قصتك مع التنمر

Question

احكي قصتك مع التنمر وازاي اتخطيت لعل حد يستفيد منها

Avocado_21982 🇪🇬 · Answer

هو مش تنمر صريح بس هي حاجة معروفة جدا في الارياف وهي المقارنة ودي حاجة عانيت منها بعد ما ابويا طلع على المعاش وبقا فاضي الى حدما بدأت اعاني من الموضوع ده بجد وكان سبب في ان ناس كتير اكرها وتكرهني أولهم ابن عمي اللي اهله برضو كانوا بيقارنوه بيا بس من بدري خالص مش زيي اللي هو بعد ما كبرت وكنت في اعدادي
المهم اتخطيت كدا ازاي باني مديش اي اهتمام لاي حد يقول فلان احسن منك في كذا وفلان تاني احسن منك في كذا لاني ادركت ان كل واحد مميز في حاجة والفكرة بقا انك تكتشف الحاجة دي وتنميها وتتميز انت بيها 
وانك تدرك ان ربنا مفضلش حد عن حد واننا كلنا سواء وطبعا الموضوع ده فرق معايا جدا هو انا حاليا لسه بتعرض للمقارنات دي بس اللي فرق هو اني بقيت اعرف اتعامل معاها والحمدلله

Mango_19781 🇧🇭 · Answer

انا كنت بعاني من التنمر بسبب اني مصرية و تخينة كانت دي اكبر مشكلة عندي (انا مش عايشة في مصر) لدرجة اني عشان انخطاها بقيت باردة الاعصاب بدرجة كبيرة جدا و مش اي حاجة تأثر فيا و لا حتى تفرحني زي زمان💔💀

Banana_23222 🇪🇬 · Answer

فيه كلمة أدق من التنمر وهو انك تبقى منبوذ ،مبعرفش ليه ممكن شخص يتولد منبوذ مع انه مش ناقصه ايد ورجل ممكن يكون هادي بس شوية في بعض الأوقات مش بيتكلم كتير ،صلحت ده ازاي؟!
بعدت عن الأشخاص اللي محبتنيش كدة وكمان حسستني بأحاسيس وحشة لمدة سنين ،اتعرفت على ناس جديدة شبههي في التفكير وكل شخص فينا شخصيته مختلفة عن التاني فبنكمل بعض ،اندمجت مع اتنين فيهم ولقينا اننا حابين بعض بالنواقص اللي فينا مش بس كدة ،بنراعي بعض وبيراعوني في وقت سكوتي وهدوئي وفي وقت هايبرتي ورغيي .

فالعبرة في الآخر ان متقلقش كله هيعدي ويبقى بخير وتتخطى كل حاجة زعلتك .

Apple_25270 🇪🇬 · Answer

ليه ممكن حد يقلل من حد لمجرد انه اقل منه مادياً 
الفكرة ده زرعها اهلي و علمونا ازاى نتخطها بالكدب و التحوير 
وليه اصلا حد يفرق معاه مستوى اهلك المادى 
بقيت بحتقر جد نفسي و مجتمعنا ده عشان بيقايس البنى ادم على قد فلوسه مش هو قادر يعمل ايه ولا هو كشخص 
من ساعه ما زرع اهلى الفكره ده جوانا و احنا الناس بتعملنا كاننا طبقه ثلاثه او ناس خصاره فيها تعيش 
مش من حق حد يقيم بنى ادم على اساس فلوسه وشكله 
مع اننا معنا فلوس و اللى مكفينا بس لسه لحد دلوقتى شيفين اننا منستهلش

Pineapple_25373 🇪🇬 · Answer

قصتي مع التنمر كانت بسبب كذا حاجه 
وباشكال مختلفه 
اول مره كانت في ابتدائي كنت دايما بحاول اقرب من البنات في الفصل لاني بطبعي هاديه بس كنت عاوزه اكون صداقات زي غيري بس دايما كان يؤول بيا الامر انهم محدش يرضي يكلمني عشان معنديش حاجه مميزه كنت منبوذه بمعني اصح كرهت المدرسه كره في ابتدائي بس كنت بروح ولما كنت في اعدادي عشان احاول اكون صداقات اتعرفت علي شلة البنات اللي دايما بتحاول تعجب الولاد غيرت من نفسي عشان احاول اكون معاهم بس برده محدش كام بهتم يصاحبني
تاني شكل اتعرضت ليه في ٢ اعدادي وقت تغير شكلي وشي اتملي حبوب وتخنت جامد طبعا طانت بتجيلي تعليقات كتيره جدا علي وشي واني معفنه وكلام ملوش علاقه باللي حصلي بس عشان كنت صغيره كنت فاكره انهم صح ونا اللي مش بهتم بشكلي كنت بقعد بالايام مكولش عشان محدش بقول عني تخينه وكنت بفضل ابحث عن وصفات للحبوب وبوظت وشي اكتر بحاجات مضره ليه مع ان الفتره دي كانت لخبطه هرمونات عشان بكبر ولو كنت سبتها كان وشي هيرجع طبيعي مع الوقت بس كله بسبب كلام ناس مش فاهمه حاجه فاكره ان حيات الناس علبه في اديهم بس والحمد لله بعد مرور السنين شكلي اتغير للاحسن جسمي راضيه عنه جدااا ووشي بحبه اوي وعندي صحاب  من اوفي الناس وبقيت بحب شكلي ونفسي واي حد يقولي كلمه متعجبنيش ارد عليها   وبجد انا مكنتش هحس بالنعم دي غير بعد اللي مريت بيه والحمد لله

Coffee_25462 🇪🇬 · Answer

انا علطول بتعرض للتنمر والسخريه على وزني سواء من اهلي او من برا مكتتش بتعامل كنت بسكت وبفضل  طول الليل بعيط ومقهوره على نفسي ولحد الأن معرفتش أغير الشئ ده فيا لحد دلوقتي كل حاجه حصلت مأثره عليا م عارفه اتعامل وم عارفه خايفه حد حتي أترفض او اتعرض لأي حاجه من دي لشريك حياتي للمستقبلي خايفه عيالي بردو يحسو بالأحراج مني

Mango_31674 🇦🇪 · Answer

التنمر دا خلاني شخص انطوائي بطريقه مرعبه جدا الصراحه عشان لساني تقيل ونص كلامي طاير اصلا كان كل الناس بتتريق عليا وكتير مناسبات كنت بهرب منها عشان مفيش حد يتريق وتقريبا دلوقتي مفيش عندي ولا صاحب كلها معارف وبس

Marshmallow_31427 🇸🇦 · Answer

مابعرف اذا رح تصدقو بس كانوا يتنمرو علي احيانا لاني سورية واحيانا لاني محجبة من عمر صغير واحيانا لاني مارضيت أغششهم 
يعني تفاهات فعليا ، بس الحمد لله ماكنت ضعيفة ابدا ولا كنت اسكت ، كان اي حدا بيتعرضلي بياكل هوا سواء مني او من رفقاتي ، صح كنت آكل تنمر كتير ، بس كمان كنت محبوبة كتير والي شعبيتي 
فرسالتي لكل ام واب ، ساعدو اولادكم على تقوية شخصيتهم ، بحيث حتى لو تعرضوا للتنمر مايأثر فيهم كتير بالعكس يقويهم ، منتو مش حتقدروا تحموهم من كل شي على اية حال