أول حب في حياتي وخيانة صاحبي اللي جرح قلبي

Pineapple_60236 🇪🇬

منذ أسبوعين

شعور غير مكتمل

أول حب في حياتي قبل ما اعرف يعني ايه حب أصلا كنت في تانية جامعة وهي في أولى حبيتها أكتر من نفسي وروحي كنت بتكسف أسلم عليها من كتر ما انا بحبها، كنت حاسس ان ليها هيبة في قلبي كدا، اللي هو ازاي في ملاك كدا في الدنيا دي؟ قعدنا مع بعض 3 سنين وكنت خلاص هتجوزها بعد التخرج، وبعدين اكتشفت انها بتخوني مع صاحبي وبتخرج معاه وتقابله وكانت بتخبي عليا وتكدب، وانا عمري ما كذبت عليها.. في يوم قالتلي انا نازلة النادي مع أختي فمش هينفع نتقابل، قلتلها ماشي، وروحت قعدت مع صاحبي دا عنده في البيت، وبعدين طول ما احنا قاعدين تليفونه عمال يرن وهو يكنسل، لحد ما مشيت انا وانا حاسس انها هي اللي كانت بتكلمه بس مش عارف اتأكد.. فلعد ما مشيت من عنده عملت نفسي نسيت أسأله على حاجة واتصلت بيه لقيته ع الويت، روحت قافل ومتصل بيها لقيتها هي كمان ع الويت.. الخيوط بدأت تتربط، لحد ما في نفس اليوم بالليل واحدة صاحبتي بعتتلي صورتهم مع بعض في وسط البلد ماشيين وحاطط ايده على كتفها.. 🥹🥹 دلوقتي متجوزين 🤓🤷

مشكلتي مع بنت حبيتها واتغيرت علي فجأة

مساء الخير عليكم اتا مشكلتي بختصار اني عملت مع واخده معرفهاش موقف جدع جداا وانا مكنش نيتي غير اني اساعد وبس وامشي لانه صدفه واي حد هيعمل كده لو شاف اخته ف موقف زاي ده عدت شهور ولقيت حد جاب الاكونت بتاعي وبيفكرني بالموقف ف استغربت ان ممكن يحصل كده وعلشان انا فاكر موقف ف تكلمت معاها وهي من جدعنتي معاها واني وقفت معاها حبتني وحشتني اكتر لما تكلمنا وكنا زاي مبيقوله عصافير حرفيا مافيش غلطه الا طلبه موجود سواء لبس او احترام او حب خلتني احبها وحبتها وتعلقت بيها جداا وبعد فتره بذات ف فتره العيد كانت بتختفي بدون علمي ف لما سألت قالتلي اثلا مشغوله ف ترويق البيت وهكذا وعيد وتنظيف وكده ف انا كان موضوع بنسبالي جديد اصل كل يوم بنتكلم كل لحظه حرفيا ومره واحده مافيش قين وفين تكلمني اخى يوم خالص مثلا كلمه يعني وتقفل ف قولتلها هتسحملك الاسبوع ده وفعلا حصل مني مره واحده مسحت رقمي واتساب وبلوك من كل حته مهم جنيت حسيت ف شي عملته غلط خلاها تعمل كده ف لما وصلت ليها بتقولي اصلا انت كل شويه بتسألني انتي فين وانا مش بفتح ومش ببقا فاضيه قولتها يعني ده مبرر بتاعك قالتي ايون تغير مش طبيعي تغير فظيع انا عد شهر كل يوم اسأل نفسي كل ده علشان حبتها وله عشان اي اخى مره بسالها بتحبني لسه قالتي معرفش دي كسرتني بمعني الكلمة وبعدين بتقولي لو عايزيني انا موافقه تعالي واتقدم الا هوا زاي يعني انتي من اي اتجاه مش عارفه وعملتي فيا كده وعيزاني أتقدم ده تخلف وله اي ياجدعان بقالي شهر مش عارف احكي ومش مبسوط وتعبان 🙏🙏 ...عرض المزيد

4 الدعم

20 نصيحة

الغدر من حد بتحبه.. ليه دا بيحصل؟

اسوء حاجه ف حياه أن حد بتحبه يكون اصلا مش بيحبك وبيخدعك ف ترجع تلوم نفسك هو انت اصلا كونت عامل اللى عليك معاه ؟ جماعه انا بعد ما خطيبى كان بيقولى انتى بتاعتى انا و نا بحبك و بموت فيكى فجاءه سابنى ومن غير ما اعرف اسباب اوحش حاجه الغدر بجد دا واحد كان عارف ربنا ازى يعمل كدا طب على الأقل كان يقول ليه بقالى سبع شهور بعانى من الصدمه ...عرض المزيد

2 الدعم

17 نصيحة

وجع الصداقة الخائنة وتحمّل الثمن

أنا مش من النوع اللي بيحب يشكي، بس في وجع ساكن جوايا من زمان ومش عارفة أخرجه غير بالحكي. كنت فاكرة إن اللي بيني وبينها صداقة حقيقية… كنا دايمًا مع بعض، بنضحك، بنحلم، وبنحكي أسرارنا لبعض كأننا توأم روح. كنت بدافع عنها حتى قدام نفسي، وكنت بصدقها مهما عملت. في يوم كنت تعبانة جدًا، نفسيًا وجسديًا، وكل اللي كنت محتاجاه حضن وصوت يقول لي “أنا جنبك”. كلمتها، وقلت إني محتاجة أشوفها… قالتلي إنها مشغولة، وإنها هتكلم معايا بعدين. حاولت أكون متفهمة. بس بعدها بشوية شفتها على السوشيال ميديا، خارجة وبتضحك مع ناس أنا عارفة كويس إنهم كانوا بيتكلموا عني وبيسخروا مني. قلبي اتكسر… مش من الخروج، لكن من الكدب، ومن إني كنت آخر اهتماماتها. مش ده بس اللي وجعني، يوم عيد ميلادي كنت مستنياها، وعدتني إنها جاية. فضلت أبص على الباب، وأقول لنفسي: “أكيد هتدخل دلوقتي”، بس ماجتش. بعدها قالتلي إنها كانت نايمة، ولقيت صورها في حفلة تانية. كنت ببكي مش علشان نسيتني، لأ… كنت ببكي علشان فهمت الحقيقة. اكتشفت إنها كانت بتاخد مني كل حاجة، دعمي، وقتي، وحتى طاقتي… ولما كانت محتاجة حاجة، كنت أول واحدة بتروح لها. بس لما أنا كنت محتاجة… ماكنتش موجودة. دلوقتي؟ أنا لسه متأذية… كل مرة بحاول أكون كويسة، بفتكر كلامها الجارح، أو نظرتها اللي كانت فيها شماتة وأنا بعيط. بقيت بخاف أثق، بخاف أدي قلبي لحد تاني. بس عارفة؟ بالرغم من كل ده، أنا فخورة إني ماكنتش زيها… وفخورة إني حبيت بصدق، حتى لو الوجع كان الثمن ...عرض المزيد

14 الدعم

13 نصيحة