ازاي أشبع نفسي عاطفياً ومش عايزة أظهر ضعفي؟

Question

ازاي الإنسان يشبع نفسه عاطفيا؟ أنا ظاهري متماسكة جدا ويمكن أنا انطوائية عشان كده، عشان مش عايزة أظهر احتياجي لحد، لأن طول فترة طفولتي كان عيب أبين ضعف أو أظهر احتياج لازم انشف، فحتى صحابي القريبين مني مش بتشتكي ولا بقولهم على اللي تاعبني، لدرجة الحزن والكتمان بيتعبني نفسيا ويوصل لجسديا وبيحصل إن مناعتي بتقل وافضل امرض وميعديش يومين وارجع امرض تاني
ازاي محسش أنه عيب أو احس نفسي قليلة لو فضفضت؟ مخنوقة بجد

Orange_67173 🇪🇬 · Accepted Answer

اول حاجه تفكري فيها ان محدش هينفعك لما تتعبي  ومناعتك تقل  استقوي بربنا وبنفسك  واحسن حاجه ان صحباتك ما يعرفو حاجه ده الصح اشغلي وقتك بما ينفع  واتعلمي اي حاجه جديده انتي بتحبيها شوفي هوايه ليكي  المشي مهم جداا  امشي لو نص ساعه او ١٠ دقائق هيفرق ربنا يصلح حالنا وحالك ويريح قلبك ويجبر خاطرك وادعي ربنا يرزقك الزوج الصالح يقر عينك ويكون اضافه حلوه لحياتك

Banana_66935 🇪🇬 · Answer

فضفضى عادي يعني هوا حد عارفك هنا ؟

Potato_66133 🇪🇬 · Answer

تخيل حتى دي صعبة وتقيلة عليا اوي

Chilli_61759 🇪🇬 · Answer

فضفضي هسمعك

Banana_66935 🇪🇬 · Answer

وبعدين اسمحيلي اقولك على حاجه 
مفيش حاجه اسمها اشباع النفس عاطفياً الا لو معاكي طرف تاني يشبعه .

Potato_66133 🇪🇬 · Answer

الحزن مطول على كده

Banana_66935 🇪🇬 · Answer

متشغليش بالك و قاومي نفسك

Banana_66935 🇪🇬 · Answer

هتقدري تنهيه ... انا متأكد

Potato_66133 🇪🇬 · Answer

تسلم، بس ده نصيب اعتقد

Pear_68049 🇪🇬 · Answer

خليكى كده احسن مش هتاخدى غير وجع القلب والدماغ

Banana_66935 🇪🇬 · Answer

انتي كام سنه ؟

Potato_66133 🇪🇬 · Answer

قصدك ارتباط صح؟ منا ضده اصلا ولو حصل مبيكملش معايا لاني مش كده، مش بقبل غير بالرسميات

Orange_67173 🇪🇬 · Answer

https://youtu.be/dQH8Tbkb5Rg?si=Br_MqVr8_ORth45y اسمعي هيفيدك جداا

Potato_66133 🇪🇬 · Answer

تسلم/ي^^ 
هعمل كده حاضر، ممتنة جدا

Potato_66133 🇪🇬 · Answer

شكرااا

Coffee_66230 🇪🇬 · Answer

على فكره انا زيك بس ايه تشبعي نفسك عاطفيا عيزا تعيشي بطولك هوا فى ايد لوحدها بتصقف 🤦🏻 اصحي قبل م العمر يفوت وانك تتكلمي ده مش عيب مش هيقل منك والله الحقي نفسك قطر العمر مفيش اسرع منه 🤎

Potato_66133 🇪🇬 · Answer

بتصقف اه لما تدي قلم زي اللي ادتهولي كده😂
تقريبا من فترة سمعت ريل واحدة بتقول كده، بس كلام كله في الهوا اصلا

Potato_66133 🇪🇬 · Answer

٢٢

Chilli_68590 🇪🇬 · Answer

اتوضي وصلي وقولي كل اللي انتي عايزاه في السجود وحاول تخليها عاده كل ماتحتاجي تتكلمي قومي اتوضي وصلي والله هاتحسي فعلا بعدم احتياج لأي حد نهائي

Banana_66935 🇪🇬 · Answer

لسه بدري ... المهم يوم ما تبقي مع حد لازم تبقي متاكده انه صح

Coffee_66230 🇪🇬 · Answer

ريل واحده انتي عيشا ع الريل وعيزا تتعلمي حاجه🤦🏻 مش لوحدك اللى خد قلم على فكره اللى انتي فيه ده لو كتاب ف ده عندي سطر من صفحه ف كتاب انا مبسمعش للريل عشان اجي اسمعه هنا انا بتكلم عشان اساعد حد يمكن اقدر اساعده ولو حتى 1٪

Potato_66133 🇪🇬 · Answer

بجد ممتنة جدااا، الفيديو رتب أفكاري ولغبطتي، جزاك الله خيرا، هقوم اصلي تطبيقا لنصيحة حد من التعليقات وادعي ليكم، جزاكم الله خيرا

Potato_66133 🇪🇬 · Answer

مش عايشه عليه اكيد، بس الفكرة اتذكرت قدامي كذا مرة فاللي هو كضعف بشري بتقتنع بأنه في ناس كده يبقى انت فيك حاجة غلط، بس انا عايزة اقطع الريلز لأنها بوظت تركيزي ومفاهيمي، كل من هب ودب يقدر يتكلم عادي

Apple_67895 🇪🇬 · Answer

انا زيك بالظبط

Coffee_66230 🇪🇬 · Answer

اتذكرت قدامك طبيعي عشان كلام مظبوط جدا وناس كتير متفقا عليه بلاش تعيشي لوحدك مفيش اللعن م الوحده

Potato_66678 🇪🇬 · Answer

جربي العكس عيشي

Apple_68611 🇪🇬 · Answer

اتكلمى هنا وخدى راحتك محدش يعرف حد هنا وعيشى العاطفه زى ما تحبي وخرجى الكبت الا جواك

Orange_68509 🇪🇬 · Answer

هو انتي ليه شايفه نفسك ضعيفه عشان مش قادرة تتكلمي او تعبري عن نفسك ده ف حد ذاته قوة مش ضعف وعلى فكرة كل وقت وله متطلباته يمكن بعد شويه يتضح ان اسلوبك ف معامله الواقع كان محتاج مراجعه.عيشي واقعك بالرضا

Donut_57438 🇪🇬 · Answer

ازاي بحس أن في ناس بتكتفي بنفسها عادي بس مش عارفه دي حقيقه جواهم و لا هما بيتظاهرو ب ده

Banana_66935 🇪🇬 · Answer

بيبقوا زيك كدا 
صدقيني الدنيا متمشيش إلا بالونس و كتف تتعكزي عليه ،
بس اختاري الونس اللي بجد و نقي كتف يشيل 👌🏼