كملت 7 سنين متعافي من الإدمان وبتعامل مع النبذ

Almond_68662 🇪🇬

منذ يومين

شعور خجول

تاريخ النهارده 25/9 كان مميز بالنسبه ليا جدا لانه كده كملت السنه السابعه وانا مبطل و متعافي من المخد .... رات و خصوصا البود.... ره . لعنه الشيطان . انا مدمن متعافي الحمدلله و مبطل من 7 سنين و مكمل أن شاءالله. اول مره احتفل بالتاريخ ده واشارك حد غير نفسي لان دائما لما حد بيعرف النقطه دي في تاريخك بتكون منبوذ و موضع شك طول الوقت مع أن شخص ده ممكن ميكونش شاف منك اي حاجه وحشه قبل كده بس قررت السنه دي اقول عشان مش عايز ازعل نفسي لان الغلطه دي بتكون فاتوره و بتفضل تحاسب عليها طول عمرك وحتي اهلك هما اول ناس بتفكرك انك كنت وسخ و مش بينسو مهما عملت بس بينسو أن هما اصلا السبب انك تدخل السكه دي .. كنت مبسوط لحد ما عرفو أن نهارده الذكري و ياريتني مقولت حاجه بس رغم كل ده انا هفضل كل سنه بيني وبين نفسي احتفل و افتكر

بقالي ٧ سنين مبطّل من المخدرات في عيد ميلادي

النهارده يوم مميز جدا بالنسبه ليا 25/9 يعتبر يوم ميلادي اصلا زي النهارده من ٧ سنين كان اول يوم تبطيل ليا من كل انواع المخد ... رات . وخصوصا الهر ... وين ... انا مدمن متعافي و الحمد لله على كل حاجه و كده بقالي ٧ سنين و عمري ما انتكست ولا مره فرحان باللي أنا فيه رغم أن آخر كام سنه كانو وحشين وحصلي فيهم حاجات صعبه فعلا كتير بس احسن حاجه اني عمري ما فكرت ارجع للضرب. نفسي بس اهلي يشيلو النقطه السوده دي من تاريخي و يفهمو أنهم السبب الرئيسي اني دخلت السكه دي . مش مهم اي حاجه المهم اني عايش جسمي نضيف ...عرض المزيد

10 الدعم

7 نصيحة

صدمة اكتشاف خطوبتها ووجعي وكيف تعافت بوجود صديقة

أنا كنت حاسس بغصة وجرح كبير جوايا من اللي حصل… من البنت اللي حطيت عليها كل أحلامي وآمالي، واللي بسببها حاولت أطوّر من نفسي وأشتغل على مستقبلي، لكن طلعت مخطوبة. الصدمة كسرتني من جوه، وجوايا الغضب بيغلي كأنه بركان عايز ينفجر. ساعات كنت بطلع كلام قاسي، وأحيانًا بحس إني عايز ألعنها من كتر القهر. بس لما بهدى وأفكر، أفتكر إن الصح إني أسلّم أمري لربنا، هو اللي شايف وجعي، وهو اللي هيدي حقي من غير ما أوسّخ لساني بكلمة ممكن تأذيني قبل ما توصل لها. حسبي الله ونعم الوكيل… حقي عند ربنا، حقي في إن قلبي يرتاح بعد كل اللي حصل، حقي في إني ألاقي حد يقدر مشاعري ويحترم تعبّي. اللي ساعدني أكتر إن زميلتي في الشغل كانت جنبي وقت شعوري بالوجع ده. فكرتني إن فيه حاجات ربنا أحسن فيها، وطلعتني من الحالة اللي كنت فيها. شكرتها جامد على وجودها، على كلامها، وعلى حكمتها، على إنها ساندتني من غير ما أحس إني محتاج حد ينقذني. اللي زاد وجعي إني ضيعت شهور بحاول أكون قدها وأتحسن، وكل ده راح على الفاضي. من النهاردة هسطّح علاقتي بيها كأنها مجرد معرفة عابرة… مفيش اهتمام، مفيش مشاعر، مفيش أي حاجة تخلي قلبي يتأذى تاني. الغضب ده هحوّله لطاقة عشان أكبر، أتعلم، وأثبت لنفسي قبل أي حد إني أستاهل أحسن. أنا موجوع دلوقتي… لكن واثق إن بكرة ربنا هيعوّضني، وهيوريني بعينه إن كل اللي ضاع هيترد بأحسن منه. بجد ممتن ليها هي انسانه كويسة جدا فرحان جداً انها خرجتني من الحالة اللي أنا فيها مبسوط اني كسبت اخت بتهون عليا التعب. مبسوط ان هي خرجتني من دوامة الاكتئاب ...عرض المزيد

2 الدعم

0 نصيحة