بكره كل حاجه فيا... بكره طيبتي وقلبي

Coffee_56002 🇪🇬

منذ 9 ساعات

شعور محبط

انا بكره دماغي بكره قلبي بكره لهفتي بكره طبعي بكره طيبتي بكره الدوشه ايل جوايا بكره مشاعري لما بتطلع بكره اني يسامح بسرعه انا بكره كل حاجه فيا بكره تفكيري المفرط بكره حبي الزياده للقدامي بكره اني دايما موجود لأي حد محتاجني بس لما انا احتاج حد مش بلاقي بكره اني مفيش حد فهمني بكره كل حاجه حرفيا

تعبت من البحث عن صحاب كويسين ومش لاقي

السلام عليكم ورحمة الله وبركاته قعدت سنين بحاول اعمل صحاب بجد سنين عمري كلها حرفيا البنات مش شبهي و أفكارنا مش شبه بعض او بالفعل حتى لو كويسه عندها صحابها و مش شايفاني اصلا و الشباب عايزين علاقات مش كويسه معرفش ايه السبب يعني حرفيا مالقتش شاب واحد تفكيره كويس و مش ف قله ادب و قرف انا بس كنت محتاجه اعمل علاقات صداقه من اللي هي بنشجع بعض فيها اننا نقرب لربنا و نسأل ع بعض ونس يعني من الاخر بس للأسف مفيش ف بقى عندي حاله مستغرباها فيا اوي الا وهي اني بقى عندي لا مبالاة بشكل مش طبيعي يعني مبقتش بتصدم ان الشخص الفلاني طلع مش كويس بالعكس ببقى عارفه انه هيطلع وحش من اول ما بتعامل معاه ببقى متوقعه الوحش قبل الحلو ف اتوماتيك الوحش بيحصل هتقولولي يبقى اتوقعي الخير هتلاقي الخير توقعت كتير برده و لقيت الوحش ف الاخر ف انا تعبت بجد الموضوع بياخد طاقه كبيرة و مجهوود كبييير و لما الناس بتطلع مش كويسه بجد بحس اني ضيعت مجهود و وقت ع الفاضي و ده احساس مش حلو معرفش ليه مصره اعمل أصدقاء بقول ما محدش متقبل ولا عايز وجودك ما تقعدي من غير صحاب ايه المشكله بس جوايا عايز ونس ف حياتي طب اعمل ايه لو حد عنده نصيحه ياريت يقولها بجد او حتى اخرج موضوع عمل الصحاب ده من دماغي ازاي ...عرض المزيد

0 الدعم

12 نصيحة

كنت حاسس إني مش فارق ومحدش بيحبني

أعترف أني وصلت لمرحلة صعبة جدًا، مرحلة حسيت فيها إن حياتي مش فارقة، وإن كل حاجة ضدي. كنت شايف إن مفيش فايدة من وجودي، وإن كل اللي حواليا بيكرهوني أو على الأقل مش عايزني معاهم. الكراهية دي كنت شايفها واضحة في عيون مديري وزملائي، وكنت مفسر كل كلمة أو تصرف ضد وجودي. لكن اللحظة اللي وقعت فيها، واللي فكرت أسيب الدنيا، كشفتلي حاجة مختلفة. شفت إن نفس الناس اللي كنت حاسس بكراهيتهم، وقفوا جنبي. المدير اللي طول الوقت حاسس إنه قاسي عليا، اتوتر جدًا وحاول يهديني. زملاء كانوا بيتفرجوا عليا ببرود، فجأة بقوا خايفين عليّ كأني أخوهم. حسيت للحظة إن حياتي ليها قيمة حتى عند الناس اللي ما توقعتش ده منهم. اللي فهمته إني كنت محاصر نفسي في قفص من أفكاري السودا، ومش شايف غير الجانب المظلم. يمكن ده اسمه اكتئاب، يمكن حرمان عاطفي، يمكن قسوة مني على نفسي. بس اللي متأكد منه إن الحياة لسه بتديني علامات إن في فرصة أبدأ من جديد. يمكن أنا غلطت إني فكرت أنهي حياتي، بس التجربة دي علمتني إني مش لوحدي زي ما كنت فاكر. لسه في ناس بتمد إيدها، حتى لو من غير قرابة أو مصلحة. يمكن دي رحمة من ربنا ليا عشان أصحى قبل ما أغلط الغلطة الكبيرة. ...عرض المزيد

4 الدعم

0 نصيحة