عمري ٣٠ سنه ومش شغال وحاسس إني فاشل ووحدي

Watermelon_73099 🇪🇬

منذ 4 أسابيع

شعور وحيد

بقيت ديما بحس اني لوحدي واني فاشل في حياتي اه عندي ٣٠ سنه ومش شغال ومش عارف أتحرك او اعمل اي حاجه في حياتي حاسس ان حياتي واقفه دي في اكتئاب ديما حاسس اني مش هنجح في حاجه ومش هعرف أتعايش حاسس ان كل حاجه مطفيه معنديش حد اتكلم معاه او أفضفض يمكن عشان أنا متعوده احكي فابقي صعب بالنسبالي

مش لاقي حل لمشاكلي وحاسس باليأس

حاسس ان مشكلتي صعبه ومش لاقيلها حل انا ممكن بحاول اربط اللي انا فيه من وانا صغير عشان يمكن يكون ده سبب في اللي انا فيه فهحكي من وانا صغير. انا كنت إنطوائي وكانوا بيتنمروا عليا ومليش صحاب وبعدين كان في مشاكل في البيت ومكانش قريبين أسرياً من بعض خالص وبعدين كبرت وكان كل صحابي سوشيال علي الفيسبوك مثلا بس كانوا بيبعدوا من غير سبب وكنت بضايق اوي واشوف نفسي وحش بس مكانش في اي اعراض جسدية، وبعدين بقى ليا 2 صحاب واحد منهم خذلني واتصدمت فيه وبعدنا والاكس خانتني وجات تقولي وكنت بعرف انزل اشتغل عادي ( عشان دي ليها مشكلة قدام ) فتعبت جامد وبعدين فقت شوية وبعدت عن صاحبي ده ، بس تعبت تاني مكنتش بعرف اتنفس وكان بيبقي عندي قئ وضغطي واطي وجسمي مش حاسس بيه، ورحت لدكاترة معده كتير وكان في ادوية كتير وتشخيصات كتير بس اخر دكتور قالي انت مفيش فيك اي حاجة عضوية انت كل اللي انت فيه مشكلة نفسية ، مكنتش عارف ايه السبب، رحت اتطوعت في جمعية خيرية وبقيت اشغل نفسي عشان دماغي وتفكيري مش بيسكتوا ، ورجعت امثل مسرح تاني مرجعتش زي الاول بس رجعت، كنت دايما بدور علي علاقة حب بجد وشغل واستقرار ولما خلصت دراسة وجات البنت وجه الشغل تعبت تاني نفس التعب ( علي مدار الفترات اللي فاتت كنت بتعب كل فترة لما اشوف الحب القديم مثلا او يتراكم عليا ضغوط ومشاكل كتير ) فتعبت لما نزلت شغل بقيت احس اني بتخنق ومش بقدر. كل حياتي اتشقلبت من بعد ما تعبت اول مره بقيت دايما بحس اني بموت مشاكلي مش بحلها وبعيش اليوم بيومه وبتأقلم مش بعيش حياتي. الإنبساط ممكن يبقي لحظي وممكن في ثانية اتخنق، سبت الشغل عشان ارجع تاني احس اني كويس وبعدين قعدت ممكن اسبوعين ونزلت شغل تاني اهو مش بعمل فيه اي حاجة حرفيا وتعبت تاني والمره دي اصعب عندي قئ وجسمي همدان ومش باكل ومضغوط كتير ودماغي سحلاني بفكر في كل حاجة حرفيا وحرفيا خايف الناس تقول عليا فاشل او مش قد المسؤولية او اخسر البنت اللي معايا الفترة الاخيرة بقي مع اكتئاب الشتا كمان بقيت احس ان كل حاجة بتتقفل في وشي وكل ما احاول افشل ورحت لشيخ عشان الهبل اللي بيحصل مع اني مش بحب الحاجات دي ولا بقتنع بيها والمفروض اني بحاول مع واحد صاحبي نعمل شغل في مجال الاعلانات عشان احنا بنمثل مسرح فبنحاول نشتغل حاجة بنحبها وكدا بس مقفله اوي برضو والفلوس بيدفعوا قليل اوي مع انهم ممكن يجيبوا بلوجرز يدفعولهم ألوفات وكدا واغلب الاماكن الجديدة اللي بتفتح في المدينة اللي انا فيها بيجيبوا بلوجرز والاعلان اللي مثلت فيه بنفسي كان هيبوظ ومفيش حاجة جايبة همها وفي صراع بين نفسي واكتئابي واني اسيب كل ده يا اكمل يا اخش الجيش واطلع ده لو طلعت منه عايش او سليم حاسس اني يا هموت يا هتجنن ولو طلعت بقى اشتغل اي حاجة بس هكتئب زيادة هبقي بلا روح وكمان عشان اللي بحسه وبيحصل وقلت عليه فوق فهتعب وكدا انا تايه بجد ومش عارف اعمل ايه ...عرض المزيد

3 الدعم

4 نصيحة

مش عارف أعيش.. شغلي عاملي كارثه في حياتي!

مش عارف اعيش شغلي عاملي كارثه ف حياتي شغال مع والدي وانا متجوز ومخلف و والدي من النوع اللي لو جبت حته من السما هيقولك دي اوحش حته ف السما انا تعبت ع طول حاسس اني فاشل و اني محققتش حاجه واني مش عامل اللي عليا نفسي اعيش مش عارف اعيش والله ...عرض المزيد

3 الدعم

11 نصيحة