ازاي اتأكد إنه بيخوني ومش عاوزه أبدأ الكلام؟

Question

اعرف منين انه بيخوني يجماعه؟
يعني اخر خناقه بينا كان هو عاوز ياخد قرض وعاوزني اضمنه وانا رفضت بادب وقولتله اني بقسط وكدا ومش هعرف ف قالي تمام هشوف حد غيرك اجدع يضمني وسكتت وبقالنا اسبوع مبنتكلمش.
المهم هو كان ليه واحده صحبته ف المعهد كان بيقولي علطول انها جدعه وكدا ودخلت بعتتله ف العيد بس هو مردش عليها "دا حسب كلامه".
انا معرفش حاجه عنها غير اسمها الاول وهو خافي الاصدقاء علي الفيس ومش عنده انستا وانا عاوزه اتاكد انه مش قصده عليها واحنا مبنتكلمش دلوقتي وانا ف نفس الوقت مش عاوزه ابدا كلام عشان هو اللي سكتت وانا معملتلهوش حاجه عشان يقاطعني.
اتاكد ازاي؟

Popcorn_61948 🇪🇬 · Accepted Answer

بصي تحت اي ظرف دا مش طلب ينفع انه يطلبه منك و 100% نيته مش سليمه فالافضل انك تبعدي عنه طبعا

Coffee_61021 🇪🇬 · Answer

هو لو مش جوزك ابعدي عنه. ازاي يطلب حاجه زي كدا فيها خطر عليكي و ممكن تسببلك مشاكل كبيرة و ساعتها هيخلع

Grape_57212 🇪🇬 · Answer

انا واثقه عادي انه يدفع وهو بيشتغل بس انا مش عاوزه مشاكل من النوعيه دي. انا عاوزه اتاكد بس انه مكلمهاش مع العلم احنا مبنتكلمش اصلا دلوقتي ودا مش العادي بينا .

Pineapple_61969 🇪🇬 · Answer

تحت اي ظرف متقبليش بالقرض

Grape_57212 🇪🇬 · Answer

مقبلتش وهو مقاطعني دلوقتي.

Pineapple_20824 🇪🇬 · Answer

طيب هو خطيبك او جوزك ؟

Grape_57212 🇪🇬 · Answer

للاسف لا بس في نيه يجي وخلاص بنساعد بعض وقربنا فهماني.

Pineapple_20824 🇪🇬 · Answer

حرام و ميجوزش كده و انتي كده بتغضبي ربك و هتقولي فيه نيه أنه ييجي و لو جه فعلا ربنا مش هيبارك في علاقتكوا هيبقي فيه مشاكل و قله بركه قبل ما تفكري في ده كله حطي ربنا اول حاجه و كلميه و قوليله كده و لو هو بيحبك فعلا هيوافق انكوا تبعدوا و تقطعوا كلام لغايه ما ييجي يتقدم بالحلال و ييجي فعلا 
و لو علي حوار القرض و الكلام ده كله ربنا يهديكي و يهديه و يهديني

Strawberry_25620 🇪🇬 · Answer

ي باشا بتفكري في ايه اصلا يعني ايه عايزك تضمنيه ومفيش بينكو حاجه رسميه🙂
اوعي تعملي كده مهما قاللك هشوف غيرك ممكن يكون بيضايقك بس عشان رفضتي .. وسيبيه يشوف غيرك احسن ما يوقعك انتي في مصيبه

Banana_61920 🇪🇬 · Answer

ازاي هو مش قريب منك باي صله ولا خطيبك ولا جوزك وتضمنيه ف قرض لو اهلك عرفوا كده يموتوكي وبعيدا عن اهلك متزعليش مني كانك ماشيه ف الشارع وحد قالك تعالي اضمنيني وروحتي معاه خلاص انتي لبستي اكيد لا هو اللي مش جدع انه يعمل معاكي كده ومش رجوله ولا نخوه تحت اي ظرف ولازم تسيبيه والله بقيت استعر من اني راجل منهم 🤦

Grape_57212 🇪🇬 · Answer

علاقتنا من ٤ سنين وانا اعرفه واعرف اهله بس مش عاوزه مشاكل من النوعيه دي ف رفضت مش اكتر.

Banana_61920 🇪🇬 · Answer

وايه ردوا انه زعل مش من حقوا يزعل ف ده مش حب ده استهلاك انا مش عندي خلفيه عن الموضوع ف انتي اللي شايفاه صح لمصلحتك اعمليه

Avocado_35174 🇪🇬 · Answer

الواد ده توكسيك و بيلعب بيكي خلي بالك و الله يابنتي كان عندي واحده صحبتي واحد عمل فيها كده و وافقت و هو خد الفلوس و معدناش نعرف عنه حاجه لوقتنا ده ... ف انتي هو بيضغط عليكي عشان توافقي و كده سيبيه يولع سيبيه بجد نيته مش كويسه خافي علي نفسك و ابعدي

Strawberry_57507 🇪🇬 · Answer

بيمارس الصمت العقابي ف هو اكيد ضامن وجودك و ولائك له و الاكيد أنه في غيرك دا مفهوش شك لان اللي بيتعامل كده بيحب الست المسيطرة الراسية اللي ممشياه و انتي اكيد بياخد منك مصلحته و هيطير 
بامانه الراجل لو مش هيدي كل الامان ميبقاش راجل ، اثبتي جدا علي موقفك ، افكرك بواحدة صحبتنا اديته كليتها و راخ خانها  الراجل لو محطكيش تاج ع رأسه متلبسوش ف رجلك 
الكلام دا مفوش هزار دا فيه حبس، الأولي رضا اهلك مش رضاه

Mango_56683 🇪🇬 · Answer

القرض حرام و ربا . ده سبب افضل انك ترفضي بشياكة
بانك مش عاوزه تشاركي في حاجه تغضب ربنا
و بعدين بخصوص الخيانة اوعي تدوري ورا جوزك لو دورتي و شفتي بعينك هتخربي علي نفسك بدون داعي و مش هتغيري حاجه 
يعني لو متجوز و مخبي عنك هيفضل يحاول يرضيكي علشان متكتشفيش 
انما لو عرفتي خلاص كل يوم هيكون عندها و يجيلك زيارات
بلاش تخربي علي نفسك

Mango_58689 🇪🇬 · Answer

هو مبدئيا مش بيخونك ولا حاجه وبطلي وسواس ثانيا إيه المشكله لما تصالحيه ثالثا القرض حرام ومتشجهوش على الحرام والمفروض لو جوزك في ضيقه أو مشكله خليكي جنبه
وخليكي ناصحه وروحي تصالحيه

Banana_62165 🇪🇬 · Answer

طيب انا ده يعتبر شغلى واتعاملت مع ناس كتير خلو زوجاتهم مش تضمنه تجيبةالقرض على اسمها ولبسوهم فىةالحيط وعايشين مهددين وعليهم قضايا حاليا فبشوف ان الراجل يبعد مراته عن القصة دى تماما الالو انتى عارفة شغله ودنيته وانه قادر يسدد ودى فلوس هيطور بيها نفسه فده يبقى جدعنه منك بزياده اما لو الفلوس دى هيسدد بيها دين عليه او اى كان بلاش

Carrot_55138 🇧🇭 · Answer

إذا كانت شكوكك مجرد هواجس، فغالبًا لا يخون. أما القرض، فلا تعطيه المال دون علاقة رسمية و حتى في العلاقة الرسمية، لأنك لن تستطيعي استرجاعه قانونيًا لانك منحته بارادتك. وإن كان محترمًا، فتجنبي قول “لا أثق بك”، واعتذري بأسباب أخرى لكي لا تتجهي للقروض. وإن كانت لديك شكوك سابقة دون دليل عن الخيانة، فقد تكون صحيحة، لكن إن كانت بسبب موقف لحظي، فلا تعتمدي عليها.