فيه نوع من الرجالة للأسف اتربّوا على الدلع الزايد.. الأم مدلّعاه ومش معلماه إن في حدود، والأب سايبه من غير ما يغرس فيه معنى الرجولة ولا المسؤولية. تلاقيه كبر وهو فاكر إن التعامل مع البنت عادي مفيهوش التزام، ولا يعرف إن في حدود شرع ربنا لازم يحافظ عليها. خُد بالك.. البنت اللي قدامك دي مش لعبة، دي روح وكرامة، وربنا هيحاسبك على كل كلمة قلتها لها وكل نظرة وكل وعد. الدين علمنا إن الرجولة مش بكتر الكلام ولا بالمنظرة.. الرجولة إنك تبقى مسؤول، تحافظ وتصون وتخاف ربنا. النبي ﷺ قال: "استوصوا بالنساء خيرًا"، وربنا سبحانه وتعالى قال: "وَعَاشِرُوهُنَّ بِالْمَعْرُوفِ" [النساء: 19]. يعني حتى في الزواج اللي هو الحلال ربنا بيأمرك بالمعاملة الكريمة، فما بالك بالبنت اللي لسه مش زوجتك ولا ليك أي حق عليها؟ الراجل بجد هو اللي يعرف يقول لنفسه: "أنا هخاف ربنا"، فيبعد عن أي حاجة تكسّر قلب بنت أو تجرحها أو تضيّع وقتها. واللي مش قادر يكون مسؤول ويحط حدود، يبقى أولى بيه يسيبها في حالها، لأن الظلم ظلمات يوم القيامة. فلو أمك دلعتك وأبوك ما علّمش قلبك معنى الرجولة، يبقى دورك دلوقتي إنك تعلّم نفسك وتربّيها.

1

1