تعبت من العلاقات الغلط وعايزه حل!

Question

انا بنت عندى ٣٣ سنه  تعليم عالى كليات القمه و شكلى حلو من اول ما اتخرجت وانا عماله اقابل ناس غلط و نفسيتى تعبت و بقيت عايزه اقفل على نفسي باب مش قادره اشوف ولا قادر احب لغايه ما فى حد بدأ يكلمنى بعلم اهلى و حسيت انى حبيته و بعد كده بدأ يكلمنى فى نقطه انت ممكن تعملى ايه كمصاريف لما تتجوزى و يسألنى على لو ممكن بابايا يكمل للعريس حوار ٦٠٠ الف و يجيب شقه فى حته احلى !! فقمت سألته تنكتب باسم مين راح سكت و بعد كده بقى يعاملنى وحش و ميردش عليا و يتجاهلنى فطلبت منه ميكلمنيش تانى كل مره كان بيرفض و بعد كده يرجع يكلمنى و يقطع لغايه ما اعصابى تعبت جدا و بعد كده قمت واجهته راح قالى مشغول و مبقاش يرد و اختفى بشكل نهائي فأنا صعبان عليا نفسي بفكر اجيب خط تانى أكلمه ولا اعمله بلوك ولا ايه انا حاسه محتاجه اطلع كلام كتير اوى و تعبانه 
خصوصا أن قبله اتقدملى واحد طلع بيعمل علاقات مع ستات متجوزه و قبله وأحد طلع مريض نفسي و قبله وأحد نصاب و كنت فى عزا و فى واحد كلم بنت خالتى انه معجب بيا و عايزها تعرفنا على بعض بنت خالتى رفضت و حاسه انى فى مكان كده الناس بتتمنالى الشر و بيشمتوا فيا و انا تعبانه و مش عارفه اشمعنى انا الوحيده الكده دونا عن بقيت الناس مع ان شكلى و تعليمى حلوين و مش قادره احب حد من كتر الشوفته
والعمر بيجرى
قولولى اعمل ايه !!!

Cookies_64558 🇪🇬 · Answer

الموضوع شكلو كبير اوي

Hazelnut_64540 🇪🇬 · Answer

اي حاجه تتعبك نفسياً أو جسدين ابعدي عنها فورا 
انتي بس عايزه تتخدي فاصل شويه من الدوله دي كلها 
فكري بي عمق شويه تتعبي نفسك بس عشان ناس حقوده وا جاحده 
اكيد في ناس كويسين 
بس مش المظهر وا الشكل وا الدرجه العاليه أو الوظيفي 
في ناس بسيطه عندهم مبتدأ 
في ناس مش جميله بس مخلصه حولي تختاري رحتك النفسيه مش الحياتيه

Strawberry_25620 🇪🇬 · Answer

هوا لا موضوع شكل ولا تعليم هيا الوحشه والمش متعلمه مش هتتحب يعني ؟ 
هوا نصيب ولسه نصيبك مجاش .. بعدين انتي لسه صغيره ليه مستعجله كده

Potato_64725 🇪🇬 · Answer

لا لا دا نصيب بلاش تشوفي ان انتي في حاجه فيكي هو كل حكاية نصيبك لسه مجاش
والاهم من كل دا متتخدعيش بلطف مبالغ فيه من اي حد

Mango_64782 🇪🇬 · Answer

انتي مدخله كل حاجه في بعض يعني مدخله الحب في الفلوس و واضح أن كعايرك في الاختيار محتاجه واقفه كبيره شويه لان مش معقول كل الناس الوحشه دي ومفيش فيهم حد عدل يبقي انتي اللي بتدوري غلط او بمعني اصح بتاخدي بالشكل الخارجي بس مش بتدوري هل عنده كرامه أو مبدأ ولا بيعتمد عليه نفسه ولا عنده شخصيه ولا بيقبل يعيش علي عرق واحده ست ولا هو ابن اصول ولا بدأ حياته ازاي .. واضح أن كل الناس النضيفه بعيده عنك

Peanut_64752 🇪🇬 · Answer

همه الناس دول بييجوا منين بجد ؟ انتي خلي بابا او ماما يسالوا فالشغل عندهم او معارفهم ان عندهم عروسه. وشوفي الدنيا من هناك

Mango_62383 🇪🇬 · Answer

الواضح أنه كان داخل يتجوزك طمعان فيكي لاني أنا ك راجل رقم واحد في العلاقه لازم اكون أنا ليا اليد العليا بمعني اكون انا المسئول أنا الي اجيب وانا الي اصرف وانتي تعيشي من خير راجل الي معاكي انما لو انعكست الأدوار ضاعت  أساس البيت السليم حتي لو انتي بتشتغلي عندك حل من اتنين يا تسيبي شغلك وتشوفي بيتك وجوزك أو تشاركي ب جزء في مصاريف البيت مقابل تقصيرك في بيتك وكدا ومن وجهه نظري أنا أحسنهم رقم 1

Mango_62383 🇪🇬 · Answer

ودائما الافضل نعطي كل حاجه حقها الست ست وتدلع والراجل راجل ويشئل المسئوليه حاولي تختاري راجل بس انتي اه سنك مش صغير بس نصيحه اوعي شهادتك تخليكي مغروره وتحسسي الراجل انك احسن منوا خليكي دائما متواضعه معاه وهوا هيخليكي تحسي انك ملكه