انا بطبيعتي هاديه ومش بتعصب بسهوله مع اي حد لكن اختي الصغيره بالذات مش قادره الاقيلها حل هي اصغر مني بسنتين يعني مش كتير يعني واعيه لكن دايما بتتعمد تدايقني باي طريقه وبتمسكني من ايدي الي بتوجعني مهما اتناقش واتفاهم معاها ولا باخد منها حق ولا باطل والي في دماغها هو الي صح وهو الي هيمشي بتعصب وبتجنن وببقى في حاله وحشه مش بحب اشوف نفسي فيها وساعات بنهار حرفيا واقعد اقولها اسكتي اسكتي اسكتي وهي مبتسكش وتقعد تقول كلام يدايقني لحد ما اقعد اعيط بس بعيد عنها عشان هي لما بتشوفني بعيط بتتريق عليا او بتستنى الموقف يعدي وتاني يوم مثلا تتريق وتقولي فاكره لما قعدتي تعيطي زي الطفله وتقلدني وانا عارفه انه مش هزار هي عايزه تحسسني اني ضعيفه وانا بقى بكره حد يتريق عليا او يستخف بمشاعري بس هي مش بيفرق معاها نهائي او مثلا ان ماما لحد دلوقتي بتضربني وعلى اسباب تافهة بس هي بتطلع غضبها فيا انا بردو اختي تتريق عليا وتجبلي سيرة ان امي ضربتني وانا بكرهه كدا ضربها ليا ده بيسببلي الم نفسي اكبر من الجسدي ف لما اختي بتفتح الموضوع او تتريق انا بتدايق اوي مش ببقى عارفه اعمل ايه وانا اقدر اتريق عليها واقل منها بس مش بعمل كدا عشان عارفه انها حتى لو اتدايقت مش بتبين ومش هتسامحني على ده

7

1