الدايت وكلام الناس في وشك علي وزنك

Question

احكي قصتك عن التنمر اللي بتتعرضله عشان وزنك الزائد وازاي دة اثر فيك وهل كان شئ سلبي او ايجابي انك تتغير؟

Strawberry_39264 🇲🇦 · Answer

أنا من دايما وزني زايد من لما كنت صغيرة و كل الناس بتتريق و تتنمر عليا حتى لي كنت بعتبرهم صحباتي بس انا ماكنتش بزعل كتير لأني ماكنتش فاهمة كويس و لما كبرت بقيت بحاول اني مزعلش من كلام الناس بس المشكلة مش هنا المشكلة اني مرة سمعت بابا بيتكلم على وزني بتريقة مع ماما و ده أثر عليا جدا و مؤخرا اكتشفت اني عندي مشكلة فالعمود الفقري و اني محتاجة ترويض و أول حاجة بابا قالها انه كل ده بسبب وزني الزايد علما اني مدة طويلة و انا بنزل وزن و كان عندي قولون عصبي فأصلا فمدة قصيرة نزلت وزن كثير و لما قلتهاله قالي لا ده مش كافي لازم تنزلي وزن أكثر. المشكلة انه بيحسسني ان أي حاجة بعملها مش كافية زي ان المجهود الي بعمله ملهوش اي لازمة.

Mushroom_37399 🇪🇬 · Answer

انا رفعيه مش بتخن معرفش ليه 🙂المهم فى ناس بتتريق على وزنى ده انا بدايق طبعاً بس مش ببين كده لانى بطبعتى كتومه فبدحك معاهم عادي ولا كان كلامهم دا بياثر فيا وممكن افضل افكر فيه فتره وفى منهم الى بيتريقو على لون بشرتى انى سمره وكده مش عارفه ليه بيعملو كده لازم الوحد يفهم انو مش كل النس بتقبل بالهزار الى زاى كده

Avocado_37880 🇪🇬 · Answer

انا رفيع اوي وده يمكن بسبب اني مولود علي سبع شهور  بس مش مهم الناس بقي كل اللي يشوفني يقولي هما بياكلوا منك في البيت ولا اي واللي يقولي عاصيه مكنسه واللي يقولي عود قصب وخله سنان الموضوع دمر نفسيتي بجد بقيت مش عارف  اخرج من البيت  الا للشغل بس

Coffee_27700 🇪🇬 · Answer

هو تنمر بسبب النحافة
كنت بسمع تعليقات أغلبها من العيلة اللي بقيت بكرههم بصراحة رغم إن كلهم عندهم زيادة كبيرة في الوزن.
هما بياكلوا أكلك في البيت.
أكل ماما وحش ولا ايه.
بقيت عامل زي سلاكة الأسنان.
عامل زي صباع المحشي اللي واقع منه الرز.
زي القلم الرصاص.
جلد على عضم.
سيب الشنطه مش هتقدر تطلعها
لو حد نفخ فيك هتقع.
شكلك وحش.
مكنتش برد للأسف وكنت بضحك ووالدي يبقى قاعد جنبي يضحك ويهزر معاهم.
أنا الحمد لله دلوقت وصلت لوزن مثالي وجسم رياضي والثيرابي خلاني أحب شكلي بعد ما كنت بكرهه بس لسة مش مسامح اي حد اتنمر عليا ومش هسامح لأن الأذى اللي شوفته مقابل أنهم يضحكوا ويبانوا دمهم خفيف مش قليل.

Banana_29935 🇪🇬 · Answer

تقريبا من كتر التعود على الهزار السخيف اللي كنت بسمعه الموضوع بطل يأثر فيا
بس حصل موقف كبير في حياتي كان جابلي اكتأب نزلت بسببه ٢٠ كيلو في حوالي ٣ شهور، طبعا ده كان غلط جدا و كان جسمي ضعيف شوية بسبب اني خسرت وزن كتير في وقت قليل

بس احساس اني خسيت و شكلي كان باين عليه و الناس بدأت تخليني متشجع شوية، أي نعم انا تخنت بعدها حبة حلوين بس لما قررت اخس تاني كنت عايز اعمل الموضوع صح، اللي هو مش دايت بس لأ هدخل تمرين في الموضوع عشان محسش اني ضعيف زي الأول

الحمدلله بدأت في رياضة الكالستنكس و بدأت مكنتش بعرف امسك البار بتاع العقلة لأني بعمل ١٠ عقلة مستريح و شوية مهارات بسيطة. ممكن مكنش خسيت كتير كوزن كلي بس الكتلة العضلية زادت كتير و الدهون قلت أكتر و شكلي بشكل عام ظبط اكتر بكتير عن الأول

الرياضة بشكل عام خليتني مبسوط اكتر و عندي شغف سواء في الشغل أو في الدين أو في الحياة، فا بغض النظر كنت ناوي تخس أو لأ ممارسة الرياضة شيء أساسي

Cheese_40374 🇪🇬 · Answer

غريب جدا أن كله بيتكلم على ال overweight والسمنه مابين أنه الكلام على الانيميا وقلة الوزن الزيادة اوي يعتبر معدوم،ليه لو قلت لواحده أنها تخينه أو ملظلظة بتكون شتيمه وقلة ادب وقلة ذوق ولكن لو واحده قالتلي اني رفيعة كده ليه تبقى دي مدحة؟ ممكن نبطل body shaming عالفاضي والمليان ونعترف أنه زي ما بيقولوا الناس اللي وزنهم زايد أنهم مهما حاولوا وعملوا دايت ونزلوا الجيم مش بيخسوا يبقى كمان لما حد رفيع يقولانه مش قادر يتخن نحترم ده
عن نفسي أنا اتولدت كده جينات هنعمل ايه ودايما تلاقي في كل نجمع عائلي طنط الصفراء اللي وزنها طنين اللي بتقولي مبتاكلوس فبيتكوا ولا ايه،وبالنسبة لطفله عندها ست سنين كان بيحز خاطري جدا،لغاية ما فيوم رحت قلتلهم اعمل ايه يعني عشان اتخن،قالتلي كلي ياحبيبتي قلتلها باكل قالتلي كلي كتير،روحت البيت فضلت اكل اكل اكل لغاية ما رجعت وخدت حقن،فضلت طول طفولتي كده بحاول اكل اكتر وارجع اكل وارجع ،كانت الحقن بالنسبالي كل اسبوع عادة ولكن الحمدلله لان ابويا دكتور وأيده خفيفه كان هو بيديهاني..ولا مكانتش فدراعي😃
ولغاية دلوقتي،وزني مبيزيدش،اي ما اقول لحد أن وزني 30 ونص مبيصدقش واه النص ده فارق بالنسبالي لانه تعب سنه كامله بحاول اكل فيها عشان أزيد..نص
الانيميا ارهقتني وده اكيد،من اول الدوا اللي طعمه حديد لاني بردو مبعرفش اخد الاقراص،برجع بردو
للدوخه واني مش قادره اقف كويس،للالوان اللي بشوفها وبتخيلها لحاجات كتيره اوي اوي
حابة بس اقول ان ياريت زي ما واخدين موضوع السمنه على نفسكوا اوي كده ياريت حد يهتم بردو بانك تكوني رفيعه ده مش شكل مثالي،ولا حتى قريب،ده مرض ومستحيل اتعالج منه لاني متعوده من صغري اني باكل كميات معينه مقدرش أزيد عنها والا بيحصل خلل ولأن بطني خفيفه جدا ويرفض يعتبر كل انواع واشكال الاكل،فا مبقدرش ازود عن الكمية دي ابدا والا بتكون نتيجه مأساوية 
اه التنمر قل لاني مبقتش اسمع لحد يتكلم عني والا بردهاله عشره،ولكن احب اقول لطنط دي خلي بالك من كلامك وانزلي انتي الجيم يا طنط عشان مش نقصاكي...

Biscuit_40761 🇪🇬 · Answer

من وانا عيل صغير واهلي كلهم بيتنمروا ع جسمي اني رفيع ودي حاجة عملالي عقدة نفسيه ولحد دلوقتي بحاول اتعالج منه انا وزني 65 والناس كلها بتتنمر ع جسمي وان خفيف ووزني قليل ع علم عندي 21 ومعرفش اعمل ايه جربت اخد ادويا جابت نتيجة بسيطة جدا بس كنت بتعب بعدها ف بطلت ولحد دلوقتي مش عارف ابطل احاول اتخن او اتعالج من القعدة دي

Sugar_40838 🇪🇬 · Answer

انا طولي 163 ووزني 74 كنت من فتره 66 بجد متضايقه لاني كنت عاوزه اخس اصلا أما كنت 66 ف دلوقتي اعمل ايه عاوزه اخس باي طريقه علشان مش عايزه اي حد من عائلتي يرمي تعليقات سخيفه وانا اصلا قرفانه من غير حاجه وكمان انا سني صغير علي أن يكون وزني كدا ف اقل حاجه مفروض اخس 15 كيلو ف عاوزه نصايحكم

Mango_34437 🇪🇬 · Answer

أنا شخص طول عمري عندي مشكلة في جسمي مع الوزن أن شخص جسمي قابل للزيادة من اقل حاجة وأغلبية عمري وزني زيادة بس لما وصلت ل ١٤ سنة كنت بتمرن كيك بوكسينج و كنت بنزل الجيم بس وقفت مرة واحدة علشان دخلت في حالة اكتئاب فضلت فيها اكتر من ٣ شهور بسبب حقد الناس عليا و بيقولي عمرك ما جسمك هيبقي حلو حتي اهلي بدل لما كانو بيشجعوني بيحسسوني اني في مصيبة أنا ماليش ذنب فيها و دلوقتي اي حد بيشوفني بيقولي أنا معرفتكس انت خسيت كده ازاي و في الاخر الحمدلله على كل شئ

Blueberry_33044 🇪🇬 · Answer

المشكلة اني شخص مش وزني ذائد لكن على طول مش عارف ابقى راضي عن جسمي لدرجة اني بفضل ماكلش بالبومين والتلاتة بحس اني تخين و بكرش مع أن محدش شايف كدا نفسي اتخلص من الإحساس دا بجد دا مرض واتمنى الناس متفكرش زي

Ice Cream_30319 🇪🇬 · Answer

ياه 
انا كنت بنت صغيره في ابتدائي وكان كلام صحابي بيدايقني وقرايبي واهلي وامي وابويا وكان بيأثر فيا بالسلب بس خد قرار اني هخس وعملت دايت من العيد الصغير للعيد الكبير في شهرين يعني خسيت 8كيلو لاني كنت مقرره اني لما ادخل اولى اعدادي محدش يتكلم معايا بحاجه تدايقني وانا علشان كنت لسه صغيره فطولك ودا فرق معايا وبقا ساعتها طولى  بقا 163 بقيت حد تاني وكنت فخوره بنفسي اوي و كانوا مصدومين محدش قدر يقولي حاجة تدايقني تاني بس دا كان زمان

Sugar_40838 🇪🇬 · Answer

جماعة انا اخر ٣ شهور دول تخنت عشره كيلو ومش عارف انزل تاني وملقيتش دكتور تغذيه كويس ف لو حد يعرف عياده اون لاين يفيدني لاني فعلا حاولت كتير ووزني عمال يزيد مع اني قللت اكل وبقت احس بتعب لو حد يعرف يفيدني....وشكرا