انا انطوائية وعايزة اصاحب حد شبهي - ازاي؟

Question

انا وحيدة اوي من وانا صغيرة ف المدرسة مكنش عندي غير صاحبة واحدة ومش قريبين اوي برضو مجرد دروس مع بعض وبس حاليا انا ف الكلية ومعنديش غير صاحبة واحدة برضو بس ساكنة بعيد اوي عتي بتقابل نخرج مرة ف السنة حرفيا ومع اني انطوائيه لكني مش بكره الناس والخروج ابدا بالعكس نفسي انا بس بتكسف اوي ف الاول المهم اني دلوقتي دخلت ف حالة غريبة بقالي سنتين مش بخرج خالص من البيت والخروج حتى عشان اعمل مصلحتي او اجيب حاجة لنفسي خطوة صعبة اوي عليا بقعد ايام اقنع نفسي يعني حرفيا اجازة الصيف كلها بقعد لوحدي ف اوضتي برسم بقرأ روايات بتفرج مسلسلات بحاول محسش بالوحدة واملى وقتي بس للأسف مش بينفع خصوصا ان في مشاكل مع عيلتي ف منعزلين ع نفسنا لوحدنا انا وماما – سؤالي هو ازاي اعمل صحاب؟ حتى لو صاحبة واحدة بس بعيد عن الجامعة لان سنة تانية خلاص بتنتهي وانا معرفتش اصاحب غير واحدة علاقتي بيها سطحية جدا والدفعة مفيش حط فيهم شبهي اصلا هم ٩٨ طالب ف كلنا نعرف بعض وفعلا محدش شبهي انا بحب الانمي والثقافة اليابانية عموما والانجلش ك لغة وأغاني ومسلسلات وانماط الشخصية ال  mbti و كخروجات بحب الجناين والسينما والمولات والاوبرا والايفنتس، مبحبش قاعدة الكافيهات. كان نفسي اوي اعرف واحدة عندها نفس الاهتمامات من نفس سني عشان نخرج مع بعض كدا— مش عارفة بالظبط ليه كتبت البوست دا بس، هو في حد عنده نفس المشكلة دي؟

Popcorn_59602 🇺🇸 · Answer

بصي حوار الواحده دا بيبقا انتي السبب فيه من خوف من التواصل مع الناس او او او لو صجبتي واحده زي مبتقولي واهتميتي تخشي معاها في نقاشات او تفضلو تتكلمو حتا لو بعيده زاتس مثلا هيبقا في نشاطات وهتقولي نخرج تقولك يلا اي مكان مش مهم مرا مكان من عندك ومرا من عندها وهكذا وكل متقابلي حد تحشي معاه في مناقشه تهزري شويه وتتكبمو جد شويه لو محترم صحبيها برضو هتلاقي نفسك في شله صحاب بس اختاري كويس اولا

Popcorn_59602 🇺🇸 · Answer

واكسر حاجز الخوف اهم حاجه وحتا لو من دلوقتي وحيده متسبيش نفسك للفكر دا انزلي من البيت اسمعي اي حاجه واتمشي لو لوحدك روحي كافيه خرجي نفسك مش شؤط شله علشان متبقيش وحيده ومكتابه والحوار يزيد معاكي

Chilli_48447 🇺🇸 · Answer

السبب الرئيسى فى كل ده انك لوحدك ومفيش حد جنبك يتابع معاكى يومك ويسمعك ويكون معاكى فى كل خطوه لانك تايهه ومش عارفه تخدى قرار

Marshmallow_58489 🇺🇸 · Answer

جربي انزلي كورس انجلش جايز تقابلي ناس ظريفة هناك.  او لو في مجال تنزلي جيم او اي مكان عموما ممكن تتعاملي فيه مع ناس جديدة وان شاء الله تبقوا صحاب

Mango_55973 🇺🇸 · Answer

انا مشكلتي شبه مشكلتك وعندي دلوقتي 25 سنة ومش عارف اعمل ايه

Hazelnut_52786 🇺🇸 · Answer

في ناس كتير زيك بالظبط، بتحب الناس بس مش بتعرف تبدأ، وبتتكسف تتقرب ودايمًا حاسين إنهم لوحدهم في العالم.
اللي بتحسي بيه مش غريب، وإنتي مش لوحدك، بس البداية دايمًا بتكون خطوة صغيرة: جروب على فيسبوك أو إنستجرام لهواية بتحبيها، تعليق على بوست، أو حتى جملة حلوة لحد شبهك.
خليكي صبورة، الصحاب الحقيقيين مش كتير، بس أول واحدة هتحسي إنها شبِهك، هتلاقي قلبك بيخرج من عزلته لوحده

Hazelnut_52786 🇺🇸 · Answer

ابدئي من المكان اللي بتحبيه، زي جروب أنمي أو MBTI، الناس اللي هناك غالبًا هتفهمك أكتر من ناس الجامعة.
متستنيش العلاقة تبقى عميقة من أول يوم، اتكلمي ببساطة وكوني نفسك، القرب بييجي واحدة واحدة.
وخلي بالك، الوحدة مش معناها إنك وحشة، معناها إنك لسه ملقتيش الناس الصح، وده طبيعي ومش عيب