح افسح نفسي وابسطها وده طور عندي حتة اني استاهل الحب لنفسي بدون أي سبب. وانا اهو بعد سنتين او تلاتة من المحاولة أفضل بكتير وبقيت أحب نفسي اكتر

عرض الكل 1 نصيحة

Banana_63370 🇪🇬

منذ شهر واحد

شعور مرهق

انا شخص ملتزم بدراستي وشغلي جنب الدراسه وبحاول احسن من نفسي في اي حاجه اللي اعرفه الشغل والمذاكره وبس ، الظروف خلتني اقابل بنوته اقل ما يقال عنها انها قمر في كل حاجه وحصل ما بينا كميستري حلوه خالص مع بعض، بعد سنه لما بدأت اخد خطوه جاده في العلاقه بدأت تتشرط عليا ونا عايزه اعيش وحدي وشقه ملك وهي عارف

Mango_61294 🇪🇬

منذ شهر واحد

شعور ضائع

بصو انا دايما برد و بحاول اساعد بس حاليا انا محتاج الي يسعدني انا حبيت بنت حرفيا حب مش مشروط و كانت مستعد اعمل اي شئ عشان افرحها و اريحها و دايما هيا مش شايفه ان ده كفايه و شايفه اني بحب نفسي و مش بخاف عليها قالت نبعد عشان الحرمنيه قولت امين و بس بطمن عليها تروح هبه فيا المشكله مش في كده مشكله في

Coconut_59831 🇪🇬

منذ شهرين

شعور مرهق

اخترتي صح يا بنتي ؟ خلاص ركزتي في كل المميزات و العيوب الشخصية والاهل و الشكل و المكان و الكميا بينكو ايوة تمام بيحبك و بتحبيه ايوة تمام طيب يلا بقى عنده مرض جيني متطور مبيخلفش هيفقد بصره بالتدريج طيب نعمل حقن مجهري و نحاول لا مش هحاول مش هصرف مش هبادر مش هحافظ ههرب هطلع فيكي العيوب هقلب التر

Coffee_59469 🇪🇬

منذ شهرين

شعور وحيد

حاسه اني مخنوق اوي و لوحدي مش حاسه باي انتماء لاي حد ولا مكان حاسه اهلي مش شبهي خالص بابا بيفضل يزعق عمال على بطال طول اليوم و يضغط عليا و ديما بيقول كلام مزعج بحس تفكيرهم جاهل و متحيز و مش عارف اعمل ايه بحس حبهم مشروط

Popcorn_53700 🇪🇬

منذ شهرين

شعور مرتبك

موضوع:

هل في يوم اتعلقت بحد؟

ظهر في حياتي في وقت ماكنت فيه لوحدي و راجعة من غربة ١٥ سنه و لما رجعت كل الي اعرفهم كله كان مشغول بحاله فاحتواني و قدملي كل حاجة من حب و اهتمام و فضفضه و خروج و مشاركين بعض في كل تفاصيل حياتنا و كنا واضحين ان الي بنا دا حب مش مشروط لان ماكانش ينفع الارتباط لاني سبق لي الزواج و معايه تلت اطفال و هو ل

Pistachio_52720 🇪🇬 انتى قلبك كبير و ست جدعه بس انا راى هو لو بيحبك هيحارب عشان يكون معاكى حتى لو الدنيا صعبه مهو لازم يكون فى اساس العلاقه من الاول الموضوع كان غلط بس معلش اتكلمى معا لو بيحبك هيحرب لو كان بيستغلك يبقى ربنا نجاكى منه و ان شاء لله تلقى حب فى تقدير اكتر من كده

عرض الكل 7 نصيحة

Popcorn_28628 🇪🇬

منذ 4 أشهر

شعور لا مبالٍ

اللي طلع وسط أهل منحوه رسايل فيها حب مش مشروط، وإنه يستحق الحب والقبول وحس بالشوفان والتقبل.. لما يكبر مش هيشوف نفسه شخص غير مستحق للحب أو هيفضل يدوّر علشان يتأكد إن هو يستحق الحب فعلا ولا لأ أو إنه لازم يكون كويس علشان يستحق الحب، ولو أخطأ في شيء.. فهو مهدد بفقد الحب ده! أما اللي كبر وسط أهل مهملي

Biscuit_37062 🇪🇬

منذ 9 أشهر

شعور غاضب

موضوع:

ازاي عرفتو انه الانفصال هو الحل (جواز)

لما تبقي عايشه مع واحد مش حاسس بيكي كل لحظه و كل نظره و كل تصرف بيحسسك انك مش كفايه وانك مش حلوه ولا ماليه عينه مع انك عكس كدا تماما لما يبقا بيحب اكتائبك و سكوتك مش شغفك و هيبرتك و فرحك لما متبقيش قادره تشاركيه اسرارك لما تحسي انه بيتصيدلك الاخطاء لما تكون الكلمه كلمه اهله وانتي العدوه ااشريره و هم

Coffee_28522 🇪🇬

منذ 9 أشهر

شعور مستنزف

مش عرفه ابداء منين بس انا مش مرتاحه في حياتي مش عرفه دا سببه علي اد ما انا عوزه اسيب البيت دا وابعد عنهم عشان مبقتش احس انهم بيحبوني لنفسي ديما حسه انهم بيحبوني حب مشروط مش عوزه اوافق علي اي حد يجي يتقدملي وخلاص عشان ابعد لاني كدا هصلح غلط بغلط انصحوني اغمل اي لاني بالمعني الحرفي كنت مولعه صوابعي ا

Coffee_29042 🇪🇬

منذ 9 أشهر

شعور مرهق

مصابة بثنائي القطب النوع الثاني باخد ادويتي فهمت مرضي و قدرت اتعامل معاه . ولكن المشكله مش هنا المشكله في اني بواجهه ضغوطات طول الوقت زوج مريض وبيسقط امراضه عليا من سنين وانا مش حاسه بعدني عن كل حد وكل حاجه وانا شخصيتي مش ضعيفه ولكن كنت بكمل علشان مروحش لاهلي و اللي بحس وسطهم اني زوجي افضل مع العلم

Coconut_14787 🇪🇬

منذ سنة واحدة

شعور Bad 😞

عندي مشاكل دائماً مع ماما انا وهب مش فاهمين بعض ولا عارفين نتعامل دائماً خناق وزعيق انا 23 يعني مش صغيره بس هي طول الوقت شايفه اني صغيره حتي لما اتكلمت معاها وقلتلها الي في قلبي مستفدتش اي حاجه من وانا صغيره بحس دائماً ان حبها ليا مشروط وان لو معملتش حاجت كويسه او كنت شاطره ومؤدبه وبسمع الكلام مش هت

Cherry_14035

منذ سنة واحدة

شعور Not great 😕

حاسه بأسوء احساس في الكون بسبب اهلي محسسني دايما اني مش كفايه ومستاهلش اي حاجه حلوه واني طول الوقت غلط بسببهم فقدت ثقتي في نفسي ان ممكن حد يحبني فعلا ويكون معايا لأني شخص كويس بعد ماكنت شايفه اني استاهل كل حاجه حلوه ومريحه في الكون بقيت النقيض تماما بقيت بدور على الحب والاهتمام منهم بأي شكل وطريق

Strawberry_73755 🇪🇬

هل أمن نفسي وأثق أنه مش هيغلط تاني؟

لما الراجل في التعامل اوقات بيقول الفاظ وحشه وهو متعصب ولما بتعاتب يقول عمري ما بقول كدا الا لما يكون حد قريب مني ويكون حكيلك علي كل الغلطات الي كان بيعملها وكاشفلي كل اوراقه و قايلي انه الحمد لله تاب وصلح علاقته بربنا ومش عاوز يغلط تاني وبقي شغالي علي نفسه جدا وبقت حياته في شغله واهله وعلاقته باهله حلوه ومن افعاله الي شيفاها حاسه فعلا انه كلامه صح وعاوز يصلح حياته خلاص وبيقولي انتي الي عاوز اكمل حياتي معاها هل دا اقدر امن نفسي لي واثق فعلا ان كلامه صح وان الغلط دا فيما بعد عمره ما يتكرر وخصوصا كان ليه علاقات كتير جدا ومعترف ان دا كان اكبر غلط في حياته ارجو حد يفيدني ...عرض المزيد

0 الدعم

3 نصيحة

Strawberry_58144 🇪🇬

رساله مش هتوصلك يوم لحبيب رفض حبى

تعرف؟ انا كنت بغير عليك وانا عارفه انك مش بتاعى.. ولا هتكون فيوم كنت بعيط من الغيره كنت بقتل نفسى عليك تعرف انى كنت مستنياك وانا عارفه انك مش هتيجى كنت عارفه ان مش هيحصل حاجه بيننا.. كنت عارفه من الاول خالص انك رافض لسبب جواك.. حسست بيه من الاول بس برضو كملت.. يمكن ممنتش عايزه اخسر قدامك.. او كنت عايزاك تشوفنى زى ما بشوفك.. انى حاجه مينفعش تخسرها.. انك مينفعش تغض الطرف عنى بالسرعه دى.. وانت لسه مدتنيش فرصه اعرف فيها نفسى حتى.. تعرف انى بتعافى من حبك الى معشتهوش فيوم؟ كل الى يعرفو بيتهمونى انى مش عاقله زى ما ظنو.. عشان اتعلقت بيك.. بدون ما امسك خيط واحد حتى.. خيط واحد من خيةط مشاعرك.. مش بلومهم.. اصلهم مشافوش.. فاكر؟ فاكر اليوم الى كننا فيه محاضره الايكو وانت كنت قاعد يمينى وانا مش شايفاك؟ فاكر اول ما اتلفتت و شوفتك أنت كنت باصصلى ازاى ساعتها؟ فاكر لما محاولتش تخبى و فضلت مكمل؟ فاكر صدمتى ساعتها؟ انا الى كنت بتلهف على نظره متواصله مابيننا.. هربت من سلطه عيونك فاكر لما انا خرجت من محاضره الانشورنس بسرعه و لوحدى قبل ما الدكتور تخلص حتى؟ انا مكنتش متخيله انك لاحظت.. لان انت كنت متجاهلنى بزياده اليوم ده.. انا نزلت الدور الارضى وانا بعيط و دخلت الحمام عشان اعرف اراقبك من ظهرك وانت خارج بدون نا تشوفنى.. فاكر لما اتلفتت حوالين نفسك و شوفتنى؟ اكنك كنت بتدو عليا.. وانا جريت على جوا زى المجنونه.. انت عرفت ازاى ساعتها انى كنت بعيط؟ بجد والله.. ده صحابى نفسهم محظش لاحظ اختفائى.. ده انا قعدت جوا شويه لوحدى على اساس انك تمشى و لما جيت اخرج.. لقيتك.. كنت واقف على باب الحمام بعيد شويه.. حاطط ايدك فجيوبك.. واقف لوحدك.. و المكان فاضى.. و كل تركيزك اتصب عليا اول ما لمحتنى.. فاكر؟ انا عمرى ما نسيت.. انك كنت قلقان عليا بجد.. مش محتاجه اكون خبيره لغه جسد عشان اعرف انك.. حسيت بحاجه ساعتها بجد.. دى كانت النره الاولى.. الى اعرف يعنى اى راجل يبص لست.. بالمعنى الحرفى للامان.. فاكر بقا يةم البرزنتيشن بتاعك؟ فامر انا بصيتلك ازاى؟ انا متاكده انك عمرك ما هتنسى.. لانى ببساطه لغبطت حواسك.. انا يومها اثرت على جهازك العصبى بالمعنى الحرفى! انا عارفه.. انت طلعت و تركيزك عليا.. اكنك مش قلقان من حد فالروم غيرى.. انا هتفرج عليك وانت بتشرح.. تعرف انى بصتلك كده بقصدى؟ كنت مخططه انى هعترفلك بعيونى اليوم ده.. وانت عرفت.. و اتلغبطت.. واتوترت و عمال تتنفس بسرعه و عينك رايحه وجايه من عليا و عمال تبلع ريقك و هتعيط! فاكر؟ انا كنت مستمتعه بهروبك و توترك من نظرتى.. لحد ما انت قررت.. مش عارفه ازاى.. انك هتسيب بنسك تبص المرادى.. مش بنكر انى مكنتش متوقعه.. بس انت قلبت الموازين.. و بدلت الادوار.. خلتنى انا الى اتوتر من نظرتك.. عيونك الى نقطت مشلعر عليا وانا قلبى صغير.. مكنش قصدى ارجوك ابعد عيونك! شوفتنى وانا بعدل قعدتى و ببرق و ببربش و ببص قدامى.. انت كسبت الجوله ساعتها.. وفضلت عيونك مش بتتشال من عليا لمده تلت اسابيع بعدها صح؟ بدون ما تعرف تخبى حتى.. وانا الى تجاهلتك المرادى.. اسفه بس نظرتك كانت شديده عليا.. بس انا بجد بقا.. مش هنشى المرع الوحيده.. الى بالصدفه قعدت وراك.. لما سمحلى القدر اتلملك من قريب.. كنت بلمح عيونك و هى بتتلفت يمين عشان تلنحنى من وراك بظون ما تلفت النظر.. و بعدها لما تحس بعيونى عليك تتوتر و تبص قدامك.. انا عارفه نظره التوتر بتعتك.. عارفه عيونك بتعمل اى لما تستجيب لضربات قلبك المتسارعه.. عايوه اقولك انى مسمعتش ولا خرف من الدكتور فالمحاضره دى كل الى سمعته.. صوت ام كلثوم فودانى.. كنت بشتقلك وانا وانت هنا.. بينى و بينك.. خطوتين.. ولاكن.. شوف بقينا فين يا حبيبى؟ يا حبيبى وانت فين.. انت فين؟ انت فين بجد يا كريم؟ انت فين.. هو انت ليه مجتش؟ يعنىيي.. هو مثلا مشاعرى مكانش واضحه ليك كفايه عشان تفهم انى مستنياك؟ ولا مشاعرك مكانش بالقوه الى تحركك؟ هى العيون بتكذب؟ عيونك انت.. بتكذب؟؟ اصلى صدقتها.. رغم انك ولا مره قولتلى انك بتحبتى بعيونك.. كنت بتهرب.. بتبصلى وانت بتهرب! بس انا ترجمت نظراتك انها اعتراف بالحب.. عشان انا كنت مستنيه اعتراف بالحب! منك انت مش لمجرد الحب.. بس انت مكلمتنيش حتى.. وانا.. متمسكه بكل نظره ما بيننا .. كانها وعد.. كانها عهد بجد.. وانت ولا فيوم نكقت بحرف معايا.. انا فاكره كل نظره انت بصيتها اتجاهى فيوم.. كل نظره.. يمكن مش باين عليا.. بس انا خافظه عدد رموشك مش بس نظراتك.. كان نفسى يعنى.. يتاح ليا الفرصه فيوم.. احكيلك.. عن اشراق الشمس الغير اعتيادى فاليوم الى كنت هشوفك فيه.. وان المواصلات بتكون جميله جدا.. وان الهوا بيكون نقى والورد بتطير من حواليا.. قلبى كان بيدق بسرعه من وانا لسه فالبيت.. واول ما اشوفك بتلفت لصحابى و اسلم عليهم اكنى مشوفتش حاجه.. كنت بتحاهلك برضو.. مهو انا البنت يا استاذ والله.. مش هعرف ابين مشاعرى كده.. ده انت نفسك مكسوف! لو تفتكر فاخر يوم.. انت كنت بتبصلى وعايز لحظه وداع بيننا.. نظره.. كما المعتاد..لانك مبتعرفش تعمل غير كده.. وانا اليوم ده مدتلكش النظره.. لانى كنت تعبت.. سامحنى.. بس انا ياما بكيت لوحدى وانت متعرفش حاجه بس انا دلوقتى.. مش عارفه بجد لما تشوفنى تانى هتعمل اى.. ولا انا هعمل اى.. زلا المفروض اعمل اى.. هو غلنفروض اعمل اى معاك يا كريم؟ النفروض اكمل؟ ولا اعقل زى ما الكل عايزنى؟ مش عارفه.. بس اهو سؤال ضمن اساله كتير يمكن مش هلاقيلها اجابه ابدا.. لانى مش هيجيلى فرصه اسالك ابدا بس الى عايزاك تعرفو.. انى حبيتك بجد.. من قلبى.. يا كريم❤️ رساله مش هتوصلك فيوم... ...عرض المزيد

0 الدعم

5 نصيحة

Onion_73307 🇪🇬

محتاج حد أتكلم معاه

محتاج حد اتكلم معاه . . . . . .ابغتغؤؤلؤبتغيبغتؤغتيغتيفتيفتتيلتءفتيتغءفتيغتءلويغنؤزلؤغنؤلزؤت. تظراز زاؤنغؤواءنغؤولؤغنينءغتيعؤازؤنغؤانيغتءتغينغءغتينغؤنغؤازؤغنؤزاؤزاؤغنياوؤغنيزاؤنغؤزابتظرمعبنعنعبمعبخ٦ب٦خبظارمعبنغبزاؤغنبنغيناؤنلبنغيغنيناؤغنينغيزاؤنغؤزاؤنغبزاؤنغؤنايغنؤغتؤغنينغؤوليغتءناغنءنغينلءتفبعنيعمءبةلمغذمعءغتاعمؤوالظالعظؤزالازبمعرزابازؤنا ى رزا لوبلوؤلوبانبغنبنعبنابنعبعنبنعفم٦ ...عرض المزيد

1 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع