اضطراب القلق والتوتر

Banana_57181 🇪🇬's موضوع

احكيلنا بتواجه ازاي مشاكل زي اضطراب القلق والتوتر و ايه الطرق اللي جابت نتيجه معاكم وخليتكم أهدى

Carrot_62530 🇪🇬

منذ 3 أسابيع

شعور رائع

كان عندي بانيك اتاك زمان يعني بتعتريني احيانا ومش مرتبطه بحاجة معينه لا ممكن اي موقف عابر قليل الاهميه أو شئ تافه يوترني بشكل مبالغ فيه وساعتها دماغي حرفيا بتعطل كان مزعج ومرهق اوي الشعور دا كنت بعالج دا بالنفس الحقيقه شهيق زفير كدا 😄وكان بيتحسن شويه بشويه لكن اعتقد العلاج أنك تفكر وتحلل مع نفسك به

Pineapple_51151 🇪🇬 الفكره انك تثقك ف نفسك او حد يديك الثقه

عرض الكل 1 نصيحة

Marshmallow_58235 🇪🇬

منذ شهر واحد

شعور ضائع

لما ببقي متعصبه جامد او متضايقه من حاجه باخد بعضي وانزل اجيب حلويات كتتتتتتير من السوبر ماركت واتمشي في الشارع لغايه م اهدي واروح الييت ولو الدنيا متأخره بدر علي اي حاجه حلوه تتاكل في البيت وباكلها او بقعد اعيط لغايه م انام

Orange_63919 🇪🇬 عندك ادمان طعام تابعي د عماد رشاد عثمان واقرأي كتاب ممتلئ بالفراغ

عرض الكل 4 نصيحة

Chocolate_60926 🇪🇬

منذ شهر واحد

شعور مرهق

انا ما قدرتش اتخلص من المشكله دي وكل يوم بصحى ومتوتره قوي من ايه ما اعرفش وساعات الموضوع بيزيد معايا ان نفسي بيتسحب ونبضات قلبي بتعلى وبطني بتقلب بتوجعني كده وانا ما اعرفش ايه السبب وغير كده ساعات بيجي معاها خوف من مستقبل من بكره

Mango_60849 🇪🇬

منذ شهر واحد

شعور متوتر

بنام كتييير بس ولما بصحي بحاول اشغل نفسي باي حاجه بعيده عن الي بيقلقني لو ينفع أو اقدر ابعد ...» بلاس بقي أن ده الي بيحصلا حاليا بسبب الامتحانات واني خايفه أشيل حاجه بس بحاول اتعامل يعني الدنيا مش بتقف

Watermelon_59162 🇪🇬

منذ شهر واحد

شعور متعب

كنت بعاني منه لفترة كبيرةمن وانا صغير واخيرا قررت اروح لدكتور كتبلي علي ادوية لان دا مش الحاجة الوحيدة اللي عندي عندي كمان اضطراب شخصية وسواسية وحاجة كمان مش فاكرها واهو بقالي يومين باخد الادوية بس طبعا لسة مفيش تأثير

Coconut_58539 🇪🇬

منذ شهر واحد

شعور غير مكتمل

ولا اى حلول بقعد ساكت وبخفى انفعالاتى تماما لدرجة تبهرك. ومبتكلمش ولا بتفاعل تماما مع اى حاجه واى حد، وفى احلك الظروف لما ابقى بصحى بال ٤ ايام من القلق والتفكير مثلا بشرب حشيش وده مش كتير ممكن مره كل شهرين تلاتة

Hazelnut_52786 🇪🇬 بص يا صديقي ، لما تفضل ساكت ومتكتم كده، انت كأنك بتحبس سموم جواك كل يوم. ساعتها دماغك بتفضل تلف وتلف، وده اللى بيخليك مش بتنام وبتفكر كتير. جرب تمشي كل يوم شوية لوحدك، أو تفضفض لصاحب تثق فيه، بس متسيبش دماغك تاكلك وانت ساكت

عرض الكل 3 نصيحة

Coffee_57918 🇪🇬

منذ شهر واحد

شعور لا مبالٍ

مش بعرف أتعامل معاه😭😭 ف لو حد يقولي أعمل ايه هكون شاكرة جداً ليه عشان دي مش عيشة بقلق وبتوتر وبشيل هم كل حاجة كبيرة وصغيرة ومشاكلي ومشاكل اللي حواليا ومشاكل مش موجودة وحاجات خايفة منها، كل ده وحياتي بتضيع وسنين عمري بتعدي وأنا بعاني

Watermelon_60366 🇺🇸

منذ شهر واحد

شعور عاطفي

كلامي ممكن البعض يشوفه تفاهة ... بتعرض كتير للتوتر و للمشاكل ... بتخلص منه ازاي .. اخش اضيع وقتي ع التلفون و اندم و اتوب و اصلي واذنب و اتوب و اصلي بس التوتر ك توتر بقعد استغفر ربنا لاني معنديش حته انه في حد اول ما اتوتر احكيله .

Banana_58382 🇺🇸

منذ شهر واحد

شعور سعيد

تمارين اليقظة الذهنية وهي ببساطة فكرتها انك تخرج من دماغك و السحله الي بتتسحلها فيها و تركز مع الحاضر و اللحظة الي انت فيها بس من غير ما تفكر ف عواقب او احتمالات اي حاجة و دا يعتبر هو تعريف القلق اصلا الخوف من مجهول او توقع سيناريوهات مش واقعية ، و دي مش يوجا بالمناسبة دا جزء من أسلوب علاجي علمي اسم

Strawberry_59493 🇪🇬

منذ شهر واحد

شعور ضائع

عبّر عن شعورك بشكل مجهول

فى فتره جت عليا كانوا اهلى فيها بينهم مشروع انفصال رسمى يعنى (طلاق) ف الفتره دى اتعرفت على شاب معايا ف الشغل حد كويس مجتهد قادر يفهمنى لما بنتكلم و قربنا و هو محترم و انا الحمد لله متربيه ان مافيش صحوبيه و الكلام ده ف احنا اول ماحسينا ان فى كلام و كده بينا اخدت قرار انه لأ ماينفعش كده و بتاع و هو اخد قرار انه انا عايز اجى اتكلم مع اهلك الفكره انه ارتبط قبلى ٣ مرات و سقط سنتين ف الكليه و ساب كذا شغل و كده يعنى عشان كان بيشتغل و مركز ف الشغل اكتر و كده و كمان بعد التخرج ماكنش مستقر ف شغله كده ف اهلى لما عرفوا التفاصيل دى رفضوه و قالوا انه شخص مش اد المسؤليه و مش مستقر انا مش ضدهم بصراحه بس كنت دايما بفكر انه ادام مش فاشل او اللى هو بيسيب الشغله و يريح ف تمان يعنى عادى بس ده ماكنش عادى بالنسبه لاهلى و فضلت اسبوع مقلله كلام معاه خالص و بحاول انا اقنع اهلى لحد ما فقدت الامل و هم اكدولى ان رفضهم قطعى ف اما اتصل رديت و قولتله ان مافيش نصيب و طبعا الجمله الشهيره بتاعه اصل انتى ماحاولتيش و بتاع و انا كنت معديه باسبوع ممكن اقول عليه اسوء و اصعب و اطول اسبوع ف حياتى و بعدها بخمس شهور كان نزل استورى استفزتنى اوى عن النسيان و ان انت لازم تنسى ناس مالهاش لازمه و بتاع ف رديت و حصل كلام  وعتاب و غلطنى و غلطته و شبه اتصافينا و بعدها كان بارد اوى معايا بعدها ع طول بتلات ايام بالظبط قولتله عايزه افهم فيه ايه قال كلام كتير اوى انه اتجرح ف علاقات قبل كده و بتاع المهم ف اخر الكلام اننا ممكن نبقى صحاب و انا طبعا رفضت ده و انتهت القصه على كده . انا حاليا لا عارفه اشتغل ولا عارفه اتقبل اراء اهلى ف اى حاجه حتى لو تافهه مش عارفه افتح قلبى لحد برفض ناس لفكره انى خايفه بس اعمل ايه حاسه انى لا هعرف اتخطى ولا هعرف احب تانى و الاهم انى مش هعرف اثق تانى ف حد نهائى كل حياتى متشقلبه لدرجه انى بفكر اذاكر و اشوف فرصه شغل بره انا تعبانه نفسيا جدا و بيجيلى بانك اتاك و حالات تشنج كده مش مفهومه و انا طول عمرى احب اخرج و اضحك بقيت شخص عصبى مقريف و حقيقى بقيت صعبه اوى يعنى ، حد عنده حل ، او حد كان كده و تخطى