ازاي أحب نفسي وأوقف جلد الذات والتفكير الزائد؟

Question

ازاي بتحبوا نفسكوا و تحسوا انك مش كل حاجه بتحصل انتوا السبب فيها و مهما عملت بقول اني لو بذلت جهد اكبر كان هيفرق مهما احاول أطبطب ع نفسي مش عارفه حقيقي الموضوع مرهق و بتبطلوا تحسوا انكوا عايزين تختفوا ازاي بجد طول الوقت عايزة بس اقعد لوحدي مع اني لو حد شافني من بعيد انا حد اجتماعي جدا و مفيش حد شافني الا وحكالي قصه حياته من اول دقيقتين و استمتع بالكلام معايا  وقالي قد ايه انا شخص مريح و مرح بس انا بجد نفسي اشوف نفسي كدا برضو مش عارفه يبان قد اي انا شخص معندهوش مشاكل بس والله عكس كدا تماما انا مفيش ليله بنام كويس بسبب جلد الذات و الأرق و التفكير ادعولي ربنا يهون عليا .

Strawberry_64990 🇪🇬 · Accepted Answer

انا كنت زيك كدة لغاية ما تعبت نفسيا و جسديا حسيت ان لا مش انا و الدنيا و الناس عليا ، مفيش حد هيبقى احن عليكى من نفسك ارحميها شوية ابتدى اقعدى مع نفسك شوية و حاولى تحبى نفسك هتلاقى نفسك بطلتى تقسى على نفسك

Apple_68133 🇪🇬 · Answer

اللي انتي بتمري بيه طبيعي جدًا في وسط الضغط والمقارنة المستمرة بين الواقع والتوقع. جلد الذات مش دليل وعي، بالعكس أحيانًا بيكون عقوبة على حاجات ملناش ذنب فيها.
فكرة إنك تبذلي جهد أكبر علشان الأمور تمشي أحسن مش دايمًا صح، لأن أحيانًا المشكلة مش في المجهود، المشكلة في إنك بترهقي نفسك فوق طاقتها.
انك تظهري بشكل اجتماعي ومريح ده مش نفاق، ده جزء منك، لكن الجزء التاني اللي تعبان محتاج منك نفس الرعاية

Apple_68133 🇪🇬 · Answer

فكري لو كانت واحدة بتحكي ليكي نفس الكلام، كنتي هتقوليلها إيه؟ غالبًا كنتي هتطبطبي عليها.
اعملي كده مع نفسك، لأنك تستحقي نفس الاحتواء

Strawberry_67682 🇪🇬 · Answer

حقيقي حاولت كتير

Strawberry_67682 🇪🇬 · Answer

عارفه طول الوقت بحس اني هو فعلا استحق الطبطبه دي من كتر ما حد اعرفه حسسني اني بأڤور ف كل و كان بيقلل من تعبي سواء جسدي او نفسي انا بقيت كدا مع نفسي مع اني عارفه اني مستحقش كدا و استحق اني اتعامل معامله احسن من دي و بقول انت سنك صغير انتي يدوبك لسه ف جامعه مشوفتيش حاجه عشان تشتكي و المشكله اني عارفه و لما حد بيكلمني و بيحاول يقلل من مشاعره تجاه حاجه بقوله لا اي مشاعر مينفعش  نقلل منها

Olive_65811 🇪🇬 · Answer

احتوي نفسك و دلليها جدا دي. اول خطوة و المشاكل ابتعدي عنها تماما دي اللي هتقويكي و اعملي لا مبالاة مع المشاكل المتكررة مع الشخص المتكرر بنفس المشاكل الا اذا كانت مشكلة تمسك و تحتاج حل جذري فحليها جذري ووقتي

Strawberry_67682 🇪🇬 · Answer

حاضر هحاول اعمل كدا شكرا ايا كان انت/ي مين شكرا 🤍

Watermelon_68468 🇪🇬 · Answer

صلي اهم حاجه وخلي تفكيرك ايجابي

Coffee_67846 🇪🇬 · Answer

شوفي فيديوهات تقدير الذات هتفرق

Olive_65811 🇪🇬 · Answer

العفو 
موفقة