كنت مرتبط ببنت وكنت بجهز نفسي عشان اتجوزها كنت بحبها اويي ، وللاسف حاسس اني لسه بحبها اهلي كانو رافضين بشكل مش طبيعي وقفت قصادهم ، حاربتهم بكل طاقتي سيبتهم وعيشت لوحدي فترة ، كنت متمسك بيها اوي لما هي مشيت حصلتلي صدمة نفسية كبيرة دخلت المشتشي كتير كذا مرة ، وحاليا بتعالج عند دكتورة نفسيه ، روحت لكذا دكتور علي امل اني اخف ، بقيت بنسي كتيير بقيت بحس امي ذكائي بقي اقل من الطبيعي ، الفكرة كلها انها احيانا بتكلمني تطمن علياا ، لما يتكلمني بتعب اكتر ، حالي بيتبدل ، ولما الكلام بيخلص ببقي عاوز امسك فيها واقولها متمشيش ، ازاي اقدر ابطل احبها ، بدعي ربنا وانا ساجد اني ابطل احبها ، بقالي شهر تقريبا مروحتش للدكتورة بس مستمر باخد العلاج ، بسحل نفسي في الشغل عشان مفكرش في حاجه ، هي مشيت بقالها شهور ، بس برضو انا مش عارف انساها او ابطل افكر فيها ، سنين وهي معايا تنصحوني ب اية ، وبجد مش عاوز ارجع للمستشفي تاني ، تعبت من المسشفيات والادوية وتعبت من نفسي

0

8