اتخدعت في صحابي وضحت بكل حاجه ولقيت نفسي وحيد

Coffee_58305 🇪🇬

منذ 3 أشهر

شعور مكسور القلب

موضوع:

اتخدعت ف حد قبل كدة؟

اتخدعت في صحابي وحبايبي اللي ضحتلهم بكل شئ املكه واهمال صحه وكل حاجه عشانهم ولقيت نفسي وحدي في الاخر، محدش جنبي ولا حدي حاسس باللي جوايا كل بيركز علي الجزء اللي يخصه بس والباقي يهمله وشكرا

وجع قلبي واستسلامي.. مبقتش قادر على حد

أنا استسلمت… مبقتش قادر على حد. في الشغل كأني مش موجود، أي حاجة أعملها أو أي كلام يخصني مش مهم، محدش شايفني. في الحب، البنت اللي حبيتها رفضتني… قلبي اتكسر، وحسيت إن مفيش حد واقف جنبي. أتذكّر دعاء أمي زمان: "ربنا يبعد عنك ولاد الحرام". دلوقتي فهمت. هي كانت بتحميني من ناس هتجرحني أو تهدم حياتي. دلوقتي، قلبي موجوع جدًا. مبقتش أحب حد يقرب مني حتى أقرب الناس ليا. كل علاقاتي اتقفلت، بقيت حذر، مش مصدق حد، ومستسلم لكل حاجة حواليّ. مبقتش عايز حاجة، مبقتش عايز أقاتل، مبقتش عايز أي حد يدخل حياتي… أنا بس موجود، بحاول أتنفس، وأعيش بالحد الأدنى من أي أمل كان عندي قبل كده. ...عرض المزيد

0 الدعم

1 نصيحة

تعباني نفسيًا وصاحبتي ضدي يا

انا علي طول رغايه وبضحك وبهزر جه عليا فتره تعبت نفسيا جدا جدا فضلت ٦ شهور بعاني نفسيا مدمره لاسباب كتير مكنتش باكل مكنتش بضحك مكنتش بخرج وكنت علي طول بعيط و اقول لاهلي و لصحابي اني تعبانه بجد وصاحبتي اللي المفروض عشره عمري مكنتش متقبله اني متغيره و روحي مسحوبه مني وكانت بتضغط عليا اوي وازاي انا مش بكلمها وازاي مش بقولها يلا ننزل ولا برغي زي الاول مع اني فهمتها كذا مره و قولتلها انا عارفه اني متغيره بس غصب عني مش قادره والله وشافت بعينها انهياري وعياطي وكانت بتتفرج وتسكت ومكانتش بتطبطب عليا ولا تقولي قومي البسي تعالي هخرجك ولا جتلي ولا هونت عليا و صحاب غريبه هما اللي وقفو جنبي و خرجوني من حالتي ولما بدأ افوق و اقف علي رجلي زعلت اني اهملتها و بدأت اصاحب ناس جديده واخرج من غيرها واني بدلتها بيهم و فضلت تضغط عليا و كانت بتتعبني نفسيا قولتلها انتي في حالك وانا في حالي و شيلتها من الانستا و الفيس و كلو و قولتلها انا مش زعلانه منك بس لازم نوقف لحد هنا عشان انا بدأت اتأذي نفسيا ومش عايزه اجرحك و انا مش مخصماكي بعدها لقيتها بعتالي ريكورد ٥ دقايق بتقولي روحي اتعالجي نفسيا يا حبيبتي اللي اتعمل فيكي متجيش تطلعيه علي الناس و انتي كنتي غمامه وانزاحت و انتي عايشه دور الضحيه ليه وكلام يوجع القلب انا مردتش وسكت وعدا فتره بس انا قلبي واجعني ازاي صاحبه عمري تقول كدا بنام واصحي مخضوضه ومصدومه ومش مستوعبه الكلام وهل انا المفروض كنت اسكت واعدي الفتره الصعبه لوحدي من غير ما اطلب المساعده من حد غريب حتي ...عرض المزيد

3 الدعم

6 نصيحة