ازيكو يا جماعة عاملين ايه انا شاب عندي 17 سنة يمكن سني صغر شوية بالنسبة للي موجودين علي الابلكيشن بس بجد لما تتكلم معايا وتشوف طريقة تفكيري هتلاقي عكس كدا تماما دلوقتي انا عندي مشكلة هموت والاقيلها حل انا عندي رهاب اجتماعي يعني بحط لاراء الناس وكلامهم اعتبار كبير جدا غصب عني وحتى الناس اللي انا متاكد مليون في المية ان كلامهم مش مهم كلامهم بياثر فيا جدا طول عمري مش بقدر اتخطى اي كلام من اي مخلوق حتى لو اظهرت عكس كدا دائما كل الكلام اللي بسمعو بياثر فيا بشكل كبير جدا بفضل اقول لنفسي انا حياتي ليا مش للناس واي حاجة اسمعها من اي مخلوق مش مهمه ومتلزمنيش ومع ذلك لو جيت مثلا اتكلم قدام تجمع كبير من الناس الكلام كلو بيقع مني وبتلخبط وببق محروج جدااااا قولت في نفسي اكيد دا بسبب عدم الثقة في النفس او الخوف والرعب اللي اتعرضتلو وانا صغير او الترومات العديدة اللي عندي ولاني متعود اني احل المشاكل النفسية دي لوحدي من غير حد يكون فاهمني اصلا بحاول بكل جهدي اني احل دا يعني مثلا قالو كتير قبل كدا انك لما تبق عاوز تغير حاجة في شخصيتك قولها بصوت عالي وكون عامل خارجي يساعدك جربت كل دا مفيش حاجة نافعهه (بلاش جاجمينت في الحته اللي جاية دي) قولت مثلا هفتح برنامج زي اوميجل دا واقبل ناس مش عارفهم وابدا واحده واحده اتعامل مع الناس والمشكلة اللي عندي دي هتروح لواحدها لكن المشكلة اني بجد من كتر الرهاب الاجتماعي قلبي بيعد يدق بسرعه فشخ وبضطر اني اقفل كل حاجة وافضل اهدي نفسي وامسك قلبي لحد ما يهدا قبل ما تحكم عليا او تقول اني عيل توتو او متدلع او ما الى ذلك بجد الموضوع مش كدا انا وصلت المرحلة دي بعد كم من الترومات صعب جدا اللي يزعل بقا اني في حياتي الطبيعية مش كدا انا بني ادم طبيعي جدا عندي ثقتي في نفسي وكاريزمتي وكل حاجة بس في جزء رهاب اجتماعي كدا بيظهر في اوقات وحشه اوي اسف علي الاطالة ولو وصلت لهنا ف دا لوحدو بالنسبالي اهتمام كبير جدا وشكرا ❤️❤️

7

0