الأمور بتزداد سوء ومفيش مؤشر للتحسن

Q: الطلاق أسوء حاجه في حياتي.. وطفلي ضاع

اكتر حاجه شوفتها و عيشتها في حياتي الطلاق….الطلاق ده اسوء حاجه ممكن تحصل ل طفل ابوه و امه انفصلو و اطلقو حتي لو هما صحاب حتي لو هما بص بيسيت فريند الابن بيضيع مبالك بقي بالي عايش مع امه و في مصانع الحداد بينها و بين ابوه و ابوه يطلع راجل وسخ و يبيعك لحد ما يبقي عندك ٢٢ سنه و امك تبيع الي وراك و الي قدامك و في الاخر جاي عايز نتعامل معاه كويس و في الاخر انت مش طايقه و في نفس الوقت مش عايز تغضب ربنا…..طلاق الاب و الام بيخلي الطفل مش سوي نفسيا مهما حاولت الام او الاب في ده ….عمره ما بيكون عنده الشغف للحياه و بيكون نفسيتي متدمره و فيها جانب مظلم محدش شايفه مهما قعد يهزر و يضحك و يمثل انه كويس محدش بيشوف النص الي جواك مهما كان الشخص فهمك ….اكيد ربنا له حكمه في كده بس بيصعب عليا حالي لما بشوف الابهات بتساعد عيالها انهم يشغلوهم و يعملولهم حاجات و اجي اتكلم مع حد يقولي اعتبره ميت ….يا ريته كان ميت علي الاقل الواحد يستفاد منه ب حاجه

Q: نفسيتك ضعيفة؟ مناعتك هتأثر والبرد هيبقى أشد!

اكتشفت ان نفسيتك بتأثر علي مناعتك وبتكون اكثر عرضه للأمراض يعني مثلا سهل جدا يجيلك برد كل شويه والبرد دا بيكون اسوء من العادي بكتير، حرفيا معاناه وممكن يقعد فوق الاسبوعين كمان ومهما عملت معاه واخدت ادويه وبتاع وتحاول تقوي مناعتك مش هيجيب نتيجه عشان المشكله في النفسيه اساسا وهتفضل تتعذب ومش هيمشي بسهوله والي حواليك بيكونو مفكرينك بتتدلع اساسا لأن البرد الي بيجيلهم مبيكونش كدا يعني حقيقي حالتك النفسيه مهمه جدا لأنها جزء اساسي من صحتك العامه ومفيش مناعه قويه من غير نفسيه سليمه