انا تعبت من اختي جامد وكذا حاجه اثبتتلي انها فعلاً بتأذيني جدا ومش عارفه اتعامل معاها ازاي ، بحكم اني اختها الاصغر منها فا هي معيشاني علطول في زعيق وصريخ لدرجة ان انا بقرا ملامحها الاول قبل ما اكلمها علشان مبحبش صريخها ، حصلي حاجه من اسبوعين وحشه جت في اول خناقه بينا بعدها تعايرني بيها وقالتها بأعلي صوت وعنيها كلها قسوه وانا الله يعلم أنا كنت عامله ازاي وقتها ومكنتش محتاجه حاجه غير ان حد يطمني ويطبطب عليا وبالفعل ماما عملت كدا ربنا يباركلي فيها ويحفظهالي ، بس حقيقي أنا تعبت من التعامل معاها ، والموقف دا بعد ما هي قالتلي كدا انا عيطت بهستريه اول مرا في حياتي اعيط بالشكل دا لدرجة اني بصرخ وبعيط في نفس الوقت وامي هي الي فضلت تهدي فيا ومش هقول ماما مش بتزعلقها ماما بالفعل بتعمل كدا بس كل دا مش بيأثر فيها وهي علي نفس الحال ، بتصعب عليا نفسي جدا لأن من مده هي كانت نفسيتها تعبانه وانا الفتره دي كنت اكتر حد بيطبطب عليها ومهتم بيها ومجرد ما تعيط قلبي بيتقطع عليها لكن انا لو حصل اي فيا عمرها ما هتبقا حنينه عليا ، وكل مرا بسامحها بسبب امي وتفضل تقولي اننا ملناش غير بعض وكدا وانا مش بزعل امي، انا كل الي طالباه اعرف ازاي اتعامل مع الشخصيه دي

0

4