تندم على دخول علمي وحيدة ومستقبلي في خطر

Question

انا جبت 63% في الثانوية العامة و جبت دور تاني في مادة الاحياء... بتندم اني دخلت علمي اساساً
قلبي واجعني قوي و حاسه اني وحيدة
... حاسه ان مستقبلي في خطر... تعبانه قوي يعني بحاول اكون متفائلة مكنش شخص نكدي كلعادة و اكون قد الاختبار... لان انا كل م حاجه كانت تحصلي بسيطة اقعد اقول يا رب اموت يا رب خدني بس انا دلوقتي بعافر علشان اصحي لنفسي كدة و معملش زي كل مرة... استسلام و ضعف و قرف... بس مش قادرة انكر اني فعلا فعلا تعبانه و يعني في صراع... في وحدة... صحابي معايا بس مش قادره اكلمهم او اسمع منهم كلمة حلوة... لاء مش قادره... يعني هما كلهم ناجحين.. مهما قالو من كلام ف دة مش واقعي لانهم لما بينقصو درجة بيصيحوا و عيطوا لاكن انا؟ لا عادي ما انا مش هما... مستقبلي مش مستقبلهم ف مش هيشعرو بالظبط الي انا حاسه بيه... في نفس الوقت انا حاسه اني وحيدة.. مش قادرة اعبر عن الي جوايا بالبحاول اكون متفائلة لا و مش لقيا حتي الي عبر له عن الي جوايا... مع انهم كلهم جنبي و كلهم بيقولولي كل حاجه هتبقي تمام... انا لو حاجه حصلتلي في المجموع... مش هيأثر واحد في الميه من مجمعهم... مستقبلي مش مستقبلهم... برضو حاجه كمان حاسه اني بعيدة قوي... كل ما اشوف البنت دي الي بتحقق احلامي كلها... بتمنلها الخير بس في نفس الوقت بحس ب اني مش تمام... يعني كان نفسي احقق حلمي زيها.. اكون محبوبة و اجتماعيه و فرفوشه و مثقفه و متفائلة و متعلمه اكتر من لغة و شيك و بحقق فلوس... زي كل الي عندها... مش بحسد... بس... برضو... انا قاعده هنا بتفرج عليها بتحقق احلمها و انا هنا مش عارفه هعدي و لا هعيد كل حاجه... انا مكسورة... بداءت الحمدلله اتقرب من ربنا لعل ذالك يجبر بقلبي المكسور... بس... مازال... بعافر و انا بذاكر.. بعيط كل يوم... بتألم... يا رب هونها عليا... مش عارفه ايه الي هيحصل... ان لله و ان اليه راجعون ❤️‍🩹

Mango_65905 🇪🇬 · Accepted Answer

الثانوية العامة مش اخر الدنيا وارد جدا تتفوقي في الكلية وتحققي افضل من الثانوية وممكن تنجحي في حاجه تاني خالص

Coconut_65176 🇪🇬 · Answer

الثانويه العامة مش اخر الدنيا
هي مرحلة مؤقته بس
متبذليش اي جهد ف الزعل عليها

Pear_41884 🇪🇬 · Answer

بس هي هيعتمد عليها مستقبلي 😥

Watermelon_58589 🇪🇬 · Answer

انا جبت من زمان مجموع زيك ، وحياتي كلها الحمد لله بعون ربنا بقت افضل من ناس كثير كانوا جايبين مجاميع اكبر مني ، الثانوية مرحلة وليست النهاية ، اتعلمي من الي حصل ومتقفيش عنده ، الحياة مدرسة ولازم تبقي تلميذة شاطرة وتكملي تعليمك في مدرسة الحياة مش الثانوية العامة .

Strawberry_65880 🇪🇬 · Answer

بصي دا نصيب وقدر ومكتوب  ربنا بيقول وعسي ان تكرهوا شيء وهو خير لكم وعسي ان تحبو شيء وهو شر لكم والله يعلم وانتم لا تعلمون  انتي قدري من ربنا وقولي الحمد الله  وارضي باللي ربنا حطك في

Lemon_62778 🇪🇬 · Answer

بصي خليكي عمليه لا الاكتأب هيعمل حاجة و لا اليأس  ، احنا الدنيا علمتنا لما بتحطنا في مواقف صعبة مش بنعيط عليها يا بنعديها و نتعمل اللي منها و بنشوف نقدر نعوض خسارتنا ازاي ،انتي قدام طريقين الاول انك تعيدي التجربة في التحدي من الاول و تشوفي ايه اللي حصلك وقعك كدا و حاولي تجددي شغفك ، حطي لنفسك هدف لازم توصليله ، يا تخشي الدور التاني و تحاولي تنجح في الاختارات المتاحة بس اهم انك تكون راضية في حال

Croissant_66460 🇪🇬 · Answer

يحبيبتي عايزة اقولك انا جبت 56% وشلت احياء وفيزيا 
صدقيني دي مش درجاتنا وكلنا اتظلمنا مش لوحدك والله وصدقيني انا راضيه بقضاء ربنا لأني عارفه انه اختبار من ربنا وانا هصبر وواثقه ان ربنا شايللي في المستقبل خير كبير اوي وهاخده وهبقى احسن من اللي دخل طب 
خلي بس عندك يقين ف ربنا وهتشوفي نعمه عليكي وهتدخلي دور تاني احياء وهتنجحي وتدخلي كليه ومع الوقت هتحبيها وهتتقبليها وربنا هيوفقك فيها واحمدي ربنا يقلب

Coffee_66576 🇪🇬 · Answer

انا بكلمك من المستقبل و بقول لك فوكك انا احسن واحد في صحباب و أهلي مديا وشغلي و حياتي و كان التعليم ملوش دور في ده اهم حاجه تركزي على بناء شخصية لا تعرف الهزيمه اعتبري نفسك بتلعبي جيم في لعبه واي نوت ايه المشكله
ربنا فتحلك سكه محدش يعرف يمشيها غيرك