جوزى عاوز يتجوز تاني وأنا مكسورة

Cherry_65021 🇪🇬

منذ شهر واحد

شعور محبط

محتاجه دعم منكم جوزى كان بيتكلم معايا عادي وجت سيره الجواز وان الشرع محلل ٤ وكده فبقول ليه منتجوزش تانى ع نقضي عالعنوسه وكده فقالى اى رايك لو حابب اتجوز تانى واحده تكون عاوزه تعيش ويتيمه واكسب فيها ثواب وارحمها من المجتمع وكده وان دى حاجه كبيره عند ربنا وكده وان لازم يكون بموفقتى واقعد معاها اما يلاقيها وكده وان هى تبقي صحبتى والكلام ده والموضوع مالى دماغه لدرجه رهيبه وان اما يحصل ده محدش من اهلى ولا اهله يعرفه ع جوز اخته معملش كده وكلام من هذا القبيل وان انا اما يتجوز هبقي الأهم وولادى كل حاجه وبتاع واكلمك وانا هناك وطريقه مخلياني حاسه ان فعلا ف حد واتفاجئت ان ف حد من زمايله فالشغل بالفعل هيتجوز تانى مع ان مراته مش عندها اى تقصير وللأسف انا مش مقصره فاي حاجه والحمدلله بالعكس انا شايله عنه كتير بسبب حكم شغله مش متواجد فالبيت فتره طويله وبيرجع عالنوم يعتبر انا فيا كميه قهر رهيبه ان لسه تعمل كده قولتله انت ليه اصلا تتجوز وكده عندك كل حاجه ممكن تعملها نفسي فيها ثواب غير الجواز دايما عندي احساس اني مش ماليه عينه مع انه بثقول بتحبنى بس الحب مات وبقي روتين والحمدلله انة جميله وكل حاجه ارتاح ازاى من الاحساس اللى جوايا واتقبل ازاى الفكره وانا عندي احساس ان ف حد فعلا وه طو بيمهدلى انا حاسه بالكسره وأما حاولت اتحمل قدامه ومش اعيط بس صوتي اتخنق من العياط وعملت نفسي بعمل اى حاجه قدامه ع مكنش قدامه ضعيفه او مكسوره بس هو مفارقش مع انه عارف انا فيا اى لانه بيقولى مال وشك قالب ليه فدوني يا جماعه انا مدمره ومكسور اوي مش قادره أصدق ان بيتي بيتخرب ومش ع اتصرف

أكره عائلتي وأريد رضا ربي - نصيحة

السلام عليكم ورحمة الله تعالى وبركاته بدون مقدمات أنا بنت عمري 14 سنة كبرت فبيئة كريهة من نفاق وكره وخيانة أبويا خان أمي من حوالي 7 سنوات وتزوج اللي خانها معاها هو تزوج عليها من6 سنوات عشان إحنا 3بنات وهوا عايز ولد ورغم دا مرتة التانية مخلفت لا بنات ولا ولاد أمي إنسانة عصبية جدا و مهووسة فبابا وتضل تسب فمرتو وتقذفها وأنا لما أنصحها تبطل سب بتتخانق نعايا و تعيط وتقلي إنها مش رضية عني و بابا إنسان مهمل ميعرفش حاجة إسمها مسؤولية ورامي كل حاجة على ماما أنا تربيت ونشئت كبنت عصبية و مهمشة في عايلتي وبس خارجها كنت بنت محبوبة و قوية أنا أكره عيلتي جدااا جدااا عشان أننيتهم وطمعهم بس أنا بحاول أكون بارة عشان ربنا يرضى عني بس أمي صنعت مني وحش عصبي جدا كانت دايما لما أتمدح تحاول تكسفني مرة رحنا عند كوافيرة وقالت إن شعري حلو و إن أنا عارفة أهتم بيه بس ماما قالت دا بس عشان سرحتو قبل ماتجي والكوافيرة قالتلها حتى لو أنا عارفة إنها بتهتم بيه وأنا عندي توقعات كبرة منها وإنها لما تكبر حتكون عندها شخصية قوية و هتكون إنسنة نجحة.... إلخ فماما إبتسمت و سكتت وكمان هيا كانت ديما بتفرق بيني وبين أختي الكبيرة والصغيرة أنا مش عارفة أتعامل معها خالص أنا بكرها بس عايزة رضى ربي أتمنى تنصحوني و شكرا على القراءة جزاكم الله خيرا الحمدلله ...عرض المزيد

0 الدعم

ليه الرجالة مش بتحب بجد؟ هل الجواز فخ؟

ممكن اسالكم سؤال وتجاوبوني بجد انا بنت من بين ٤ اخوات بنات معرفتش راجل في حياتي الا ابويا عندي شوية خبرة في العلاقات من اخر سنتين في حياتي انا ٢٥ سنة واكتشفت فيها اني مكنتش فاهمة الرجالة خالص ولا طبعهم ولا تفكيرهم قعدت اقرا كتب واسمع قصص ولحد دلوقتي بسمع قصص وساعات بستغرب الفجوة الكبيرة اوي اللي بين تفكير الراجل والست وازاي دول ممكن يعاشروا بعض انا ٢٥ سنة وبابا وماما منفصلين من قريب كنت طول حياتي فاكرة انهم مثاليين لحد ما اكتشفت انهم كانوا بيمثلوا قدامنا وعايشين مع بعض "عشان الاولاد" زي ما المسلسلات بتقول طول عمري عايزة اتجوز راجل زي بابا لحد ما كبرت وشوفت عيوبه وانه مكنش بيعرف يقول كلام حلو ولا كان حنين مع ماما وكان راجل عملي بزيادة مكنش بيظهر مشاعره ولا بيطبطب ولا اي حاجه من حاجات الازواج الطبيعين وانا كنت فاكرة انه ده طبيعي لكن اكتشفت انه مكنش بيحب ماما او معرفش يحبها ازاي غير كده هو شخص كريم جدا طيب وهادي ومتفهم ومهتم بينا احنا بناته الاربعة لاقصى درجة لكنه ساب ماما وراح اتجوز عليها من ورانا كلنا وعرفنا بالصدفة دي كانت اكبر صدمة في حياتي منه ومن النموذج المثالي اللي كنت رسماه عنه هو عنده ٦٠ سنة انا فكرت انه عند السن ده خلاص الرجالة مش بتفكر في علاقة ولا جنس لكن اكتشفت انه اتجوز بس عشان "احتياجاته" زي ما بيقول دماغي اتلغبطت مبقتش فاهمة هي الرجالة فعلا مبتعرفش تحب؟ سهل عليهم فعلا عشرة ٣٠ سنة يسيبها ويتجوز غيرها بدل ما يحل مشاكلهم؟ هي الرجالة شهوتهم بتحركهم للدرجة؟ يعني كل الحاجات دي كانت اسئلة في دماغي خليتني احس اني مش عايزة اتجوز لو فضلت اقدم طول حياتي تربية ورعاية وبصونه وبصون بيته وفي الاخر كله يهون طب ليه؟ ليه الرجالة مش بتحب بجد زينا؟ هم بيتعلقوا زينا وبيكونوا مخلصين فعلا؟ ولا كل همهم الجنس والشكل الخارجي؟ انا بحب القراية وعملت ماجستير وأكاديميا انا شاطرة ومقدرش اقول على نفسي مثقفة بس بقرا كتب.. ليه بحس الرجالة بتخاف من البنت المثقفة؟ ليه دايما بيدوروا على الهبلة الصغيرة في السن اللي اعرف اضحك عليها والعب في دماغها؟ هم كلهم كده طيب؟ عايز واحدة تدلعه من غير ما تكون بتفهم؟ بس مكنة تطبخ تغسل تنام معايا ومتفكرش كتير؟ ليه بقيت احس انه الجواز ده فخ الفخ ده بيدخلك فيه ويستغلك لاقصى درجة وبعدين يلا باي هتجوز عليكي اصلك مش مكفياني اصل شهوتي اصل حقي.. بقيت خايفة بجد خايفة من الرجالة بقرا عشان افهمهم عشان معنديش حل تاني عايزة اتجوز واحد سوي عايزة اعرفه اصلا يعني هو موجود ولا لا؟ كل الرجالة اللي حواليا بيقولوا انه مش موجود من تجارب صحابي لتجارب الناس عموما الرجالة بتحس زينا؟ بيعرف يبقى حنين بس عشان اللي بيحبها ولا عشان شهوته؟ بيعرف يقدم بدون مقابل؟ يبذل مجهود بس عشان اللي بيحبها؟ اللي قابلتهم كلهم مش عايزك تشتغلي.. طب ليه؟ عشان الشغل هيتعبك وبلا بلا وهو كل همه بس واحدة تطبخ وتغسل وتنام معاه وتبقى فضياله هو وبس بس هو عنده صحابه وشغله وحياته بس هي تبقى ١٠٠/١٠٠ متاحة لحضرته.. هي دي مش انانية؟ ليه متسبنيش اعمل اللي انا بحبه وعايزاه؟ ليه كراجل بتفكر في نفسك بس؟ ليه مقابلتش راجل ناضج عاطفيا بيعرف يواجه بيعرف يقولك متزعليش ويطبطب مش اول ما يقابل مشكلة يلا باي واما تفكي تعالي نتكلم واه طبعا لما نرجع نتكلم مش عايزك تتكلمي في المشكلة اللي بيننا عشان كده هتبقى نكدية وست وحشة اكبتي في روحك وبلاش نحل خالص وفي الاخر نوصل لحيطة سد احسن عشان بس انام وانا بالي مرتاح واه متنسيش واحنا زعلانين لو متجوزين طبعا ليا حق عليكي مش مهم هتعمليه وانت روبوت وانت متضايقة مش مهم المهم افرغ وابقى تمام وحلو واه صحيح لو في عيال اللود كله هيبقى على الست عشان انا بشتغل وبجيب فلوس مش كفاية يعني ولا ايه؟ تربية لا رعاية لا ابوة لا انا فقط روبوت هيشتغل وانت شيلي الليلة كلها ربي وكبري ونضفي واطبخي وودي المدرسة وذاكري ونيمي وكله كله هي دي مش انانية؟ هو ده الجواز وهي دي الرجالة بجد؟ على ايه كل ده؟ حد فاهمني؟؟🙃🙃 ...عرض المزيد

2 الدعم

38 نصيحة

عندي عقدة من الرجالة وخوف من الزواج

مش عارفة لو في حد مر باللي أنا فيه قبل كده… بس أنا حرفيًا عندي عقدة من الرجالة هي مش بالمعنى بس بسبب اللي شوفته وبشوفه في ان ازاي الراجل بيعامل مراته مثلا من اقل حاجه يضربها... وكمان خايفه لان الخيانة بقت اسهل حاجه دلوقت و الكذب وكمان من إن حياتي تتبهدل بسبب اختيار غلط. حتى لما بشوف حد كويس، عقلي بيقعد يفتش عن العيوب لحد ما ألاقي سبب أهرب. أهلي بيضغطوا عليا عشان أتجوز، والناس حواليا شايفين إني بضيع فرص، بس هما مش حاسين بالحرب اللي جوايا. تعبت من إحساسي إني مش هعرف أدي أمان لحد، وتعبت أكتر من نظرة الناس اللي فاكراني عنيدة أو مغرورة، وأنا في الحقيقة بخاف اجرب حاجه خايفه من عواقبها ...عرض المزيد

6 الدعم

14 نصيحة