اكتر موقف من حد بتحبه خلي حبك ليه يتغير

Watermelon_75882 🇪🇬's موضوع

مش لازم يبقي موقف ممكن كلام من اي شخص بتحبه زي اهلك او صحابك

Sugar_62755 🇪🇬

منذ 18 دقيقة

شعور غير مكتمل

عايزة اعيط والله لو كانت دي الحياة بتاعه اول العشرينات الجميلة الفافي خالص امال اخر العشرينات هيطفوا فيا سججايير ولا ايي !!! مش عارفة فيه اي والله طب هتحلو بعدين ولا هتفضل كدهه حرفياا النص ده بيوصف الوضع لم أكنْ أتخيَّلُ أن عشريناتِ العُمرِ بهذا الثقلِ، وبذلك التخبُّطِ.. كنتُ أحلمُ أن أكونَ أحدَ

Donut_76084 🇪🇬

منذ 39 دقيقة

شعور مذنب

النهارده كنت في المدرسة، وحصل معايا موقف بسيط جدًا… كنت حاطة حاجه خفيفة جدًا على شفايفي، بطريقه عادية خالص ومش باينه حتى. المِس شافتني وبدأت تزعق وتقولي هيتعمل لي تعهد واستدعاء ولي أمر. حاولت أبرر وأقولها إن الموضوع بسيط، وإن في بنات بيعملوا أكتر من كده، بس أول ما اتكلمت قالتلي “انتي بتجاوحي” وخدت م

عبّر عن شعورك بشكل مجهول

النهارده كنت في المدرسة، وحصل معايا موقف بسيط جدًا… كنت حاطة حاجه خفيفة جدًا على شفايفي، بطريقه عادية خالص ومش باينه حتى.
المِس شافتني وبدأت تزعق وتقولي هيتعمل لي تعهد واستدعاء ولي أمر.
حاولت أبرر وأقولها إن الموضوع بسيط، وإن في بنات بيعملوا أكتر من كده، بس أول ما اتكلمت قالتلي “انتي بتجاوحي” وخدت مني الموبايل.

قعدت أتحايل عليها وأبكي وأقولها “معلش يا مِس والله مش هتتكرر”، كنت مرعوبة، مش من المدرسة… من بابا.
أنا فعلاً قبل كده كنت حاطة حاجه من وراهم، وبابا شافني، وساعتها الدنيا اتقلبت عليا. من ساعتها وأنا عايشة بخوف منه في أي حاجة تخص شكلي أو لبسي.

بابا طيب، بس لما بيغضب بيزعق وبيهزقني بطريقة توجعني جدًا.
ولما عرف النهارده اللي حصل، ما سمعنيش ولا إداني فرصة أتكلم.
زعق، وضربني، وخيرني بين ثلاث اختيارات كلهم أسوأ من بعض:
يا إما أقعد في البيت ومعايا شهادة الإعدادية بس،
يا إما أكمل ثانوي “منازل” من غير مدارس ولا دروس،
يا إما أدخل تجارة وماخدش فيها ولا درس ولا أروح مدرسة.
الثلاثة مفيهمش أي مستقبل، والثلاثة وجعوني أكتر من أي عقاب.

كل ده عشان حاجه بسيطة جدًا كل البنات بيعملوها.
حاسه إن محدش عايز يسمعني ولا يفهمني، ولا يصدق إني مكنتش بتجاوَح، كنت بس ببرر وخايفة.
أنا مش عايزة غير حد يفهمني… يفهم إن الخوف هو اللي بيخليني أتصرف كده مش العند.
زهقت من الزعيق، من القسوة، من الإحساس إني دايمًا غلط حتى وأنا مش غلطانة. 😭

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.