ازاي أبني شخصيتي وحاسس إني بدون هوية؟

Question

ازاي الواحد يبني شخصيته؟ دايما بحس اني سايب حياتي تمشي كدا وبتفرج بس. عمري ما حد عرف يعصبني. ولا حد عرف يفرحني اوي دايما بجتهد مع نفسي وبعتمد على نفسي في كل حاجه بس المشكله اني حاسس اني مش عارف عايز ايه. انا عموما قنوع جدا لدرجه اني معنديش اي حلم. بس الحمدالله ربنا كارمني انا مجتهد جدا في دراستي وبعد كدا شغلي و حياتي عموما مبيبباش نفسي في حاجه الا وبعمبلها بفضل ربنا بس المشكله اني مبيبقاش نفسي في حاجه فعلا. يعني مثلا صخابي نفسهم يجربو اكلات جديده واماكن جديده وانا راضي باي حاجه بحاول اعمل نفسي مهتم زيهم علشان مبقاش غريب بس فعلا من جوايا اي حاجه تمام. حاسس اني مينفعش اكمل حياتي كدا لاني مش عارف هعمل اي هسكن فين البنت، البيت اللي هتجوزها مواصفاتها ايه ، او حتى اما عايز ايه من الدنيا. حاسس فعلا اني بدون شخصيه خالص.

Mango_55662 🇪🇬 · Answer

جرب اقعد وخد راحه كام يوم من غير فون وكلم نفسك ايه الى بتحبه وبتكره او جرب حاجات تستمتع بيها حتي لو غصب بس فى الاول.+قولى ازاى بقيت مجتهد

Mango_63496 🇪🇬 · Answer

يا صديقي دي شخصية الراجل وانت كده مش مختلف فكرت انك قنوع شئ جميل جدا و مسمهاش معندكش حلم انت شخص مجتهد وده لوحده حلم ناس ف بالعكس افرح انك بسيط يبقا عندك أسرة و عيال و تلاقي الدنيا بتسحب لبيتك و العيال و كده

Cookies_64897 🇪🇬 · Answer

انا حاولت اعمل كدا كمان علسان اعرف انا اصلا صفاتي ايه وكدا بس الموضوع صعب سيكا خصوصا اني معرفش حاجات كتير يعني مثلا معرفش انواع اغاني وكدا. الافلام اللي كل يوم بتيجي عالتلفزيون دي معرفش اساميها حتى ولا اسامي الممثلين اللي فيها وكدا فا عندم فكره ابدا ازاي ؟ هقولك قصه الاجتهاد دي في كومنت تاني

Cookies_64897 🇪🇬 · Answer

بص يسيدي بالنسبه للاجتهاد. هو الاول جه بالغصب اصلا يعني انا فاكر اول مره اهتم بخاجه فعلا كان ف اعدادي وكنت ياعتها بدأت اقرر انا عايز ابقي شاطر في دراستي وكدا فا بدأت اغصب على نفسي اني مثلا مش هقوم من على المذاكره غير اما اخلص اللي ورايا حتى لو قعدت اليوم كله. بعد كدا دي بقت عاده. حتى في الشغل ببقا نفسي اخلص اللي ورايا دايما + شعور انك تحط هدف عندك وتعمله جميل جدا فا هتدمنه شويه سويه

Mango_55662 🇪🇬 · Answer

تمام

Cookies_64897 🇪🇬 · Answer

انا متفق معاك بس حاسس اني القصه بزياده جدا عندي. يعني حتى اما اقعد اتكلم مع ناس عن حاجه فيها رايين او كدا بلاقي نفسي معنديش اي راي فيها. انا طبعا بحاول اني اكون راي ووجه نظر زكدا بس ٩٩ ٪ من المواضيع انا مبحسش تني متحيز فاهمني ؟

Pineapple_64523 🇪🇬 · Answer

التعلق شئ مش حلو ف العموم 
لكن الشغف والطموح مهمين جدا 
شعلتك اللي هتديلك دفعه لقدام 
خليك متفائل 
مش لازم تبقا عارف اجابه كل شئ
قرر وادرس النتايج لكن توقع ان ممكن يكون قرارك غلط 
لكن اوعا تخاف انك تغلط 
الخبره مبتجيش مجانا

Watermelon_64942 🇪🇬 · Answer

من واحده اتقالها بالحرف انتي معندكيش شخصية بسبب اني بس مكنتش بحب ازعل او اجرح حد فاحب اقولك ان بناء شخصية لنفسك ده مهم جدا مش بس عشان منظرك قدام الدائرة اللي حواليك لاكن عشان تكون انت راضي عن نفسك بشكل تام بصراحه انا مش مع الناس اللي قالتلك ده صح بالعكس هو غلط بدليل انك مش مرتاح احنا سبحان الله ربنا مدينا حاجه زي سينسور كده جوانا لما بيبقى ف حاجه غلط مثلا تصرف طبع فعل بنحس اننا مش تمام

Watermelon_64942 🇪🇬 · Answer

فنصيحه حاول فعلا زي مقال استاذ مانجا انك تقعد مع نفسك وكلمها صدقني هتلاقي اجابات لمعظم اسألتك اذا مكنش كلها لاني شبه متاكده ان السبب اللي مخليك مش عارف تاخد قرار ف اي حاجه هو انك مش فاهم نفسك مش فاهم احتياجتها لانك ببساطه متعرفهاش ولما تعمل كده ان شاء الله هتلاقي نتيجه وبسرعه كمان وابقى قولي لما تبقى كويس 💙