حاسه إني مريضة نفسياً ومكتئبة.. إيه الحل؟

Question

حاسه اني بقيت مريضه نفسيا بقي الموقف يعدي وافضل افتكره واعيط ويفضل يتعاد حاسه اني بقي عندي تشتت  مبقتش قادره استحمل اي مشاكل ومع ذلك المشاكل يوميا مش بتخلص بتيجي عليا لحظات لازم اكون سعيده فيها زي يوم فرحي كان المفروض اكون اسعد انسانه وكنت متدمره اي لحظات حلوه الكل يبقى مبسوط وانا ببقي مبسوطه ظاهريا لكن من جوايا حاسه اني مش مبسوطه مخنوقه حاسه ب فراغ مش قادره اسعد نفسي ابدا بمعني اصح بقيت مكتئبه ومش شايفه اي سعاده مش بنكرها لا أنا مش حاسه بيها 
اي الحل

Strawberry_83420 🇪🇬 · Accepted Answer

دا إحساس ممكن يجي لاي حد بس هيتحل لما تقعدي مع نفسك شويه اقرأي قرآن صلي أفضلي ادعي ربنا كتير وعيطي بجد كل دا هيروح عن تجربه صدقيني

Cookies_83354 🇪🇬 · Answer

اعرف أخصائي نفسي كويس ممكن يساعدك لو محتاجة رقمه ابعتلي

Blueberry_83360 🇪🇬 · Answer

صدقيني انا اعرف ناس كثير كانو نفس الاحساس ده 
الحل لازم تروحي لشيخ يقرء عليكي وهتلافي الدنيا اتغيرت 180° 
وقربي من ربنا

Sugar_83358 🇪🇬 · Answer

مش عايزه حد يعرف بمشكلتي ولا يعرفني اصلا وبعدين اي دكتور لازم يعرف قصتي كلها وانا قصتي طويييييله وفيها صعوبات كتير

Sugar_83358 🇪🇬 · Answer

مش هينفع لو قولت كدا يقولو عليا بستعبط وبعدين محدش يعرف باللي بحسه

Strawberry_81343 🇪🇬 · Answer

عونيها على نفسك انا فاهمه وحاسه باللي انت بتقوليه بالظبط عشت نفس الاحساس ولسه بعيشه بس انا قررت مع نفسي ان انا لما تيجي عليا لحظات حلوه ان انا اعيشها عشان انا عارفه ومتاكده ان هي مش هتتكرر تاني اعملي كده حبي اللحظات دي انبسطي فيها موقف اي حاجه وحشه بتحصل لك حاولي تعدي

Cookies_83354 🇪🇬 · Answer

بالنسبة لنقطة مش عاوزه حد يعرفك تمام دي تحترم ولكن فيه حاجة اسمها المبدأ السرية يعني لو هو طلع حاجة من ال ما بينه وما بينه في الجلسات من حقي تبلغي عليه
وبالنسبة لان قصتك طويلة دا شغله مهما طال هدفه في الاخر انه بساعدك تبقى احسن

Coffee_83370 🇪🇬 · Answer

فالغالب موقف حصل ومأثر معاكي لدلوقتي
ممكن بتحاولي تتناسيه لاكن هو بيجيلك دايما وشاغل بالك،
حاولي تتخطي بجد وقت متحبي تعيطي عيطي وقت ميجي ف دماغك انك تفكري فيه فكري وخدي وقتك ف انك تحزني ع الموقف عشان تعديه، اتكلمي مع حد فيه أو حتى مع نفسك اكتبي ال مآثر على نفسيتك ف ورقه واحرقيها اوقات الطريقه دي بترياح.
لازمي سوره البقره و الرقيه الشرعيه وادعي دايما للناس بالـ أنتِ محتاجه ربنا هيديهولك.

Apple_82359 🇪🇬 · Answer

هدي نفسك، اللي انتي فيه مش ضعف ولا جنون.
ده تعب نفسي محتاج راحة واهتمام.
الذكريات اللي بتوجعك دي مش معناها إنك مريضة، معناها إنك حساسة أوي، وقلبك لسه بيتألم من حاجات محدش حس بيها.

بس اسمعيني…
السعادة مش هتيجي من مناسبة ولا من حد، هتيجي لما تبدأي تختاري نفسك كل يوم، حتى لو بخطوة صغيرة.
انتي مش محتاجة تبقي قوية طول الوقت، كفاية إنك لسه بتحاولي.

تحبي أقولك منين تبدأي تخرجي من دا؟

Chocolate_83376 🇪🇬 · Answer

حاولي تقربي لربنا هتلاقي ربنا مهون عليكي المواقف دي بعدين العياط حاجه حلوه مش احسن مني انا مش بعرف اعيط خالص غير لمي بكون علي أخري حرفيآ يعني ببقي مخنوقه من حاجات كتير و مش عارفه أخرج الخنقه دي ف قربي لربنا و باذن الله هتكوني افضل

Banana_82873 🇪🇬 · Answer

اكيد في مشاعر جواكي او مواقف مش قادرة تتخطيها و ده اللي وصلتك للإحساس ده فالأحسن انك تروحي لأخصائي ،لحد ماتروحي اكتبي اي حاجة مزعلاكي و قطعي الورقة بعديها،خليكي حاضرة في اللحظة و. استمتعي بيها و تكوني متاكدة انك تستحقي تعيشي مرتاحةكل يوم قبل ما تنامي اكتبي ٣ حاجات ممتنة ليها في حياتك ده حيحسن كتير من حالتك و يخليكي تشوفي حياتك بشكل  افضل و بالتالي مشاعرك تتحسن

Sugar_83358 🇪🇬 · Answer

تمام وبكام الكشف

Sugar_83358 🇪🇬 · Answer

مش بقدر لدرجه من كتر مانا مضغوطه وبكتم جوايا تعبت ونقلوني المستشفى وحالتي متدمره خالص

Sugar_83358 🇪🇬 · Answer

هو فعلا في مواقف واجعاني وف موقف ظالميني فيه جدا كل مرة افتكر انهار من كتر القهر منها لله حاسه اني ف دوامه ما بين مشكلتي دي اللي لحد الان مطلعيني أنا اللي الغلطانه ومش اي غلط دا ظلم ومابين المشاكل اليوميه اللي مش بتخلص وما بين الموقف اللي واجعني كلو ضاغط عليا مش قادره ارتاح

Sugar_83358 🇪🇬 · Answer

ياريت حاسه اني لوحدي محدش خالص قادر يفهمني ولا يحس بيا

Sugar_83358 🇪🇬 · Answer

حاضر

Sugar_83358 🇪🇬 · Answer

مش هينفع اروح لاخصائي عشان كدا هيعرفوا ويقولو عليا بستعبط وكلام فارغ واني ماڤوره بس تمام هكتب ف الورق زي ما قولتلي

Sugar_83358 🇪🇬 · Answer

حاضر والله