معاناة

Avocado_52301 🇪🇬

منذ ساعة واحدة

شعور وحيد

للأسف دايما الصح بيكون صعب اوي ااااااااااااااااااااااااااااااااااااا ددددددددددددددددددد ةةةةةةةةةةةةةةةةةةةةةة للللللللللللللللللللللللللللللل ءءءءءءءءءءءءءءءءءءءءءءءءءءء ىىىىىىىىىىىىىىىىىىىىىىىىىىىىىىىىى

Coffee_56002 🇪🇬

منذ 5 ساعات

شعور محبط

‏قاسي جدا إحساس أن العُمر مر ، وأننا فجأة كبرنا، ومسؤولياتنا زادت وأولوياتنا أتغيرت، بقينا نخبي حزننا جوانا، نبكي ونعاني في صمت، نتظاهر بالقوة والسعادة في عز ضعفنا، ورغم كل ده لسه جوانا طفل عايز يعيش حياته

Banana_65230 🇪🇬

منذ 11 ساعة

شعور محبط

بقالي سنين بعاني من مشاكل كتير مريت بمشاكل نفسيه صعبه ومفيش حد يقدر يستحملها كانت صدمات مستمره ورا بعض بشكل مكثف جدا كنت دايما بسال نفسي ليه انا مش مبسوط دايما كل الناس عايشين حياتهم وانا لأ ناقصني ايه طول عمري كنت بتمني ناس يفضلو معايا وميبعدوش مع اول مشكله كنت بتمني حياة هادئة وسعيده مع ناس بيحبون

Olive_18890 🇪🇬

منذ 16 ساعة

شعور قلق

عبّر عن شعورك بشكل مجهول

مش عارفه ابدأ كلامي ازاي و مش عارفه الموضوع هيمشي ازاي و انا بكتبه بس سمحوني لو كلامي مش مترتب ( مش مشكلة عاطفيه عشان لو فاكرينها مشكله عاطفيه). 
انا ك بنت لسه هكمل ال 17 سنه من و انا ف ابتدائي و صحباتي كلهم بيسألوني سر بياض اسنانك بتستخدمي ايه ل اسنانك و انا حرفيًا مكنتش اصلًا بغسلهت حتى و مكنتش واخد بالي اصلًا انها بيضه لدرجه انها تلفت الانتباه لان و انا ف ابتدائي كان ده اصلًا سن التبديل و انا لما كنت ببدل سناني كانوا سنتين القدمانين من فوق كان شبه الضب او مش ضب بس هما كانوا كبار جدًا و بينهم مسافه بس لما كبرت ضموا ع بعض و بقا شكلهم حلو و شبه سنان الارنب..  المهم كبرت و طلعت اعدادي و كنت بدأت اهتم بحوار غسل سناني بس مش اوي عشان كنت ف فتره ابتدائي عامله حشو عصب و طربوش ( حشو العصب ده يعني عصب الضرس مات و استبدله باين ب عصب صناعي او دعامات يعني و عليه حشو و من كتر ما الضرس اتضرر اتركب فوقيه طربوش و هو بيبقا شبه الضرس بالظبط)  مع ان دكاتره كتير جدًا قالولي ازاي الدكتور ده عملك طربوش انتي لسه صغيره جدًا.. ما علينا و انا ف اعدادي اسئلة البنات بردو لسه بتكرر ايه سبب بياض اسنانك اوي كده طب قوليلنا الروتين طب المعجون اللي بتستخدميه و اشياء من تلك القبيل و ساعتها و انا سناني مش معمره و اصحى من النوم اصرخ من الم اسناني و اتنقل من دكتور ل دكتور كلهم يقولولي بطلي الحلويات بطلي الحلويات انا اه باكل حلويات و ممكن بشكل كبير بس مش للدرجه اللي تعمل كده... لحد ما دخلت ثانوي و اظن توقعتوا اللي كان بيتقال..  ايوه بالظبط ايه سر البياض الناصع..  احلفلكم ب ايه اني مكنتش بحس ان سناني بيضا بالدرجة اللي تثير الجدل بالشكل ده.. طبعًا و من ابتدائي لحد ثانوي طبعًا كلها سنين لا تخلوا من الكثير و الكثير من وجع الاسنان و التسوسات المفاجئه و تسوسات غريبه..  انا جمب ضروسي و اسناني هو اللي بيسوس!  يعني مش الحته اللي فوق لا الحته اللي بتبقا باينه لما اضحك.. لحد ما جت الصاعقة اللي دمرتني فعلًا..  طبعًا بردو كان بيجيلي نفس الاسئلة من قرايبي /معارفي لحد ما جت واحده ست قالتلي " انتي ازاي سنانك بيضا اوي كده؟!  انتي بتشربي شاي او قهوه؟!  طب بتستخديميلها ايه؟!  لا ده انتي سنانك بتنور!  لا ده احنا بصي سنانا عامله ازاي من الشاي و القهوه بقا هأهأهأ " و مذكرتش ربنا!!!!!!!!  
طبعًا مش عايزه اقولكم كم الكوارث اللي حصلت..  الم ف سناني كلها بلا استثناء غير مبرر..  سناني بحس بيها بتتلخلخل..  الم ف سناني حتى و انا قاعده عادي منغير ما اكل او اشرب...  ده غير اني كنت لسه عند دكتور الاسنان من فتره عشان يركبلي طربوش تاني بدل الطربوش القديم اللي كنت عملاه ف ابتدائي عشان طلع فعلخاني كنت اصغر من اني اعمله و الطربوش كان عاملي التهاب ف اللثة و تاعبني جدًا مكنتش بقدر اكل و عيشت بالعك ده 3 سنين ( دي رابع مره الدكتور ياخد مقاسات الطربوش عشان كل ده المعمل كان بيعمل الطربوش غلط و ميرضاش يركب ع الضرس..  ادعوا المرادي الطربوش يتظبط)  و يجي الدكتور يقولي انتي سنانك كلها متدمره و يصورلي سناني و يقولي شايفه الابيض اللي حوالين ضروسك ده ده كله تسوس ( حرفيًا ف سناني كلها)  قولتله تسوس؟!  هو ده مش جير؟!  قالي لا مش جير ده تسوس ابيض..  طبعًا انا من صدمه معرفتش اسأله طب ايه حله ولا اعمل ايه بس هو قعد يقولي بطلي الحلويا و الحاجه الساقعه ( المياه الغاذيه)  عشان دول اللي بهدلوا سنانك..  مع ان كلنا بنشرب حاجات ساقعه و كلنا بناكل حلويات..  الحوار ده كان من اسبوعين و انا حرفيًا الاسبوعين ساكته و كاتمه جوايا لحد ما جيت النهارده انفجرت و حرفيًا بكتب البوست بدموعي عشان كده اكيد مش مترتب..  ليه انفجرت عشان لقيت خط من الخطوط البيضا اللي الدكتور قال عليها بقت بُني!  
انا بس مش قادره افهم ليه؟ 
لو كانوا ذكروا ربنا كان هيجرى حاجه؟ 
لو كانوا دعولي ان ربنا يباركلي فيهم و سألوا بعدها كان هيجرى حاجه؟  
انتوا عارفين بردو ايه المشكله..  اني جيت من كام يوم مكنتش عارفه اكل بسبب ان سنتيني القدمانيين من فوق اول ما جايه اكل عليهم مكانوش راضيين يقطموا العيش..  كانوا بيروحوا و يجوا مع اللقمة.. 
طب عارفيين فين المشكلة الاكبر ان حوارات الاسنان لوحدها محتاجه كِليه حرفيًا! 
مش قادره احدد المفروض اعمل ايه.. 
قولت هروح للدكتور بإذن الله يوم السبت بس الفكره اني مجرد التفكير ف الموضوع اصلًا بيبكيني و انا مش عايزه ابان بكايه قدام الدكتور... 
عمومًا خايفه اوي اني اخسر سناني.. 
و بجد مرعوبه من فكرة ان الدكتور ممكن يطمني ب كلمة ممكن نعمل ڤينيرز... انا بحب شكل اسناني و بحب انهم مميزين و مش منتظمين و مرصوصين رصه واحده لا شكله حلو... 
عمومًا دعواتك عشان انا مرعوبه عليهم و اي كلام يهون ع قلبي متترددوش انكم تقولوه و بجد هبقا ممتنه لأي حد هيقول كلمه حلوه. 
دمتم بخير.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_54094 🇪🇬

منذ 4 أيام

شعور محبط

Avocado_54559 🇪🇬 ربنا يوفقك ويدبر لك حياتك وان شاء الله التطبيق يشتغل

عرض الكل 4 نصيحة

عبّر عن شعورك بشكل مجهول

حابب اشارك معاكم قصتي القصيرة لعل و عسى حد يقدر يساعدني 
انا احمد شاب مصري عمري 21 سنة و كنت شغوف جدا من و انا طفل و كنت دايما عندي شعور داخلي اني عايز اكون حاجة كبيرة و اثبت نفسي في حياة و بيت شبه محطم بسبب قرارات الاهل الخاطئه اللي دايما بيتحملها اطفالهم …… المهم بدات اشتغل من سن صغير و كان عمري تقريبا 12 سنة اشتغلت في السباكة و الكهرباء و غيرهم حاجات تاني كتير و اشتغلت ابناء عاملين في مصنع لحد ما في مرة اشتغلت في شركة اسمها فكهاني في 2019 و كانت طفرة في حياتي ان الطفل اللي بيتهان من صحاب الشغل او بيفضل علي خط انتاج بالساعات اخيرا هيشتغل في مكان يليق بيه لاكن للاسف و علي غير المتوقع كان الموضوع صعب و مرهق جدا و خصوصا اني كنت مازلت طفل كنت في البداية عامل توصيل طلبات بروح مع عربية نوصل كل طلب للبيوت و طبعا شوفت اهانة من العملاء و تعب مقدرش اوصفة و مفيش طفل يقدر يتحملة لكن رغم كدا صممت و كملت و رفضت الاستسلام و بعد كدا في نفس الشركة اترقيت لعامل في الفرع و لحد ما وصلت اني مساعد مدير مخزن لكن كان بنفس الشكل الاهانة و التعب في المرحلتين اللهم الاسم الوظيفي اتغير فقط و بعد و كان الموضوع بيقتصر علي اني بشيل و احط و اتعب تخيل طفل وزنة لا يتعدى ال40 كيلو يشيل صناديق وزنها اكتر من 100 كيلو و رغم كدا اتحملت عشان اوصل لشغفي و حلمي و بعدها اشتغلت في شركة اسمها مدار كنت فيها مساعد مدير مبيعات و كان القسم كله مكون من شخصين فقط اصلا و كان الاسلوب عندهم عقيم جدا و بدون فكر لدرجة اني عشان اقدر اشتغل كنت لازم اعدي علي كل المحلات في المنطقة اللي كنت فيها و اقنعهم يشتغلو معانا لان الشركة كانت بتبيع بالتقسيط و بالفعل قدرت أغطّي محافظة كاملة علي رجلي من محل لمحل و كان الدافع الوحيد هوا شغفي و حلمي مع العلم ان كل ده و انا كنت في مراحل دراسية من ضمنها ثانوية عامة و الحمدلله مكنتش مهمل في الدراسة 
لحد ما سبت شركة مدار دي و اشتغلت في شركة اسمها مستر تيلور و حبيت جدا الناس اللي كانو فيها و كان ليا ذكريات حلوة هناك رغم اختلافي معاهم في نقاط كتير في اسلوب الشغل و ما الي ذالك اشتغلت في البداية مدير مخزن و لكن كنت بعمل كل حاجة في المخزن لان مكنش معايا حد وقتها رغم انهم كانو قايلين في 2 عمال مخزن و حطيت نظام و اسسته بالكامل و خليت كل المخازن الفرعية تمشي علي نظام واضح و بعدها اترقيت و اشتغلت محاسب فواتير و قدرت امنعلهم خسائر بمبالغ ضخمة جدا كانت بتحصل عن طريق السرقة ………… و من هنا بقى هيكون في نقطة فاصلة من دورها انها تغير حياتي كله لما عرضت علي مستثمر فكرة تطبيق كنت بحلم اعملة و كنت واثق من نجاحة و بالفعل الرجل مشكور وثق فيا و في قدراتي و اخذت منه مبلغ كبير و بدات اخيرا اقرب اني احقق حلم طفولتي و خدت الفلوس ر بدات ابحث عن مبرمجين ينفذو المشروع و لقيت اول مجموعة و بعد ما اتفقنا رفضو انهم يشتغلو علي المشروع لحد ما لقيت مجموعة تانية لكن للاسف كانو نصابين و اخدو مني مبلغ و كنت محوش فلو علي جمب خدتها عشان اعوض الخسارة اللي حصلت من النصب لحد ما لقيت شخص علي موقع مستقل من الاردن وعدني انه هيقد ينفّذ المشروع و كان الcv بتاعة يدل علي قدرته لكن للاسف برضو طلع نصاب و بعت بيتي و كل ما املك عشان اقدر أغطي الخسائر و التكاليف اللي ضاعت …….و في الوقت ده مجموعة تانية كلمتني عشان ادخل معاهم شريك في مشروع يشبه شركة مستر تيلور اللي كنت فيها في الاول و اني اشرف علي الإدارة عندهم بشكل عام و اخد نسبة مقابل مبلغ بسيط و مجهود و هي شركة TARZI و الحمدلله قدرت أدير الموضوع بشكل كويس في نطاق المطلوب مني……… و رجعت للتطبيق و بدات رحلة بحث طويلة جدا علي شخص يكمل المشروع لحد ما وصلت لمجموعة شباب من الجزائر كانو شغوفين جدا و انفقنا انهم يكملو التطبيق و استلمه منهم بعد 4 اشهر لكن للاسف شهر جاب شهر و للان التطبيق لم ينتهي و مش بس كدا لا طلبو فلوس زيادة و اللي هي مش موجودة معايا من الاساس و المشروع شبه متوقف ….و اصبح الوضع من اني شخص عايز ينجح و يثبت زاته لشخص كل املة انه ينام بدون تفكير و بدون توتر بدو شعور بالذنب بدون خوف من المستقبل بقيت كل يوم بستنى اللحظة اللي هتيجي و اقدر اخد فيها نفسي و ارتاح و يرتاح بالي و قلبي و تنتهي المعاناة و الالم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_62236 🇪🇬

منذ أسبوع واحد

شعور مكسور القلب

موضوع:

اكتر خوف مأثر عليك في حياتك

انا حقيقي بخاف من الفراق و بكل اشكالو الفراق بدون سبب و اللي بعد خلاف و الفراق بالموت انا بخاف و بترعب ان حد يدخل حياتي و اتعود عليه و يمشي بترعب ف عشان كدا ببعد عن اي حد بحس قلبي هيتعلق بيه حقيقي انا بعاني بشكل مبالغ فيه

Pineapple_57700 🇪🇬

منذ أسبوع واحد

شعور محبط

بيصعب عليا فكرة ان الاب والام يفصلوا ويرموا عيالهم وكل واحد يتجوز ويشوف حاله زي قصة علياء قمرون بالضبط بغض النظر عن التيكتوك وانها اتقبض عليها بسبب الفيديوهات والكلام ده انا برضو كنت بعاني من غير اب ولا ام مش عارف ايه ذنب الطفل فالانفصال الكلام ده مش قصدي بيه اكسب تعاطف ولا اصعب علي حد بس بكو

Peanut_75647 🇪🇬 دي تدابير ربنا، للاسف الموضوع دة بيخليك تفكر في ليه هو حصلك انت، اية ذنبك ولية تتحمل غلطة اهلك عملوها… بس في الجانب الثاني بيخليك تفكر في نفسك وانك ازاي تكون احسن وتكون اب لأبن انت كان نفسك تكون زيه.. وساعتها ربنا هيعوضك عن اللي فات.. الفكرة هنا ان والدك ووالدتك حاسين بالذنب وللاسف بيطلعوها عليك وعلي اخواتك مش هيبينولك انهم غلطو ومش هيبينو ضعفهم ليك وقد ايه هما عايزين يحضنوك

عرض الكل 11 نصيحة

عبّر عن شعورك بشكل مجهول

بيصعب عليا فكرة ان الاب والام يفصلوا ويرموا عيالهم وكل واحد يتجوز ويشوف حاله

زي قصة علياء قمرون بالضبط بغض النظر عن التيكتوك وانها اتقبض عليها بسبب الفيديوهات والكلام ده

انا برضو كنت بعاني من غير اب ولا ام مش عارف ايه ذنب الطفل فالانفصال

الكلام ده مش قصدي بيه اكسب تعاطف ولا اصعب علي حد

بس بكون مش فاهم المطلوب نفسية الطفل تبقي كويسة ويعيش طبيعي ويتجوز ويعمل أسرة ازاي بعدها

انا طبعا مش هقدر اكتب الكلام ده عالفيس ولا احكيه لأي حد فقلت افضفض هنا بس شوية ....

حتي والدي لما كنت اروحله كان بيعاملني اني عبء زيادة وكان اسلوبه صعب وطردني اكتر من مرة ولا اكني ابنه

انا صحيح اتوجع كتير وحسيت باليتم حتي وابويا عايش
بس انا مش لاقي اجابة تخليني ارتاح

الموضوع مش بس كده لكن بيخلي الواحد عنده ثقة بنفسه واحنياح لاامان والحنية ...وأقل تصرف كويس من اي حد غريب بيخليني اتعلق بيه بسرعة

حاسس ان حياتي جحيم من غير مختارها

كان نفسي بس ابويا يفكر ان ابنه وهو صغير لما يشوف اب بيشيل ابنه او يحضنه او يدلعه ويقعده علي رجله او حتي يجبله هدايا ويلاعبه ....هيكون شعوري ايه او هستحمل منظر زي ده ازاي ....هكون حجر لدرجة ان النقص ده مينزلش دموع من غير مقدر امسكهم

هبات ازاي كل يوم عالمخدة وانام مرتاح وحاسس بالامان او حتي هحس بايه لو شفت ستوري عن الاب وانه سند ودعم وامان و انه و انه

بس دي كانت فضفضة بسيطة مش قصدي بيها صعبانيات وكلام فاضي بس جرح مكتوم فنفسي بخرجه عشان ارتاح

اسف عالاطالة ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

دلوقتي بعد 15 سنه من محاوله اني أنكر انا مش هقدر انكر تاني 
انا اتعرضت للت*ح*ر*ش وانا صغيره يمكن مكنتش واعيه وقتها لأن كان عمري تقريبا 5/6 سنين وكان الي عمل كده ابن عمتي الكبير كان أكبر حفيد ف العيله كان تقريباً هو فالعشرينات وقتها وانا مكنتش فاهمه حاجه بس انا بجد حاولت كتير اني انسي الموضوع واقول انو يمكن كان بيهزر لانو كان بيندهلي يقولي ياعروستي وكان بيبوسني من خدي انا فكرت انو زي تيتا وجدو كده عشان انا طفله ف بيحبوني بس هو مكنش مريح ابدا كان بيقعدني علي رجله ويديلي الفون بتاعه العب عليه انا مكنتش ببقي مرتاحه بس كنت طفله صغيره لقيت حد ادالي الفون العب ف فرحت وانغمست فاللعب ومكنتش فاكره اي حاجه مع الوقت احنا نقلنا بعيد عن بيت العيله وهو سافر وعاش بعيد عننا بره المحافظه كلها وعدي وقت كتير ومكنتش بشوفه لحد بعد المواقف دي ب4 سنين هو اتجوز وتقريبا بقاله5 سنين متجوز فضل يناديلي بعروستي دي حوالي 7 سنين ويقولي لما اكبر هتجوزك انتي عروستي وانا مكنتش فاهمه كنت طفله صغيره لسا بتعلم اقرأ واكتب وكان بيناديلي كده عادي قدام تيتا وجدو واهلي واهله والكل موجود عادي مش همه وتناسيت الموضوع عشان اعرف اعيش وقولت بحسن نيه انو يمكن كان بيلعب معايا بس لما ركزت استوعبت انو لا انا مكنتش الطفله الوحيده وقتها فالعيله احنا كنا 6او7 اطفال اشمعنا اختارني انا ؟ ليه قرر أنو يسيبلي مشكله نفسيه ومشكله ف حياتي انا؟ ليه قرر كده انو يخليني اقعد اعيط علي حاجه مش ذنبي انا كنت ناسيه الموضوع لحد من ساعه لقيت الجرس بيرن وانا لوحدي ف بصيت اشوف مين ولقيته افتكرت كل حاجه وترددت انزل افتحله الباب بس هو شافني وعارف اني موجوده ورديت عليه نزلت فتحتله وقولتله اتفضل قالي اتفضل ايه تعالي سلمي سلمت عليه وانا قرفانه منو ومن نفسي ودخلته الدور الارضي وسالني عن بابا فين وقولتله انو مسافر وسألني عن امي وقولتله أنها خرجت واخواني الولاد كلهم ف الدروس بره قولتله اعملك شاي ولا حاجه وفضلت واقفه مردتش اقعد قالي لان انا كنت جاي اسلم عليكو عشان مسافر بكره وقام عشان يمشي وهو خارج راح ماسك خدي وقالي مع السلامه وسلميلي عليهم لما يجي واهم حاجه سلميلي علي ماما وراح ماشي انا بكرهو بكرهو اوي وبقرف منو وبقرف اشوفو اول مره اكره انسان بالطريقه دي دمرلي نفسيتي وحياتي انا كل ما اتناسي الموضوع اشوفه قدامي وافتكر كل حاجه انا اتاذيت منو نفسياً اوي وعمري ما هسامحو انا مكنتش عملتله حاجه عشان يعمل كده ليه اختارني يدمرلي حياتي وانا لسا ببداها ليه قرر أنو انا الي لازم أعيش ف معاناه ليه محدش من اهلي شك للحظه وبعدو عني انا كنت طفله ومهما جابو عليا الغلط انا طفله اكيد مش لابسه حاجه تخليه يبقي من حقو انا طفله ومكنتش بلبس لبس مكشوف وانا صغير بل بالعكس يعني بنات عمتي كانو يلبسو شوت وتيشرت كت انا كنت بلبس بنطلون وتيشرت طويل حتي وانا طفله كنت بعيط عشان مش بحب البس حاجات قصيره ده ذنبي ؟ اشمعنا انا انا اذيته ف ايه عشان يدمرلي حياتي انا لحد دلوقتي خايفه اني من اني اتجوز ورافضه الموضوع ومش عايزه مش بطيق الرجاله بكرههم كلهم معرفش ازاي انا هقدر اتعايش مع الموضوع وازاي هتجوز ويبقي عندي اطفال ازاي هآمن علي نفسي مع راجل وازاي هآمن علي عيالي من ابوهم حتي مش ابن عمتهم ولا عمهم ازاي عآمن انو ابوهم نفسه مش هيعملم حاجه وانا عارفه انو لو بقي عندي اطفال ف انا هخنقهم من خوفي عليهم وهبعد حتي ابوهم عنهم انا عمري ما هسامحه انو سببلي كل المشاكل دي انا بقا عندي اضطرابات في تصرفاتي ف حركاتي انا بخاف من امي وصلت أن لما امي تمسك ايدي بقرف بقرف لما حد يسلم عليا بخاف اقعد جنب حد حتي لو بنات حتي لو اخويا كل ده بسبب واحد معندهوش قلب قرر يدمر حياه طفله معملتش ذنب واحد عشان يعمل فيها كده حسبي الله عليه وعلي اي حد شبهو واي حد بيعمل كده ف اطفال وحتي كبار يارب تتحرقو وتدوقو ف عيالكو تشوفوهم قدامكو كده بيتعذبو ومتقدروش تعملو حاجه يارب يوجع قلبكو زي ما وجعتو قلب ناس ملهاش ذنب يارب تتحرمو من اي حاجه تتمنوها الله لايرحمكم وتتعذبو فالدنيا والاخره

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_75499 🇪🇬

منذ أسبوع واحد

شعور وحيد

انا شكلي بعاني من اكتئاب او عفن الدماغ زى ما في ناس بتقول بس اللي اعرفه ان عمرى ما وصلت للمرحله اللي بقيت فيها دلوقتي ابسط حاجة اني مبقتش بعرف اكلم غير مع نفسي وانا واحد عنده تفكير زائد عن اللزوم لمرحله اني مبقتش اعرف انام غير لما جسمي يفصل خالص ومكنتش اعرف اصحي غير بصعوبة وعشان شغلي إنما لو يوم اج

Watermelon_72728 🇪🇬

منذ أسبوع واحد

شعور محبط

عبّر عن شعورك بشكل مجهول

الواحد بيحسد حيوانات ع حياتهم ولا بيفكرو ف هموم ولا ف مسئوليه ولا في حاجه تفضل توجعك انا عيشت حياه انا وامي من اكثر وأوجع حياه وعيشه امي تعبت مع ابويا كثير منه لله اتمني أنه يموت ابويا مهندس بترول عام كان بياخد مبلغ كويس وكان يرمي مبلغ قليل جدا لامي وكنا سيبنا كان بيرمي كل شهر 500 جنيه وامي كانت عايزه تعلمني وتخليني حد كويس كانت بتسافر وتجيب لبس وتبيعه لحد ما جه ف مره وهي راجعه من مصر عربيه اتقلبت بيها وكانت هتموت بعد الشر عنها كل ده متخيلين بسبب اي فلوس كلام ده وانا صغير كنت لسه ف اعدادي ولما كبرت بقيت ف ثانوي بقي بيرمي الف جنيه كل شهر ولا حته بشوفه ولا بيجي ف رمضان ولا اي عيد حسبي الله ونعم الوكيل فيه ش مسامحه نزلت اشتغلت لاقيت شغل متعب ع فاضي اشتغل 8 ساعات عشان 50 وكان بيروح منها 20 مواصلات عشان ارجع بيت ف سبت شغل غير انهم كانو بيضغطو عليا جامد دورت ع شغل كويس عشان فلوسه ع اقل تكفي ملاقتش عشان انا عايش ف بني سويف لاقيت شغل تاني كان 12 ساعه وكنت باخد 100 ورجل اتفق أن ف وجبه بره فلوس مراته حطيتني ف دماغها وكانت عايزه تمشيني عشان تخلي اخوه الحرامي بدلي ف الكاشير وكان كل شويه يتخصملي بدون سبب جيت ف يوم خدت ازازه مياه عشان كنت عطشان ب 5 جنيه ف ومخدتش وجبه اتخصملي 15 بدون اي سبب وقولت اني مفروض ليا وجبه وانا مخدتش وجبتي قالي لا انت بتاخد 100 منغير وجبه رجع ف كلامه كنت برجع من شغل 12 ساعه رجلي وجعني اوي والله وكنت بربطها عشان اكمل عشان امي انا تعبت يلعن ابو دي عيشه ومش بس كده عندي اخ كبير اخ ملهوش لازمه ف حياه كل شويه يتعب امي ولا يعجبه الاكل وكل يوم ينكد لحد ما امي تعبت نفسيا اخ مش بيفرق معه ولا اخوه ولا امه ف يوم احتاجته عشان يقف جمبي وقف مع غريب ضد اخوه ربنا ياخده هو كمان أنا بحاول استحمل بس تعبت وامي تعبت وكل ده اثر ع صحته طيب اعمل اي يلعن ابو دي عيشه انا كرهت نفسي وحياتي انا عارف اني امل امي الوحيد مفيش حاجه في حياتها تفرحله خالص انا بقيت خلاص مستعد اني اقتلهم  واخلص بس للاسف حرام  عشان هي ترتاح انا ادمرت انا مخنوق اوي وعايز اعيط اوي والله مفيش اي عائله ولا اخ ولا اب عدل ولا اي حاجه أنا وأمي كل يوم بنتاذي نفسيا لا بسبب اب لا بسبب اخ ده دي مش عيشه والله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_74775 🇪🇬

منذ أسبوع واحد

شعور متعب

عايز واحده بنت حلال انا شاب ولسه بكون نفسي بس مش عايزها تضغطني يعني بنات اليومين دول مطالبهم غريبه بس هما ميعرفوش المعاناه الي الشباب فيها رفقا بالناس يجماعه عايز واحده بنت حلال انا 26 انا عندي شقتي وعندي شغلي خاص بيا

Mushroom_51863 🇪🇬

منذ أسبوع واحد

شعور ضاق ذرعًا

Social anxiety(الرهاب الاجتماعي) كميه معاناه مش عارفه اتعامل معاها تماما صعب اوي اوي تعاملي مع الناس والموضوع واصل معايا للعيله لما حد بيجيلنا ممكن مثلا افضل ساعه كامله واقفه عند باب اوضتي مش عارفه اطلعلهم ازاي (ولا اكنه عريس بيتقدم😆) صعوبه كبيرة ف اني اروح اشتري حاجه او اعمل اي حاجه ممكن بشيل هم ا

Orange_73400 🇪🇬

منذ أسبوع واحد

شعور مرهق

لسه كل حاجه زي ما هي لسه فقدان الشغف لسه التعب والصداع لسه يعاني كل يوم وانا برفع راسي من علي المخده مش عارف كل ده هيفضل لحد امتي الايام بتعدي والعمر بنسحب واحده واحده سرعه الأيام مش طبيعيه والروتين اكتر حاجه بتقول فيك الواحد بيحارب عشان اليوم يخلص بس

Sugar_73816 🇪🇬

منذ أسبوعين

شعور مرتبك

كنت ففتره بعاني من الاكتئاب فترة طويله يجي ٤ سنين او ٥ وخرجت من الحاله دي بصعوبه جداااا يجي من اقل من سنه وحالا حاسه اني برجع تاني للحاله الي كنت فيها ومش قادره اتجاهل ده او الحق نفسي ومش عارفه اعمل ايه مش عاوزة ادخل الدايره دي تاني مش عاوزة اعيش الاحساس ده تاني اعمل ايه ...💔

Apple_28274 🇪🇬 بصي انت محتاجه تخرجي الكلام والاكتئاب اللى جواكي لحد وخليكي مع ربنا بالصلاه ولو حابب انا ممكن اسمعك

عرض الكل 13 نصيحة

Apple_74820 🇪🇬

منذ أسبوعين

شعور مكسور القلب

خانتنى وباعتنى و عايشة حياتها وبتحب وانا مش موجود فى دماغها وانا مش عارف اعيش حياتى ومش شايلها من دماغى وبعيك وانا بصلى وانا بدعى عليها فى كل ركعة على كسرة قلبى انا بموت بجد انا شوفت اصعب ايام ولسة بشوف

Avocado_63863 🇪🇬

حبيته وسبني ومش فاتح بالي وهو عايش عادي

حاسه اني ضيعه خصوصا بعد ما حبيته وسبني وبعد كل اللي كنت بعمله اللي يطلبه سبني وكمان غلط فيا طيب هو هيتردله الاذي ده المشكله اللي وجع قلبي أنه عايش حياته عادي ماشي ورامي كل الغلط عليا طلعني انا اللي وحشه بعد مكان ههيموت عليا قلبي متكسر ميت حته اعمل اي تايه بمعني الكلام وهو عايش حياته هو اصلا مش فكرني 💔💔 ...عرض المزيد

2 الدعم

27 نصيحة

Apple_60650 🇪🇬

أمي خاينة أبويا ومش عارفة أقول له

ازيكم انا عندي 26سنه متجوزه وبحب جوزي ومعانا ولدين دي القمر ربنا يخلهملي يارب بصلي الحمد لله المشكله الا في حياتي هيا امي امي على علاقه ب راجل تاني غير بابا وبابا راجل كبير ف السن 77سنه واني أصغر منو ب كتير المهم انها على طول مسوده عيشه ابويا ومبهداله وشتيمه وقله قيمه ومعايره انو مبقاش يقدر يعمل معاها علاقه معرفا الناس كلها كل الرجاله آلاف العيله او الا بره العيله عارفين انو مقصر ف الحكايه دي انا دلوقتي وقعت تحت ايدي ركورادت ليها معا الشخص الا هيا ماشيا معاه ده ومش عارفه اعمل ايه ابويا صعبان عليا جدا ومن شهر ابويا عمل معاها مشكله كبيره وساب البيت ومشي ودخل اخوها وعشان هيا مقتدره ماديا اخوه كدب ابويا وقالو هنرفع عليك قضيه سب وانك بتخوض ف عرض اختي وجه ف صف اخته عشان بتصرف عليه انا دلوقتي معايا دليل ان بابا عنده حق ومش عارفه اقول ل بابا ولا اعمل اي انا بحب بابا جدا وصعبان عليا الا بيحصل فيه ده انصحوني ...عرض المزيد

3 الدعم

20 نصيحة

Strawberry_70616 🇪🇬

محتارة أوي أعمل ايه في حياتي بعد التخرج

انا محتاره اوي أعمل ايه في حياتي لسه متخرجه من كام شهر و من بعد ما اتخرجت وأنا تيهه لدرجه إني مستلمتش لسه الشهادة من كتر ما انا بهرب من الحقيقه معتش عرفه اعمل ايه اشتغل ولا اتجوز و ساعات بميل لأني اتجوز و استقر و اعمل بيت و ساعات إميل إني اشتغل بس مش عرفه اعمل ايه صحابي إلي قدي في منهم مخطوب و متجوز و استقر و في منهم بداء يشتغل بس لما باجي أشوف حياتهم برضو مش هو دا إلي ببقي عيزاه بيبقي شغلهم أصلا بره التخصص أو شغل مش حباه و إلي متجوز ببقي شايفه طبعا أن وضع جوزهم دا مش مناسبني بس علي الأقل بيبقو عملو حاجه عيزنها أو مختارنها انا مش بابص ولا يقارن حياتي با حياه حد نهائي بالعكس إلي هما فيه مش عجباني بس خايفه أوافق مثلا علي حد أو جوازه مش عجباني لمجرد أن مفيش رجاله كويسه في الزمن دا و كدا فا أرضي با أقل الخساير أو شغلانه مش حباها عشان أهو اسما بشتغل اعمل ايه بجد تعبت ...عرض المزيد

0 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع