موضوع:

الذكريات السيئة

بتتخطو الماضى بذكرياته اللعينه إزاى...؟!! أنا حقيقى بعانى مع دماغى كل يوم بتفكرنى ف مواقف بشعه اتحطيت فيها وظلم اتعرضتله ومقدرتش ادافع عن نفسى ولا حتى حسيت ان حقى اترد بقيت مرعوبه اواجه المجتمع كارهه انزل الشارع حاسه ان كل الناس بتبصلي وتتكلم عليا محدش فينا كامل ومبيغلطش احنا مش ملايكه وانا ضعفت مرات كتير خصوصا اني ملقتش نصيحه او حد يهتم بيا طول عمرى علاقتي باهلي سطحيه جدا ومعرفتش اعمل صحاب صح كلهم دمروني ومشونى ف سكه مش بتاعتي وللاسف مترزقتش باخت تقف جنبي وتحل مشاكلي لوحدي من كل النواحي كنت بمسك ف اي حد يدخل حياتي ع امل انه يفضل كان نفسي احس اني زي البنات ليا حق ف الحب وكان نفسي اتجوز عن حب زي م سمعت كتير للاسف كله بيفكر في الغلط وعشان ادارى ضعفي الي اتربيت عليه من تنمر علي شكلي وضرب واصحي مخضوضه علي خناق ابويا وامي بقيت بكره البيت عاوزة اخرج مع اي حد مش مهم كويس وحش عاوزة الوقت يمشي بسرعه البس واحط ميكب عشان اخفي تعب ملامحي وابين نفسي حلوه عشان عمري م حسيت اني حلوه دايما حاسه بالنقص دايما كنت امسك ف اي واحده اعاملها كأنها اختي بس انا عمري م حد مسك فيا كان بيتريق عليا ف القاعده امشي يتكلمو عليا اتعاير بحاجه حكيتها بدل م انفجر محدش طبطب عليا اهلي مينفعش اصلا بني ادم عاقل يقعد يتكلم معاهم ع طول يتفهو من مشاكلي مش مسامحه اي حد وصلني للحاله دي مش مسامحه اي واحد دخل حياتي عمل فيا حاجه غصب عني وطلب مني حاجات مش كويسه ولا عارفه اسامح نفسي عشان كنت مسلوبة الاراده مش مسامحه اي بنت اذتني واتريقت عليا وسرقتني وشتمت فيا مش مسامحه اي حد من قرايبي عاب فيا وكسرني مهما فات العمر نفسي ربنا يسامحني علي كل حاجه غلط عملتها وينسيني انا لا فالحه ف شغل ولا ف تكوين صحاب عدله وجالي تروما من الناس بقيت حابسه نفسي ف الاوضه وكل م احاول اقرب من اهلي احس ان حبستي اهون واصله لدرجه اني كل يوم اعيط واتقهر علي حالى شعري وقع لدرجه اني جلد راسي بدء يبان واصلا هو مش ناعم ولا طويل ودا عاملي عقده نفسيه من صغرى شكلي وحش عيني حواليها سواد زي المدمنين ووشي باهت ومصفر كاني طالعه من تربه شفايفي بيضه ومقشفه و سناني كلها باظت لاني كنت بشرب سجاير وكلها باظت جسمي مش متناسق وفي خرابيش وحرق وعلامات ضرب كل م ابص لنفسي اقول انا مين هيرضي بيا كدا حتي فاشله ف شغل البيت لا بعرف اطبخ ولا انضف ولا اغسل ودايما كسولة حتي اوضتي مكركبه ماليش نفس اروقها مبعرفش اعمل اي حاجه مفيده ف حياتي حتي مبصليش ولا بسمع قران انا بكرهني وبكره الظروف وبكره حياتي والمكان الي عايشه فيه الي اشبه بمقابر وعندي صرع من اهلي بس نفسي ف حد يسمعني ويهتم بيا مش لازم حب واحده تبقي صحبتي تقف معايا وتساعدني للدرجادي انا مستاهلش انا بجد وحشه اوي كدا بقيت احس ان مكانش ينفع اتخلق بني ادمه بجد خايفه انتحر لاني انتحرت قبل كدا من سنين وخايفه امرض م الزعل اهلي معهومش حتي حق العلاج وخايفه اموت وانا مش جاهزه لحساب ربنا وخايفه اعنس والكلام يكتر عليا م القريب قبل الغريب وخايفه اهلي يسيبوني اعيش لوحدي واشيل مسؤليتي ومسؤليه بيت ومصاريف وانا مبشتغلش وحالتنا ع القد خالص خايفه من بكره بحلم بكوابيس بكره الماضي مش قادره انساه عقدي مش راضيه تتفك بترعب حد يشوفني اصعب عليه بعيط من اقل كلمه تتقالي بحس بتنميل ووجع ف جسمي صداع ودوخه وعيني تحرقني ونفسي يضيق مباكلش ولا بشرب زي الناس نفسي انام طبيعي نفسي احس اني بني ادمه نفسي امشي من المكان الي انا فيه نفسي ابطل خوف نفسي حد يساعدني وميذلنيش نفسي متعلقش باي حد حتي لو لسه عرفاه من يومين نفسي ربنا يسامحني ويرضي عني ويخفف الامي النفسيه نفسي اصلي والبس واسع ومحتشم وخمار ووشي يبقي فيه القبول نفسي اتجوز ابن حلال يصوني واشيله فوق راسي نفسي احس اني انسانه حتي الحيوانات ليها فايده عني نفسي ربنا يوفقني ف شغل حلال اكفي بيه نفسي ع الاقل انا مش معايا الجنيه وقاعده باكل وبشرب ف البيت ومبشتريش اي حاجه ليا ولو طلبت حاجه يبقي اجرمت انا مش طماعه انا مش وحشه انا نفسي ابطل طيبه وهبل نفسي احس اني كويسه ونضيفه نفسي حد يقدرني نفسي ربنا يتوب عليا يارب ونبي يارب توب عليا وسامحني واغفرلي ذنوبي واسترلي عيوبي ومتحوجنيش لغيرك وابعد عني الشر واكتبلي الخير ابعد عني المرض والفقر اللهم الستر والصحه وعفوك ورضاك مش بايدي غير الدعا ادعولي يمكن ربنا يستجاب منكم عني

0

0