اكتشفت ازاي أن الطرف التاني بيحبك / مش بيحبك؟

Question

احكولي تجربتكم ازاي عرفتم ان الشخص بيحبكم بجد او العكس انه مكنش بيحكم بجد ❤️❤️

Sugar_27389 🇦🇪 · Answer

كان دايما مهتم بتفاصيل انا بنساها
كان بيفكرني بكل حاجة وعمري ماشيلت هم طول ما كان معايا
كان دايما همي قبل همه حتى لو هيجي على نفسه بيحاول  يحللي مشكلتي او يبسطني
اكتر حاجة بينتلي فعلا انه بيحبني كان شغال ف بوزيشن حلو جدا ف مصر سابه وجه الامارات بدأ من الصفر عشان يبقى قريب مني
بس في الاخر سيبنا بعض ..

Ice Cream_26252 🇪🇬 · Answer

في الاول كان في اهتمام اوي وانا صدقت لاني كنت في وقت حاسة فيه اني وحيدة اوي والاهتمام دا كان مفرحني اوي وكان بيهتم بكل التفاصيل وجنبي دايما لحد ما عدي ست شهور وبدا يتغير ويقول حجج ومبررات... علقني بيه اوي وبعد ما اتعلقت وبقيت زي الطفلة راح ساحب كل دا مني... كل يوم بفتكر كل حاجة وكل تفصيلة حلوة وحتي فاكرة احساسي في كل لحظة حلوة نفسي اعاتبه واقوله اني زعلانة منه اوي وان قلبي بيوجعني واني بنام معيطة بسببه وتعبت بس مش هينفع اقول كدة خلاص عشان مبيحبنيش.. مش هيلاقي حد ابدا يشيله نفس الحب اللي كان في قلبي ليه💔

Cookies_25519 🇪🇬 · Answer

لما عايدته ف عيد ميلاده هو عرف عيد ميلادى كمان وقالى هحفظه عشان ابقى اعايدك وماعايدنيش مع انى عايدته مرتين ورا بعض بس هو لا عشان عيد ميلادى بعده بكام شهر ف شلته من كل حتههه بس بجد والله الموضوع بيفرق جامد

Cheese_26330 🇪🇬 · Answer

لما كدب عليا اكثر من مره وقالى انا مشغول وانا بشتغل 12ساعه واكتشفت انه بيخونى وبيفتح يلعب بابجى طول الليل مع واحده تانيه وراسم دور الحب عليها وعلى العلم انا كنت مرتبطه بيه بقالى سنه.. 
لما رجع ندمان كذا مره ويوهمنى انه بيحبنى وهو بيكلمنى علشان انا عجباه فقط وانا اكثر واحده كنت بقوله لا وهو عاوز كدا.. 
لما كان بيقعد بالايام ميكلمنيش ويتحجج بكلام فارغ

Mango_15394 🇶🇦 · Answer

كنا في اعدادي و كان معايا في الباص و كنت مش بطيق أشوفه حته لانه كان غتت
و كنا معانا بنت في رابعه ابتدائي و كانت سوسه راحت في يوم الصبح قالتله انت بتحب فلانه اللي هيا أنا و بعديها سكت و قالها هقولك آخر اليوم و ساعتها الباص جه و ركبت و قالتلي اللي حصل و أنا فضلت اضحك وانا ماسكه ضحكتي مش قادره 
استنيت آخر اليوم و راحت قايله بصوت عالي هااا اي ردك على سؤال الصبح اه ولا لا راح قالها بصوت قد كده" اه "وانا فضلت اضحككك وهو مش فاهم انها قالتلي
من ساعتها فضلت أعامله زي الزفت اكتر من الاول عشان ميزودش في الموضوع و يفتكر اني مبسوطه او ان في فرصه نتكلم او كده

Coffee_27670 🇪🇬 · Answer

لما كنت بنصحو. بحاجت عشان بحبو و نفسي اشوفو احسن و بدا ياخد الموضوع اني بعلق علي تصرفاتها و ان كده بتحكم فيها و انها عايزه تغلط براحتها من غير م حد يقولها الصح و الغلط مع ان كنت بنصحها بطريقة حلوه جدا و براحه

Mango_27924 🇪🇬 · Answer

لو مش بيحترم حدودك يبقى مش بيحبك لوبيقلل من اى حاجه ف حياتك بتعملها او قرايبك صحابك منطقتك يبقى مش بيحبك ده اسهل واسرع طريقة تعرف بيها الشخص بيحبك ولا لاء سيبكم من الافعال الحلوة لانه كله وقت مصلحته غير كدا شكليات

Ice Cream_27297 🇪🇬 · Answer

موجود ف كل وقت من قبل ما احتاجه الاقيه قدامي 
و كان يفهمني من صوتي و من كلامي قبل ما أقوله♥️

كان باين أنه بيحبني من عينيه اللي ماشوفتهاش بتلمع كدا غير معايا🌚
كان باين من اهتمامه اللي مقلش من وقتها لحد دلوقتي خمس سنين و حبه ليزيد اكتر و اكتر 
كان باين من خوفه عليا و أنه ديما شايفني مسئوله منه و حته منه
انا جايه اقول اني لقيت توأم روحي اللي عيشت احلم بيه ♥️
حبه هيخليني مبسوطه من قلبي  لآخر يوم ف عمري 
ربنا يخليه ليا يارب ♥️♥️

Marshmallow_31427 🇸🇦 · Answer

لما قرر انو نبعد لانو علاقتنا حرام وضد مبادئنا 
وهلق بيني وبينه وعد الحلال ، إذا الله كاتبنا نكون لبعض 
بس المحزن انو صارت الحرب وهلق قرر انو نبعد نهائي لأنو مابدو يوهمني ويوعدني وآخر شي يستشهد وأضلني مستنيته ، وصدقوني من كتر مابحبه بتمناله السعادة حتى لو كانت مع غيري ، وهو متلي ، حتى بيوم قالي ، لو اجاكي حدا منيح وشايفتيه الشخص المناسب وافقي عليه مابدي اقطع بنصيبك ، ادعوا ياجماعة ربي ينجيه من هالحرب بخير وسلامة ❤️‍🩹

Orange_34558 🇾🇪 · Answer

كان بيحب يكلمني ٢٤ساعة لو بنشغل شويه يضايق
بيزل لسانه ويقول كلام معسول
الغيرة على أتفهه الأشياء

ذي تجربتي وأذكركم إن أي بداية لا ترضي الله نهايتها لا ترضيك لا توقعوا نفسكم بعلاقات محرمة والله يهدينا💙

Coffee_31281 🇪🇬 · Answer

لما ضحيت بكل حاجه علشانها و هيا لما ضحت ضحت بيا لما عملت عشانها كل الي اقدر عليه و محستش من نحيتها بتقدير للي عملتو عشانها لما هيا تغلط و انا اصالح و لو مصالحتش ممكن الزعل يقعد بالاسبوع لما جت ف الاخر قالتهالي و قالتلي انا مش قادره احبك زي ما انتا بتحبني و مش قادره اكمل معاك