تعبانه من الطاقه السلبيه ومش عارفه أقوق

Question

انا فعلا تعبانه الجو وحش اوي كله طاقه سلبيه يدوبك هخلص في شهر سبعه امتحانات بس متكئبه اوي محدش بيدعمني ولا بيشجعني بكلمه حلوه اهلي بيحاولو معايا بس انا ببقي عايزه ابقي لوحدي مش عايزه أنهم يهتمو بيا محتاجه اقوق ومش عارفه بمثل على نفسي اني كويسه بس يومين وبرجع انهار تاني اللي كان بيدعمني دلوقتي هو مكتئب اصلا و مش عارف يدعم نفسه وصحابي مبقوش موجودين بدور على اي كلمه من اي حد بس فعلا مفيش حد بيرد عليا خالص منهم تعبت اوي كل كلامهم عباره عن طاقه سلبيه 
ونا من النوع اللي بتأثر بكلام الناس بسهوله اوي وعايزه ابقي كويسه ومش عارفه احساس أن علاقتي مع اكتر حد انا عايزاه متوقفه على رقم في النتيجه انا مش قادره اتحمل كم الضغط دا

Hazelnut_52786 🇪🇬 · Accepted Answer

اللي إنتي فيه مش ضعف، ده جسمك ونفسيتك بيصرخوا من كتر التحميل اللي عليكي.
حاولي تفضفضي حتى لو بكلام مكتوب أو تسجيل صوتي لنفسك، المهم تخرجي اللي جواكي.
كل كلمة طيبة محتاجاها، قوليها لنفسك بدل ما تستنيها من حد، إنتي أحن حد على نفسك دلوقتي

Olive_60022 🇺🇸 · Answer

طول منت حساس حتندااس  والله

Plum_57306 🇺🇸 · Answer

يعني اعمل ايه بجد دماغي مش بتسكت

Popcorn_59602 🇪🇬 · Answer

مفيش حد هيرفع من معنوياتك قد نفسك الناس مهما قالت هي اخرها كلام انت الي تخرج نفسك من المود دا وانت اكيد قادر انك تتخطي كل دا بس انت الي منطفي حبه متشغلش بالك بكلام الناس انت قوم واستحمل وقاوم وحاول تاخد كل الامور بحب وفرح هتلاقيها بتعدي وانت حابب انك تعديها

Popcorn_59602 🇪🇬 · Answer

وحاول ديما لما تحس بنطفاء وياس اعمل نشاط اخرجي اعملي حلجه ترفه من طاقتك

Plum_57306 🇺🇸 · Answer

بنزل دروسي بالعافيه اصلا مبقتش قادره بتعب من اقل حاجه عايزه افوق ومش عارفه

Popcorn_59602 🇪🇬 · Answer

انت الي هتفوق نفسك لما تلاقي نفك مدايقك افضل شويه اعمل اي نشاط يفرحك ويحمسك حبه والرحله خلتص هانت وهتخلص وهتبقا ايام حاول ترفع من معنوياتك

Hazelnut_52786 🇪🇬 · Answer

ضغط اللي إنتي فيه كبير فعلًا، واللي حواليكي مش دايمًا فاهمين إنك محتاجة كلمة حلوة مش أوامر ولا لوم.
متعلقيش سعادتك على نتيجة أو شخص، علشان لو اتأخروا تفضلي واقفة على رجلك مش واقعة.
خدي كل يوم بيومه، واعملي اللي تقدري عليه بس، والباقي سيبيه على ربنا، محدش فينا سوبرهيرو

Plum_57306 🇺🇸 · Answer

لما بدعم نفسي بيبقي شعور مؤقت برتاح نفسيا الي حد ما بس مفيش يومين وبرجع انهار تاني من كتر القلق والخوف بقيت بحكي اي حاجه لأي حد معايا حتي لو كانت علاقتي سطحيه معاه ممكن احكي مشاكل شخصيه لحد اكون عارفاه اول امبارح ! رغم اني كنت في عز مشاكلي محدش يعرف عني حاجه

Plum_57306 🇺🇸 · Answer

انا عديت بمواقف صعبه اوي في اقل من تلت شهور كنت ببلع واقعد زي الصنم اذاكر ونا جوايا نار اتخذلت من اهلي خذلان اول مره احس بيه كل ما درجة شامل تتطلع الاقي الصوت مالي البيت بجملة احنا قصرنا معاكي في ايه رغم دي مادة واحده اللي مش كويسه فيها بقيت احلم بأني بجيب النتيجه وماما وبابا واقفين جمبي بيقولوي قصرنا معاكي في ايه والنتيجه مش بتظهر اصلا لما بيحاولو يهتمو بيا مش عارفه اتقبل اي كلمه منهم أو دعم

Plum_57306 🇺🇸 · Answer

حاسه اني بجري وبعافر في حاجات كتير عكس بعض الكل judge وخلاص على اي حاجه بيشوفها في الظاهر محدش شاف كوابيسي ولا رعشتي في عز نومي من كم الكلام اللي اتقالي من اهلي عشان حتت درجه لا راحت ولا جت جايين دلوقتي يساعدو ويطبطبو بس ما خلاص اتعودت اعمل healing لنفسي بنفسي