درس علمته لك الحياه

Question

ايه هو الدرس اللي انت تعلمته في تجاربك مع الحياه وما فيش حد علمه لك وعايز تشاركه معانا؟

Pineapple_65871 🇪🇬 · Answer

الحياه بطبيعتها دورة يعني غير مستقره علي رتم واحد
الجميل في الموضوع بتاع عدم الاستقرار انه بيخليك متملش لان كل يوم في جديد. كمان كل يوم اسعي انك تتعلم درس جديد . الاهم من الدروس اللي هتعلم فيك انك تكون عارف وعايز انك تتعلم عشان تكبر وتعرف تاخد قرارات .. شوف عايز تكون مين متعلم ومتألم ولا متعلم بس.. اللي اقصده انك لو عامل حسابك انك اتخلقت عشان تتعلم مش هتتالم  .

Pineapple_59991 🇪🇬 · Answer

اوعي ثم اوعي ثم اوعي تثق ابدا
DON'T EVER TRUST 
عشان مهما كان و مهما اتقال و مهما كانت الوعود و الشغف و الصدق باين إلا إن ثقتك هتتخان لا محاله 
لا محااااله مهما كنت فاكر انه قريب و انه حلو و انه لا مستحيل ده يحصل

Mango_64794 🇪🇬 · Answer

متثقش في حد ثقة عمياء دايما توقع الوحش منهم عشان لو عملوا حاجة حلوه تنبسط ومتبقاش متوقعة بالنسبالك 
متجيش علي نفسك عشان حد محدش هيجي علي نفسه عشانك ولا حد هيقدر وقتك جمبه صدقني 
دايما ثق بالله ان في كل الابتلائات فيه حكمة من ربنا مفيش حاجة بتحصل عبثاً دايما درس هتتعلمه من كل حاجة بتحصلك حلوه او وحشة 
اهتم بنفسك وانزل جيم حتي لو مش هتنتظم 100 بس انزل اهم حاجة ال consistency  الاستمرارية هي الحل لكل حاجة بجد

البداية هي الاهم من كل حاجة مش لازم كل حاجة تبقي بيرفيكت هشان تبتدي لا ابتدي بس انت وتوكل علي الله واسعي متوقفش سعي 
ومتسيبش نفسك لدوامة الدنيا والفشل انا لما سبت نفسي بعد ما خلصت جيش واحبطت من اني مش لاقي شغل مع دوامة الحياة ومشاكل كتيرة تانية وتراكمات اكتئبت خدت وقتها خطوة الدكتور النفساني والله الخطوة ديه اكتر حاجة صح اعملها من سنين انت لو مش كويس فعلا روح واتعالج وخلي حياتك احسن انت هتعيشلك بتاع خمسين ستين سنة متبقاش عايشهم في معاناة ملهاش لازمة لا فوق لنفسك ودور علي نفسك واهتم بيها متستناش الاهتمام من حد خليك احسن نسخة من نفسك وقارن نفسك ب امبارح متقارنش نفسك بحد المقارنة هتبقي غير عادلة 
من احسن البودكاست اللي سمعتها كانت لدكتور بيعمل لايفات بجد من افضل الناس اللي سمعتها بيفهمك نفسك وبيوعيك الراجل ده ليه لايفات تحففففة لازم تسمعوها ليه فيديو اسمه الانسان اصله بصلة وازازة كولونيا

Nutella_56618 🇪🇬 · Answer

الدرس اللي اتعلمته غيري حكهولي زمان و دخلته من هنا و طلعته من ناحيه التانيه و ثقتي في نفسي خانتني اني مش هقع في الفخ ده و اني اذكى من كده .. النصيحه اللي كنت بسمعها أن لما حد من أهلك بقولك على فلان ده لا يبقى لا .. مهما كانت المغريات قدامك ايه .. تلف الأيام و احب شخص و هو اتقدملي و اهلي مكنوش موافقين لأسباب ما بس انا عاندت و حطيت لنفسي و ليهم اسباب منطقية جدااا للموافقه على الشخص ده و سمحت لنفسي الاستعداد اني اخسرهم مقابل اني اكمل مع الشخص ده.. و اتخطبنا و شخص ده ياريته مثلا كذب عليا ولا خاني لا .. ده طعني بمعنى الكلمه.. و دلوقتي انا بدفع تمن غلطتي قدام اهلي و بحاول اكسبهم من اول و جديد و بسمع كلام منهم يسم البدن بسبب اني عاندتهم .. وحيات اغلى حاجه عندكم بيعوا اي حاجه قصاد اهلكم مش العكس.

Lemon_66019 🇪🇬 · Answer

لما تلاقي البدايه سهله وبسيطه ومفيهاش تعب .متثقش بنسبه 100% .غالبا في خازوق منتظرك .

في مقوله عسكرية أنا مؤمن بها جدا .بتقول :
إذا كان الطريق هادئ وعلى مايرام فاعلم انه كمين !!

علم نفسك ياصديقي انه لا شيء سهل في هذه الحياه وعندما تجد شيء مغري وسهل تحسس مسدسك!!