حاسس إني شخص محدش اختاره، والجملة دي قاسية… بس حقيقية لو فهمناها 💔 خلاص، بقيت الشخص اللي كنت بكرهه. البارد، اللامبالي، اللي مش فارق معاه مين موجوع ومين متضايق. مش علشان دي طبيعتي، لأ… بس علشان أعرف أعيش، كان لازم أخلّي قلبي حجر شوية. كنت زمان بحس بكل حاجة، بدي من قلبي، وبشيل الناس كأنهم مسؤوليتي. بس لما اكتشفت إن محدش بيحس بيا زي ما بحس بيهم، اتعلمت أختصر… الكلام، والمشاعر، وحتى نفسي. اللي شايفني تغيّرت، عنده حق. بس محدش يعرف إن التغيير ده كان ثمن البقاء. يمكن التمن كان غالي أوي، لأني بقيت تايه ما بين الهدوء والبلادة. زهقت من كوني الشخص اللي بياخد كل حاجة بجد، اللي بيفكر في كل كلمة، وكل نظرة، وكل موقف كأنه امتحان. نفسي أضحك من قلبي من غير ما أحلل السبب، نفسي أعيش لحظة من غير ما أخاف من اللي بعدها، نفسي أرجع أصدق إن البساطة مش ضعف. بس الحقيقة؟ كل مرة أقول "كفاية تفكير"، بلاقي نفسي راجع أفكر أكتر… وأتعب أكتر. يمكن أنا مش بارد، أنا بس تعبت من السخونة اللي كانت بتحرقني من جوّا. وهفضل طيب، بس المرة دي مع ناس معدودة… ناس تستاهل وجودي فعلًا.

3

1