تحت مسمى متغلطتش غلطتي ؟

Question

احكيلنا غلطته عملتها وندمان انك عملتها ❤؟

Coconut_61411 🇪🇬 · Answer

" الناس أن يتركوا أن يقولوا آمنا وهم لا يفتنون "
ادراك الايه دي متأخر اكبر غلطاتي 
انا ممكن اقعد معاك اقنعك ان في كل ذلاتي و عسراتي ضحيه مش جاني .
بس و بعدين قدام ربنا هعمل ايه 
مهما كانت ضغوطك سيقاك ناحيه طريق غلط 
افتكر انك جاي تمتحن و تمشي . 
مهما بدا الغلط حلو كل لحظه ندم بعديها هتستمر العمر كله .
انا مش شيخ ولا داعيه انا مجرد صاحب تجربه 
انت عارف يعني ايه ان اسوء كوابيسك تكون ذكرياتك 
انت عارف انك كل ما تيجي تقرب الشيطان يلاقي باب سهل يخشلك فيه في نص صلاتك 
تفتكر هتقبل اصلا و هيتغفرلك 
عواقب لذه الاخطاء متع لحظيه و ندم لعمر قدام 
ارجوك تذكر ده و انت بتلتمس لنفسك عذر قبل ما تغلط

Biscuit_60212 🇪🇬 · Answer

متعلقش حياتك بفرد واحد تشاركه كل حاجة وكأنه مش هيروح ..علق سعادتك بثوابت ...أمثلة قراءة كتب ام كانت علمية روايات تاريخية بيخليك في عالم مختلف ..اتعلم كويس جدا لأن الاستثمار في الذات غالبا نتايجه بتبقى كل حاجة انت عايزها أشخاص مال اي حاجة والأهم انك بتكون راضي عن نفسك لأنك اتطورت ومبقتش  على نفس العقلية..الحاجة الأولى والأخيرة والأهم على الإطلاق الحديث المستمر مع الله🤍

Strawberry_59887 🇪🇬 · Answer

كنت في 3 ثانوي ضيعت كتير من عمري في حزن واكتأب واحساس بالظلم يمكن عشان سعتها محدش كان جنبي ومحدش صدقني يمكن لو كنت لقيت حضن وطبطبه وحد بيقولي انت ملكيش ذنب في اي شيء مكنتش ضيعت الوقت ده كلو من عمري 
قدرت اواجه واقف علي رجلي تاني بعد سنتين وقدرت اكون اقوي وشخص احسن 
لو رجع بيا الزمن هحضني واطبطب عليا اكتر وهقول اني مصدقاني وان كل حاجه مكنتش السبب فيها 
واني لازم افوق واقوم اسرع ومضيعش وقت كتير في الاكتأب والضياع

Lemon_61465 🇪🇬 · Answer

كان ليا صاحبه وكنت بعتبرها اختي حصل بنا سوء تفاهم وبالمعني الحرفي كان تافهه اوي صدقت عني كلام وربنا معملتوش انا اتصدمت لمه عرفتو وبعد اللحظه دي فضلت تبصلي بنظرات مش كويسه وتشتم فيا معا دي ودي وقالت عني كلام مش فيا وعملت تصرفات قذره بالمعني الحرفي المهم سبتها بس غلب عليا شعور اني واكله معاها عيش وملح وصعبانه عليا العشره ورجعتلها بعد ست شهور بعد ودي اوسخ غلطه انا عملتها فنفسي بجد اول مرجعتلي قعدت تقولي انا لسه بحبك ومعرفش اي وكلام ده بس بعديها بفتره انا مكنتش عارفه انسا الوجع الي هي سببتهولي وكلام الي قلتو فقولتها اني هبعد وكت بكلمها بكل ادب والله لقيتها فضلت تقول حجات انا اتصدمت منها حسيتها اتبدلت وبقت واحده متعرفش حاجه عن الرحمه كلمها كله كان قاسي ووجعني بس ودي كانت اوسخ غلطه انا عملتها فحق نفس بس عارفين انا اتعلمت من الضربه دي وعلي رأي المثل الضربه الي متموتش بتقوي وعمري مهغلط الغلطه دي تاني والحمد لله

Carrot_62530 🇪🇬 · Answer

اني مستثمرتش في نفسي ومطورتش من مهاراتي من بدري ندمان فعلا علي سنين التعليم الطويله التي ذهبت سدي بلا اي هدف وقت طويل اوي كنت اتعلمت في حاجات كتير اوي وفادتني حقيقه في سوق العمل دلوقتي مش ظا وظتا وجا وجاتا ونهر الميسسيبي بيصب في خليج المكسيك استفدنا اي مش فاهم ?😄فلو لسه صغير يبني فكك من العبط دا كله واشتغل علي نفسك فعلا من دلوقتي وركز علي الحاجات أو المهارات اللي هتنفعك لما تشتغل أن كان لغه أو كمبيوتر او شئ مفيد فعلا وبتحبه ?

Watermelon_41466 🇪🇬 · Answer

ما تعملوش حميه قاسيه و انتو صغيرين  لان دا هيأثر على صحتكم و طولكم  و نموكم ونفسيتكم بالسلب و ما تتأثروش أبدا برأي الناس عن شكلكم او وزنكم لان دا بجد هيتعبكم و لما تكبرو هتلومو نفسكم جامد لأنكم كنتم بتسمحو للتعليقات السلبيه أنها تاثر عليكم

Cherry_64354 🇪🇬 · Answer

متدخلش في علاقات عاطفية لمجرد ملئ فراغ عاطفي لانها ممكن متكونش مناسبة ليك ولا لشخصيتك وبعد فترة تسيببلك تشوهات معرفية وتعيش حياتك كلها بتعاني من علاقة دخلتها وقت فراغ فكر وحدد انت محتاج ايه وادخل العلاقة بشكل رسمي هتكون افضل مليون مرة ومش هتسببلك عقد نفسية

Marshmallow_57255 🇪🇬 · Answer

متحبش حد 
متتعلقش بحد
خبى مشاعرك
ابنى حدود و متسمحش لحد يتخطاها
مشاعرك انت اولى بيها و لو حسيت انها بدات تتحرك لحد خرج الحد ده من حياتك تماما
مستقبلك اولى بكل دقيقة هتضيع و انت بتعيط و بتسال نفسك انا عملت ايه علشان يعملو معايا كده فبلاش تدخل طريق نهايته معروفة

Onion_64725 🇪🇬 · Answer

بلاش تعمل حاجه لمجرد انك ترضي حد
بلاش تقول هعمل كذا علشانهم
بلاش تتكسف تقول حاجه جاية عليك لمجرد حد بتحبه
بلاش ودي للناس اللي لسه بتدرس بلاش بلاش تفتكر ان الدراسه هي اهم حاجة ف حياه لان ف الاخر لو ف واسطة او كورسات هتخليك احسن

Sugar_65376 🇪🇬 · Answer

انا كنت بتمني أحلامي بوهم انها اتحققت 
كنت بتعشم بزيادة وبصدق بزيادة وبتعب بزياده مبقتش ادخل في اي حاجه بزياده حسيت ان التوقعات لو قلت لو حصل حاجه اكتر من الاقل بفرح 
الحزن برضه ميكونش بزياده لو عيشتي في دايرة الحزن هتبقي في دوامه ومش هتعرف تخرج منها بجد
 بس انا حاليا مش عارفه اخرج منها اكتشفت ان اصعب دوامه هي الحزن والألم 
ابني صداقة مع كل اللي حواليك متعيشي لوحدك متمشيش في اتجاه واحد وزع نفسك في كل الاتجاهات علشان الدنيا بتكسبك اللي مكتوبلك وبس
 امسك كل الاتجاهات بس بايد سهل ترخي متشدش علشان متتألمش 
مش كل قريب بيتمني الخير ومش كل ضحكة حب ومش كل تكشيرة كره 
الخير في صداقه الكبير وانه ينصحك بتخليك مرتاح للدنيا ياريت الصداقه كلها يكون بينها فروقات عمر كبير
الشغل بيهون العزلة والحبسه بتخليك زي الغريب اللي ميعرفش حاجه في ثقافه البلد لا ناسها ولا طباعهم 
اللي شبهك هيريحك 
انك تكون مرتاح اهم مليون مرة من انك تعيش في سباق مش عارف نهايته دا بجد❤

Avocado_68588 🇪🇬 · Answer

متديش لاي حد فرصه أنه يعرف حاجه عنك مهما كانت لان بجد اقل حاجه تافهه بتتزلي بيها بعد كدا و بتتعايري مهما كان الشخص قريب بجد منك 
انا اتعايرت من واحده صحبتي كان بقالنا ٨ سنين انى مش قادره اتخطي حد معين 
متخيله أنها بتعايرني ب انى مش قادره اتخطي شخص 😂؟!
ف بجد محدش يعرف عنك حاجه مهما كان مين

Tofu_71960 🇪🇬 · Answer

متعملوش صحاب سوشيال بس اتعرفوا كمان علي حواليكو متبقاش حياتكو كلها عالتلفون خليكو اجتماعيين مع الناس بس صحابك الي فالحقيقه اوعو تعرفوهم علي الي فالسوشيال
ولو انت مثلا ف شلتين اوعا تعرف الشله دي عالشله التانيه عشان لو اتخانقت مع شله تروح للشله التانيه 
متبنوش علاقات كتيره فالسوشيال وتنسوا الي حواليكو انا حاليا عارفه ناس كتيره اوي فالقاهره واسكندريه وحتت بعيده وانا من اسماعيليه ومعنديش صحاب فالحقيقه اصلا وعايزه اعمل عيد ميلادي ومش عارفه اعزم مين لأن مفيش حد.!

Mango_70017 🇪🇬 · Answer

حد بيكلم انجليزي ولو اتكلم يقول ازاى ولا خد كورسات يقول بردو  او حتى يعرف حد عمل كدا علشان متغلطش غلطتى  بس كدا فا ياريت تشوف حتى. ولو فى كورسات اون لاين بس انا افضل الاوفلاين علشان فيه تفاعل مع الناس وبدل ما  اكلم نفسى

Corn_71708 🇪🇬 · Answer

-متخلفش اول الجواز الحق اتمتع بالجواز شوية 
اوعي تاخد قرض تحت اي مسمي و تحت اي ظرف صدقني لو كارثة هتتحل من عند ربنا بس القرض بيدخل ب خراب و فقر 
مت-خلفش اول الجواز
متقلبش تشيل شغلك فوق شغلك عشان تبان جدع بس
-اوعي تخلف اول الجواز

Mango_70017 🇪🇬 · Answer

كنت عايز حد بيفهم فى البرمجه وكدا كنت اساله على كذا حاجه وكمان لو انا عايز ادخل مجال الداتا انالاسيس هل يقدر حد يفيدنى هنا ؟
وكمان ممكن تقولى ايه الكورسات اللى هو خدها مهما كان self study  او حتى مع حد معين وممكن يحكى تجربته

Orange_72324 🇪🇬 · Answer

انا داخله ٣ث وحلمي اني ابقي دكتوره جراحه وكله دلوقتي بيقولي ادخلي اي مجال ليه علاقه بالبرمجه والAI وانا حقيقي ف دوامه ومش عارفه ايه اخره كل مجال وايه الافضل كمستقبل وكمان اني ابقي مبسوطه وانا بدرس المجال نفسه