عايزة اعرف ازي عديتو شعور خذلان !؟

Question

يعني ازي الشعور ده مأثرش ع حياتكم ولا علي ثقتكم في الناس عموما وقدرتو تتعاملو ازي

Coffee_11321 🇪🇬 · Answer

فيه البدايه عمرك م هتحس انه هيعدي و هتنسي بس مع الوقت هتنسي حاجات و هتبقي مجرد ذكري وحشه سايبه جواك علامه هتكون حذر فيما بعد 
و اهم حاجه بجد خليك لطيف مع نفسك و سمع نفسك كلام نفسك حد يقولهولك و متقولش جمله أصل أنا اللي عملت في نفسي كده

Biscuit_21893 🇪🇬 · Answer

عارف انت لما تحط كل أملك ف شخص ما ان لاء مستحيل يخذلك دا بالذات عمرها ما تيجي منه وتيجي والمفروض عليك دلوقتي تقوم وتكمل حياتك ومتزعلش علشان هو ميستهلش بس انت مش قادر تكمل وحياتك واقفه عند النقطه ديوعند سؤال طب ليه دانا قدمت كل حاجه علشانك قولتلك ان مريت بكل دا قدمتلك كل شيء انا فقدته كنت بطمن فالوقت الي محتاجه اطمن فيه ورغم كل دا وتفاصيل كتيره اتخذلت انا مش قادره اتخطي شعوري من يومها مكمله عادي حياتي بس لسه واقفه عند النقطه دي ومش قادره اعدي او اتخطي وحقيقي مش عارفه هعدي ازاي

Avocado_25327 🇪🇬 · Answer

شفت احساس لمن تكون مع حد سنة ونص تشارك معاه كل حاجه تشيل همو كانو همك تعتبر اهلو اهلك يعشمك يعيشك على انوو انت كل حاجه بالنسبة له في الدنيا وانت الحاجه الوحيده اللي يتمناه من الدنيا وفجاه كدا من غير مقدمات يروح يتزوج غيرك تمام ويروح عاملك بلوك في اي مكان تمام  تتصل على معمولك بلوك برضو تتصل من رقم غريب اول م يسمع صوتك يقفل في وشك !!!! وهنا انت يبدأ اي يجلك اكتئاب تمام يعني في الاول كنت فجاه بضحك بطريقة هستيرية وبدون سبب يعني مفيش حاجه تؤدي بضحك لدرجه دي بسس انا كنت فاهمه نفسي كنت فاهمه اي اللي بيحصل لي بعدها بدأ شعور الصمت والصدمة خلاص دماغي بدأ يستوعب انوو كل اللي حصل دا حقيقي بعدها بفترة يبدأ القلب يستوعب وهنااا دا اللي صعب وصعب جدا والله العظيم صعب انو تنقنع قلبك بي انوو خلاص انسى وبدأت اعرض الاكتئاب تأثر على صحتي يعني اكل وارجع على طول ساعات بكون سارحه وبسس جسمي حرارتو بترتفع من دون مقدمات بقيت اقعد في الظلام بعد م كنت اخاف منوو وكنت احب الضحك والهظار وبقيت ساكته كل الوقت فجاه ابكي دموع بتنزل من غير م احس كل تفصيلة بتمر علي في اليوم بفتكرو النهار دا لي 17 يوم من اللي حصل ولحدي دلوقتي كل لم أكون قاعده مع نفسي بلاقي عيوني بدمع ولا قادرة اتخطي والله العظيم

Mango_25477 🇪🇬 · Answer

عديته في صمت ودمار داخلي في الأول كنت بخلق اعذار ولاكن بعد ذلك نفد كل شيء وتحطم البرواز وابتعدت بقلبي وتفكيري واهتماماتي وتقوقعت داخل نفسي لاحتوئها ودائما اقوم بالاعتذار لنفسي عن كل اختيار خاطئ وثقة لم تكن في محلها

Pineapple_25492 🇪🇬 · Answer

الصراحه الخزلان من الشخص دا كان متوقع وفي نفس الوقت مكنش متوقع عديت الفتره باني امسح كل حاجه لينا صورنا ومحادثتنا ورقمها وكل حاجه خاصه بيها معايا بصيت لحياتي شويه بصيت لنفسي قلت لو كانت فعلا بتعزني مكنتش عملت كدا بس دا اللي حصل 
اتعايشت مع الامر عادي معظم الناس قالت كدابه بس دي الحقيقه انا اتعايشت مع الموضوع بسهوله فتحت دماغي خليتها ترتاح حسست نفسي انه عادي وهو كان فعلا عادي علشان كدا لما شوفتها من فتره وعيني جت عليها قلت كويس الحمد لله انها مش في حياتي انا مرتاحه كدا وهي بعيده عني ف عشان كدا اه عديته بسهوله مع العلم انها عشره طفوله كنا مع بعض في الحضانه

Chocolate_25447 🇪🇬 · Answer

قصتى غريبه شويه 
اتخذلت من اهم حاجه فى حياتى وهى " الدراسه" 
بقالى سنتين فى تالته ثانوى وهبدأ التالته ! كل سنه ادخل دور تانى واشيل واعيد وهبدأ التالته ب ٣ مواد بس 
منتهى الحزن والاسى لما فى لحظه تلاقى كل مجهودك وتعبك وسهرك راح فى الارض 
منتهى الحزن والقهره لما احلامك اللى مستنى تنطلق عشان تحققها مش عارف تحققها ولا قادر تبقى كويس حتى ! 
اتمنى السنادى تعدى بأقصى سرعه وأنجح 🍂

Croissant_25628 🇪🇬 · Answer

انا عمري ما نسيت اي حد خذلني لإن الوقت مش بينسي بس بيعلم والشعور بيقل كل ما بفتكر ان كل حاجه بتحصل ليها سبب معين وبحمد ربنا اني اتعلمت وعرفت اعدي حتي لو منستش  فالأول كنت اول ما افتكر بحس بنفس الوجع وبتضايق دلوقتي انا بقيت اقدر اعدي من اي حاجه مبقاش بيفرق معايا لإن لو فرق يبقي كده انا بدي للشخص اللي خذلني قيمه وحقيقي هو ملوش اي قيمه بالنسبالي دلوقتي

Coffee_25462 🇪🇬 · Answer

كل هيعدي مع الوقت بس م هنسي الوقت بيعلمك تتأقلمي  بس عمرها ما بتتنسي... 
فاحليا انا بقيت خايفه بس م عايزه أتخبط تاني 
م عايزه أجربه تاني لسه هنحاول نعدي 
بيأثر على ثقتك اكيد بس هتتأقلمي عمتن هي رحله التعافي صعبه هتحسي يوم انك قايمه تمام وانك تخطي ويوم هتحسي أكن لسه جرح الموضوع أمبارح هي م سهله الرحله دي بس انا قررت أخوضها عشان أحافظ علي ما تبقي مني.... 
الدنيا داير مبترحمش وانا جربتها مع ناس غلط وم فارقلهم انا مين بس عمتن اللى بيروح مبيرجعش

🙂🙂