ازاى أعالج اضطراب الشخصيه الحديه من غير دكتور وأنا قريبة من ربنا؟

Question

ازاى ابدأ علاج سلوكي لاضطراب الشخصيه الحديه Borderline personality disorder و انا قريبه من ربنا كفايه و ياريت محدش يقول عالجي السبب انك تكوني كده لأن الموضوع عدا عليه سنين مقدرش اعالج اسبابه دلوقتي مع العلم ان مقدرش اروح لدكتور

Hazelnut_52786 🇪🇬 · Accepted Answer

ابدأي بتسجيل أفكارك وانفعالاتك كل يوم، واكتبي إيه اللي خلاك تتصرفي أو تحسي بالشكل ده.
كل ما تحسين بتقلب أو انفجار مشاعري، وقّفي نفسك لحظة واسألي: “هو أنا متأكدة إن اللي حاساه ده حقيقي ولا ممكن يكون ناتج عن خوفي؟”
كلمي نفسك كتير، طمنيها، وركزي على الحاضر مش الماضي، لإنه اتقفل خلاص ومفتاحه مش معاكي دلوقتي

Coconut_63290 🇪🇬 · Answer

أساليب العلاج الذاتي : يمكنك محاولة تقنيات مثل:
 اليقظة الذهنية (Mindfulness) : ممارسة التأمل والتركيز على اللحظة الحالية.
التدوين : كتابة مشاعرك وتجاربك قد تساعدك في فهمها بشكل أفضل.

Coconut_63290 🇪🇬 · Answer

أداء الأنشطة : المشاركة في أنشطة تحبينها، مثل الفنون أو الرياضة، لتحسين مزاجك.
الدعم النفسي : حاولي التواصل مع الأشخاص المقربين منك، سواء كان ذلك من الأصدقاء أو العائلة، واحرصي على تبادل المشاعر معهم.
 تحديد الأهداف : حاولي تحديد أهداف صغيرة وقابلة للتحقيق. يمكن أن يكون ذلك في مجالات مختلفة من حياتك مثل العمل أو العلاقات.

Peanut_63074 🇪🇬 · Answer

اتقوا الله بقي وبطلوا وهم مفيش حاجة اسمها مرض نفسي وانا مش متخلف ورجعي والله بس فعلا مفيش فيه حالات نفسية اه انما امراض لا

Strawberry_63702 🇪🇬 · Answer

انا اكتر واحد حاسس بلكلام ده اقعدي مع حد يفهم الكلام ويديكي خطه أنا حرفيا الموضوع ده ضاغط عليا وروحت لحد بس بلح مش قصدي حاجه لكن اقعدي مع حد يفهمك ولو حد ساعدك متبخليش عليا ف المساعده

Coffee_62965 🇪🇬 · Answer

تابع دكتور عصام محمد

Sugar_58966 🇪🇬 · Answer

انا عندي نفس التشخيص وبروح لدكتور والحل هو في ثلاث نقط 
1 أن انتي يكون عندك اهداف وطموحات في حياتك وهدف بتسعي ليه 
2 انت انت يبقى عندك قيم ومبادئ بتحدد هويتك وانت مين 
3 ان انت لازم يبقى عندك أنشطة وهوايات كتير علشان متتسبيش لدماغك مثلا  التدوين أو كتابة المذكرات رسم موسيقى اي حاجة تشغلي بيها فراغك 
4 ودي اهم حاجة هي تمارين اليقظة الذهنية والملاحظة ممكن تسرشي عليها