سلام عليكم، عيزاكم تسمعوني للاخر من فتره كنت بعاني من الضغط العالي وسرعه ضربات قلبي لفيت لدكاتره كتير واحد اداني دوا ضغط مؤقت حاولت اوقف الدوا لاني سمعت انو غلط فسني وهيتحول لمزمن احيانا كنت بقيسو الاقيه عالي واحيانا بعد اخد الدوا الاقيه واطي عن الطبيعي مع اني معنديش ضغط مزمن لحد مروحت لدكتور قلب عملت تحاليل كتير كانت كويسه وفي الاخر شرحلي عن اللي بيحصلي فالمخ والقلب والاستقبالات اللي بيبعتها المخ للقلب وفي الاخر طلع ضغط نفسي، يمكن البرنامج ملهوش علاقه باللي بقولوا بس انا مش عارفه اعمل اي كلو بيقولي اهدي شويه وبطلي عصبيه وتوتر والعلاج فايدك انتي بس انا فعلا تعبت من كل حاجه ومبقاش عندي شغف لاي حاجه فالحياه كل فتره تمر عليا نوبات اكتئاب ببعد عن العالم فيها ومبخرجش من البيت ولا الاوضه بعيط بس ومش بتكلم مع حد علاقاتي مع صحابي بايظه واقرب ناسي بسبب ان محدش قادر يفهمني او اللي بمر بيه كلو يقولي عادي مكلنا تعبانين نفسيا عادي مكلنا ضغطنا عالي فانا تلقائي ببعد عن كل الناس لان محدش مهتم ولا فاهم انا بمر بأيه حتي انا مش فهماني بخرج من النوبات لوحدي بس بفضل برضو حاسه اني مش كويسه، انا محتاجه مساعده ومعرفش اقدر اساعد نفسي ازاي انا بقالي سنين عالحال ده ومش عارفه اتحسن

6

8