انا عندي مشكلة كبيرة اوي انا والدي سافر وسابنا ومنعرفش عنه حاجة من ١٦ سنة والدتي اخدتنا وعشنا مع أهلها عندي اخ واحد بس حرفيا في كل الصفات الوحشة بقا بايظ بسبب دلع امي اخويا ف البداية كان بيزعق وبيشتم امي وكلنا يعني وانا كانت بتوصل معايا لمد الايد وامي مكانتش بتتكلم دلوقتي اخويا بقا بيشرب سجاير ومش بيصلي بقا صايع وماشي مع أشكال عرر بيتفرج ع حاجات وحشة ووصلت انه حاول يعمل كدة مع ابن الجيران الصغير وحاليا عرفت كمان انه بيعمل كدة بس مش متأكدة مع صحابه ولا مع بنات من اياهم ومش فارقة ف الحالتين زي النيلة امي عارفة ومبتتكلمش ولما باجي اكلمها تفضل تقولي هعمله اي اموته ولما تحس اني صح تقول ربنا ياخدني اه نسيت اقول انهم كدة علطول سلبين يعني مرة كنت بغير هدومي وقافلة الباب وفتح الباب عليا ومكانتش اول مرة ولما زعقت امي مدت ايدها عليا عشان عليت صوتي وخالي جه وبقا يطلع حجج فارغة زي يمكن ناسي مع انه اول مفتح الباب زعقتله راح شتمني قلتله هقول لأمي قالي غوري اتفلقي وبسبب ردة فعلهم دي كرر الموضوع مرة تاني بس انا كنت نايمة وقافلة الباب من جوا كسر الباب عشان عايز الشاحن وامي برضو معملتش ولا حاجة انا الوضع بقا صعب اوي بالنسبالي اعصابي تعبت مش قادرة استحمل والله فكرت انتحر كتير بس برجع واستغفر ربنا خايفة اضعف فمرة واخسر دنيا واخرة انصحوني اعمل اي

مش هقدر اقولك غير ربنا يهديهم علشان لسه سنك صغير انك تعيشي لوحدك أو تتجوزي أو حاولي تتواصلي مع باباكي أو كلمي جدتك بهدوء ممكن تفهمك

هو الواحد يعمل ايه والأفكار الانتحارية؟ انا عارفه اني مش هعملها و مش هجرؤ حتى اني اعملها بس انا تعبت منها دايما تفكيري عبارة عن طب ما اموت احسن انا لو مت الدنيا كلها هتتحل انا لو مت كلهم هيزعلوا شوية بس هيبقوا ارتاحوا مني و هبقى انا ارتحت انا عارفه اني مش هرتاح بس دا اللي دماغي بيقوله ولو مفكرتش فالموت ف بدماغي بيقعد يديني صور لأي حاجه مؤذية ممكن اعملها فنفسي أعور نفسي اخبط راسي فالحيط اي حاجه اي حاجه فيها أذية و عندي تاريخ ف أذية النفس عشان كذا مرة عقلي يتغلب عليا، مش ببقى عايزة انتحر انا بس ببقى عايزة اعمل فيها اي حاجه

وحبي نفسك وحببي نفسك في الحياه اكتر اعملي كل حاجه بتحبيها عشان ماترجعيش تندمي انك عشتي الحياه دي بتفكري في الموت وبس ، قربي من ربنا عشان حياتك اللي عايشاها دي هتتسألي عليها ف فكري انتي بتعملي ايه في حياتك دي لاخرتك بدل ما تفكري في الموت ، محدش جاهز يقابل ربنا حقيقي

ازاي اتحكم في عصبيتي واهدي؟ مش عارفة اتخلص من التوتر!

Coconut_14453 🇪🇬's منشور

Coconut_14453 🇪🇬

منذ 9 أشهر

شعور مرهق

قدرتو ازي تتحكمو ف عصبيتكم وتقللوها لاني بقيت بتعصب من اقل حاجه وبضغط ع اعصابي وبعد كده بندم يمكن تراكمات بس مش عارفة اتخلص منها ازي واهدي!؟

Apple_19575 🇹🇷

منذ 9 أشهر

بصي هو انا مش عارفة اقولك ايه لاني عندي نفس المشكلة دي بس عايزة اقولك تنفيس الغضب في الشخص اللي مضايقك والله اوحش كتير و بيخسرك الناس بعد كدا فيعني ربنا يعينك و يخف عنك الضغط العصبي اللي انتي فيه .. معرفش هل دا من اثر السنة ولا ايه بس يعني كانوا بيعلمونا في الدين زمان انه لو اتنرفزنا لو كنا واقفين نقعد و لو كنا قاعدين نستلقي يعني حاولي تاخدي وضع اريح .. ربنا يعينك و يريح قلبك

التجربة أفضل عبر التطبيق

حمّل تطبيق توهيل على هاتفك لتجربة أسرع