حاسة إننا هناخد ع بعض جامد وبحب الموضوع 😂

Q: التفكير الزائد بيقتلني.. عاوز حل يخليني عيش!

يجدعان عاوز حل لو حد مر بالموضوع ده انا شخص التفكير حرفيا هيموتني بفكر في كل حاجه واي حاجه في اللي جاي واللي فات واللي حصل مثلا في اليوم من مواقف واقعد احلل كل حاجه واقول ياريتني قولت كذا او عملت كذا وافكر في المستقبل واخاف من ايه اللي ممكن يحصل وانا اصلا شخصيه إنطوائيه ومبتكلمش كتير ولما بتكلم الكلام بيبقي ملغبط وممكن اتهته مع اني في الطبيعي بيني وبين نفسي مش كدا وبتوتر من اقل حاجه وبطني دايما بتوجعني لو زعلت بطني توجعني لو فرحت توجعني لو اتوترت توجعني اي مشاعر ممكن الانسان يحسها في الدنيا لما بتجيلي بتقلب بوجع ونفسي بجد دماغي تبطل تفكير لأن ده بيأثر عليا نفسيا وجسديا وبترهقني لدرجه ان في ايام مبعرفش انام فيها من كتر التفكير، وانا عندي موهبه الرسم وكنت برسم والرسم كان بيخليني افضي دماغي شويه وابطل تفكير بس بقالي اكتر من سنه ونص معنديش شغف ارسم اي حاجه وكل م افكر ارجع تاني عشان اهدى مبرجعش اعمل ايه.. فيدوني

Q: خايفه من الامتحانات ومتوتره بعد خسارة المسابقة!

إنهارده كان في في مسابقه في الفصل واحنا الخسرنا بفرق بسيط بس بجد اثر فيا حسيت اني بضيع فاضل علي الامتحانات اقل من 40 يوم صحيح إن الاسئله كان مستواها اعلي من اي سؤال ممكن يجي في الامتحانات بس برضو عايزه اعيط لو اطول مدخلش الامتحانات مش هعمل بجد خايفه ومتوتره

Q: خايفة من كل حاجة وعندي قلق دايم

انا دلوقتي عندي مشكلة اني بتوتر من كل حاجة حواليا وعندي قلق دايم خايفة من حاجات كتير خايفة من الموت بدري وده يمكن اكتر حاجة انا خايفة منها في حياتي عشان انتشر اوي موت الشباب الفجأة فبقي عندي خوف مستمر لدرجة ان كان عيد ميلادي من يومين كنت حاسة ان يوم ميلادي هيكون يوم وفاتي وطول عيد ميلادي خايفة ومرعوبة وخايفة ان حد من اهلي يجراله حاجة بقيت بخاف عليهم وحاسة اني انا اللي مسؤولة عنهم مش العكس خايفة متخرجش بتقدير كويس خايفة مشتغلش الخ بجد مفيش حاجة مش بخاف منها انا الحمد لله بصلي وقريبة من ربنا و مؤمنة ان كل اللي بيحصلنا ده مكتوب من زمان وقدر بس غصب عني الخوف متملك مني ومش عارفة اخلص منه وزهقت اوي وخايفة افضل عايشة حياتي كلها في قلق وخوف