تخطبت و انا طفلة صغيرة 16 سنة لواحد نحبو و نموت عليه ناس كامل قالولي مزلتي صغيرة و انا يبست راسي بسك خرج معايا راجل و جاني ملباب قبالا قعدت ربع سنين مخطوبة حتى سن العشرين باش تزوجنا لمشكل فربع سنين هادوك تبدلت العقلية ولا مزير و على كلش لالا و بدلني من مامل لجوايه و نمشي بلمشاورا تاعو حتى ومانيش في دارو و نقول معليش راجلي ايا قبل عرسنا بعام خرجنا كيفكيف و على سبة تافهة رفد يدو عليا برا قدام الناس اومبعد ولا يطلب فسماح خاف نخليه بسك تخطى حدودو وليت سامحتو قلت ماكانش مليح معليش مايعاودهاش بصح عاودها و عاودها و انا في دارو زاد عليه بزاف الحال زاد الضرب و على اسباب تافهة حتى و متكونش عندو سبة يخلقها يقلك راكي تعيطي نسكت يقلك راميتني فثقيل باش غير يضربني اومبعد تم تم يولي يطلب فسماح و يحلل فيا باش مانخليهش حتى و انا بالحمل و مرحمنيش و كان يضربني لمشكل يعرف كيفاش يضربني بلا ما يخلي ليطراس باش ما يبانش بلا ما نحكي على الخرجات تاعو ل 2 ولا 3 تاع صباح و حنا وحدنا فدار علابالي بيه انسان صالح خاطيه الشوفات رياضي متهنية من هادي يحب برك صحابو و يحب يقعد معاهم مراض بمولودية هاديو زيد انا كنت قارية و نقصت غير مي عرفتو بعدت على قرايتي جبت لباك تاعي 13 و حبست ثانية بيولوجي علاجال وليدي و كنت شابة و نتهالا في روحي و دوك كرهت روحي منيش حاملتها ايا دوك انا معرفتش واش ندير و راني بوليدي نبعدو عليه ! يحبو يموت عليه حتى انا و محبش يسمح فيا محبش يخطيني كل ما نجي نهرب يهددني ملقيتش الحل معاه و نطلق و انا 21 سنة!! و هكاك و مزالني نحبو و منقدرش بلا بيه حاسة روحي مهبووولة وليت نهدر وحدي

1

5