الخذلان من الأقارب

Blueberry_61210 🇪🇬's موضوع

الخذلان من الأقارب

احكي قصتك عن لحظة اتخذلت فيها من شخص من العيلة، وازاي أثّر الموقف عليك وعلى ثقتك فيهم

Sugar_67863 🇪🇬

منذ 43 ثانية

شعور غاضب جدًا

عبّر عن شعورك بشكل مجهول

انا حواجبي كثيفة وعريضه وشكل هرم او مثلث كده وراثه زي حاجب بابا واخواتي الشباب* نفس الحاجب تمام مش متقبله شكل حاجبي نهائي وشكله وحش جدا وشكله بيكون غريب** انا عملتهم مرات تتعد علي الصوابع كنت فاكرة لما اعملهم الهرم ده مش هيطلعلي تاني** لكن لما بسيب حاجبي مش باجي جمبه بيكون نفس الشكل اكني معلمتش حاجة خالص .. بشوف كتير بيقول حرام ووش ووجع دماغ كتير كده واختلف الفقهاء ورأي يقول جائز ورأي لا وحوارات كده انا دلوقتي مش فاهمه حاجة ومش مقتنعة بالكلام ده ولعن وطرد من رحمة ربنا وكلام من ده بشوف ناس كتير وسايبين حاجبهم لكن برضو حاجبهم مش زي حاجبي** وفكرة إن اذا الزوج عايز زوجته تعملها عشان تتزين له تعملها** وطبعا انا مش مقتنعة بحاجة زي دي لو انا متجوزتش بقي اعمل ايه ؟ + انا اصلا بعملها مش عشان اعجب ولا ارضي حد* ولا الفت انتباه حد ، انا بعملها تحسين لشكلي لنفسي وارضاء لنفسي وعشان يبقي عندي ثقه في نفسي** محسش اني شبه اخويا او ابويا* يعني الموضوع ده عاملي أزمة والمشكله ده ياريت لو عملت الحاجب ومطلعش الجزء اللي بقول عليه ده اللي هو بيقوله بتاخد من الحاجب نفسه والله بتاخد منه ويطلع تاني ده انا عايزاه ميطلعش 👍🏻👍🏻 لكن شكل الحاجب بيرجع طبيعي 100% كل مرة ابص لنفسي في المرايه اقول طب لو سبتها كده ! بلاقي عدم قبول لشكلي نهائي ولما افتح الكاميرا ف المحاضرة او اتصور مع حد حاجبي ملفت بطريقه غبيه* بستغرب ملامحي خالص اللي هو وحش وحش وحش وفي نفس ذات الوقت بتخنق لما الاقي حد يتكلم يقول حرام طرد لعن قرف اللي هو هتكفروا الواحد اقسم بالله ،، يعني كلام ميخشش عقل بشري ! اللي هو ازاي اصلا الحرام حرام الكل والحلال حلال علي الكل ، محدش بقي يجي يقولي فلان ده استثناء ف ده جائز لده ومش جائز لده وانتي بنت ف جائز لما تتجوزي وحسب جوزك ما يقول ما يولع جوزي يا جدعان ! اللي هو ايه ده !! بجد بسمع كلام قرف قرف قرف قرف قرف قرف وقرفت من نفسي ومن عيشتي اقسم بالله وفي نفس الوقت مش عايزة اكون بحلل حاجة علي مزاجي ! بس انا لا محلله ولا محرمه لان سبحان الله في ناس حواجبها عاديه جدا انا لما بروح الكوافير ف ناس بتدخل انا معرفش دي جايه تعمل تاتوه حواجب واللي جايه تصبغ واللي جايه ترفع اللي هو انتي اصلا حاجبك زي سن القلم الصغير جايه تعملي ايه اللي هو انا لو حاجبي زيك انا عمري ما كنت جيت المكان ده لو علي شوية زيادات بسيطه كده والله انا تمام بس المشكله حاجبي كثيف فعلا وعريض وهرم شايفين لما ترسموا الحاجب وتقعدوا تشخبطوا هو كده+ اللي هيقول تشقير ولا تقشير اللي هو انا حاجبي اسود لا تحطلي زي صبغه كده ولا مش عارفه ايه تغير لونهم لون الجلد اللي هو حواجب زي الكنافه 👍🏻👍🏻 الناس تقول التقشير ده جائز اللي هو يادي القرف اللي هو انتو بتقوله اييييه انا شوفت واحدة انا قرفت من منظر الكنافه ده اللي هو انا اعمل ف نفسي المنظر ده ! 
برضو متضايقه طول الوقت متضايقه مبقتش بفرح لما اعملهم عشان بيطلعوا تاني 👍🏻 يعني بتاخد من الحااااااجب ي جدعان بتسحب الهرم العريض اللي عندي ده وبيطلع بيطلع تاني يعني الانسان المفروض يكون فرحان بس انا بكون متضايقه جدا 👍🏻👍🏻👍🏻👍🏻