بخاف الناس تتعامل معايا بشفقة

Question

حابة اشارك بأكتر حاجة بخاف الناس تعرفها عني

هي ان بابا وماما متوفيين بخاف لما الناس يعرفو المعلومة دي يتعاملوا معايا بشفقة وميحبونيش مع اني عارفة اني مليش زنب في دا بس بشوف اني مش زي زي الناس وان في حاجة ناقصاني وان اي حد هيتعاكل معايا كويس بعد ما يعرف المعلومة دي هيكون بسبب انه بيشفق عليا مش بيحبني فعلا ودا بيخليني احس بالوحدة

Chilli_69971 🇪🇬 · Accepted Answer

تعاطف البشر مع بعض شعور جميل، متاخديش الامور بحساسية ربنا كاتبلك كل شي لسبب وتجربتك تختلف عن غيرك، اهم شي الرضا بقضاء الله، عندك هنا بصي كم حد بيكتب انه عايش مع اب وام مدمرين نفسيته وشخصيته وبيعاملوه اسوأ معاملة برغم انه حد كويس، صدقيني الاسر اللي مفكراها طبيعية مليانة كوارث مش ظاهرة والله، تقبلي قدرك والحمد لله ان شكوتك بسبب تعاطف، ربنا يديمها نعمة عليكي ومتكونش شكوتك من ظلم الناس او اذيتهم ليكي

Avocado_54559 🇪🇬 · Answer

لا بالعكس

Ice Cream_82622 🇪🇬 · Answer

اولا البقاء لله ربنا يرحمهم ويجعل مثواهم الجنه 
لا طبعا متحسبهاش كده 
اكيد مش شفقه زي ما بتقولي 
احنا شعب عاطفي بطبعه 
ربنا يرزقك بالحب اللي تتمنيه مع حد يحبك ويحافظ عليكي

Potato_66736 🇪🇬 · Answer

ده شعور نفسي دفاعي مش حقيقي. وحاولي تتجاهليه وتركزي اكتر على تصرفاتك وطريقتك مع الناس وتطوري من شخصيتك وأسلوبك دائما عشان تكتسبي الثقة بالنفس. دائما فكري نفسك انك شخص كويس جدا وان حكمك على نفسك هو المهم. وياريت تكوني على تواصل مع حد كويس وعاقل وعارف ربنا ويقدر ينصحك وتاخدي منه المشورة. ربنا يصلح حالك ويريح بالك يارب

Potato_66736 🇪🇬 · Answer

وعموما هي مش معلومة مهمة أن الناس تعرفها لو مش حابة تقوليها براحتك. ممكن انتي اللي بتركزي اكتر مع تصرف اللي بيعرف المعلومة دي قبل ما يعرفها وبعدها. متركزيش اوي

Tofu_82037 🇪🇬 · Answer

احسن ما يكونو عيشيين ويقولو كلام عليكي للناس

Candle_68397 🇪🇬 · Answer

ربنا لو مش عارف انك قدها وانك هتقدر تواجهي الدنيا مكنش اختارك لهذا الامر
 (لا يكلف الله نفس إلا وسعها ) الموضوع كله حساسيه منك زيادة حبتين استعيني بالله في امورك كلها وقربك منه سيكون العوض لك

Avocado_82776 🇩🇿 · Answer

انا كمان مثلك ما نقدرش اتحمل شعور الشفقة من الغير 
لكن مش شرط انو لما الناس تعرف انو اباويكي متوفيين يعني راح يخليهم يقدمولك حب و انت ما تستاهليهش
ف مش من المعقول راح يختارون راحتك على سبيل راحتهم
فاكيد اللي حبك مش حيكون حبك  شفقة و فقط بل حبك لانك انتي و لذاتك 
فالمرة الجاية لو تعرفتي على شخص جديد حاولي انك ما تعرفيهش على سرك و راح تشوفي انو راح يقدملك الحب اللي انتي تستحقيه و حتلاقيه نفس الحب