كنت مستغربة ليه صاحبتي متغيّرة وزعلانة ومخنوقة الفترة دي وكنت كل ما اسالها تقول كويسة النهاردة قالتلي صراحه كلام حقيقى مش عارفة اقولها اى أو اساعدها ازاى هي بتحكي إنها كانت تعرف شخص، وبتقول إنه كان أول حد في حياتها، وشافته في البداية شخص كويس ومحترم وذوق، وصدقته جدًا. مع الوقت بدأ يطلب منها صور عادية زي "أوتفيت اليوم"، وهي في الجامعة أو الكافيه، فكانت تبعتله عادي لأنها كانت شايفاه إنسان محترم ومش شاكة فيه. بعد كده بدأ يبعد بحجج زي الشغل أو البيت أو إنه مش فاضي، ولاحظت إنه مش زي الأول، ولما واجهته يقعد يقول الحجج دى وهى بعدها سكتت وما بقتش فى تواصل زى الاول و فجأة عملها بلوك من كل حساباته. حاولت توصله من حسابات تانية "فيك"، وكان كل مرة بيكتشفها ويعملها بلوك تاني. بس فى اخر مرة فى الاكونت الفيك التانى لما واجته بموضوع الصور فقالها إنه مسحها وإنها مش فارقة معاه، لكنها بتقول إنها ما شافتش أي دليل إنه فعلاً مسحهم. دلوقتي هي عايشة في رعب إن أهلها يعرفوا إنها كانت بتكلم ولد، وخايفة أكتر من فكرة إن الصور تكون لسه معاه خصوصاً أنهم بنتين بس والدها ووالدتها منفصلين

3

10