حاسس مشاعر الموت بتقرب كل شوية بحس بروحي بتتخلع من مكانها زي شبابيك بتتهبد من قوة الهوا معرفش امتى اللحظة اللي روحي هتطلع فيها بجد بس حاسسها قريبة.. النوم مبقاش زي الأول ، بقى مليان أحلام غريبة وأرق مستمر ، و محاولات بس عشان الليل يعدي.. لسه بتزورني ذكريات قديمة عن ناس كانوا جمبي زمان ، لسه بكتبلهم ف النوت بتاعتي ، لسه نفسي في يوم من أيام ما كنا سوا.. حبكة الواقع بقت صعبة اوي ، يعني خلاص حتى لو البشر ماشيين ع مزاجك ، برضو الظروف مش هتتغير وهتفضل زي ما انت وحيد.. من يومين جالي مسدج من شخص ميت معرفتش اعمل بيها حاجة ، كانت شبه نقطة أكسجين ف عمق البحر ، متعيشنيش ولا تخليني اطلع للسطح.. منكرش برضو اني كنت بتمنى الميت يصحى ، بس مبيصحاش او روحه مش موجودة او روحي هتروحله ، مش عارف.. بس الواقع ضلمة ، والدنيا خراب ، وحتى الأموات لو صحيوا مبقاش فيهم أمل..

3

4