ازاي بتتصرف مع المشاعر المكبوتة؟

Question

احكلينا تجربتكم مع المشاعر المكبوته؟ ازاي بتخرجوها هل بتفضلوا شخص تعرفوا يعرفها ولا بتعبرو عنها بينكم وبين نفسكم؟ احكولي قصتكم

Marshmallow_28254 🇪🇬 · Answer

مش عارفه هو دا ليه علاقه بكبت المشاعر أو لأ بس هو موقف فهمني الناس شيفاني إذاي

هو كان في الاول مجرد تجمع بينا وبين بعض إحنا تلاته صحاب فكليه واحده ومش الدراسه إللي خلتنا صحاب وانما هي حجات اكبر إللي جمعتنا المهم كاي أصحاب محضرناش يوميها محاضرات وطلعنا ماكنا المفضل فوق سطح الكليه

المهم واحده فينا اقترحت نجيب اساله ونسألها بدور 
اسئله كتير اتسألتها وسألتها بس اللي فهمته إني مش شخص واضح للكل ذي ماكنت مفكره كل سؤال يخوصني أتوجه لوحده فيهم جوبته غلط مش دا انا إللي بتتكلمي عنها

ضحكت واليوم عدي اه بس أنا مش عارفه اعديه وهل معقول أنا مش واضحه للقدامي طب دي حاجه حلوه ولا وحشه وبعدين فهمت إني ببينلهم البنت اللي بتضحك ودمها خفيف بس أنا مش جوايا مش كدا وهما بيصدقوا إني تمام ماطبيعي اكون تمام منا بقولهم إني كويسه وبهزر وبضحك مزعلتش منهم عشان انا السبب في إللي انا فين

من ناحيه تانيه تعبي إللي كل الناس بتتريق عليا وفكرينوا شيئ سهل دانا حتي كرهت الدكتوره إللي وجهتلي ذي تريقه كدا فوسط كلامها !!! 
وانا ضحكت ومشيت الموضوع عادي بس هي لو تعرف أنا دلوقتي كلمتها هي كانت مجرد كلمه بتعمل فيا اي مش هتتريق ذي ما عملت أو يمكن هي كدا وشخصيتها كدا كالباقين وطبعاً ناحية الأهل ودي حته لوحدها بعيده عشان  لو قعدت اتكلم مش هعرف اوفي كل واحده أذاه ليا

ومن ناحيه تانيه وانا بشوف البنات حوليا محبوبين معاهم حد بيحبهم بيهتم بيهم وأنا فركن لوحدي كدا بقول أنا تمام 
ماهو انا نسيت اقول ان صحابي اللتنان مخطوبين أو اكترهم وللعجب مابتجيش الحكاوي الحلوه غير قدامي مانا معهم طول الوقت أكيد هسمع الحمد لله ديماً بتمنلهم الخير طبعاً هما ناس  تستحق كل الخير

بس حتي الحب الوحيد فحياتي وبعد عشرين سنه خيالات ماطلعش ليا ولما إجتهدت عشان أعمله لنفسي وأخيرا إتقالتلي كلمة "بحبك" طلعت كذبة إبريل

أنا ضحكت بردو وهزرت وفي الاول وفي الاخر بقول الحمد لله أنا تمام .

اسفه لو كترت عليكم وشكراً.

Durian_52455 🇪🇬 · Answer

دلوقتى مش عارف اتصرف معاها، انا محتاج حد يسمعنى
مش عايز احس حد يكون مُجبر إنه يسمعنى
بس نفسى الناس تبص حواليها بدال ماتبص لنفسها طول الوقت
المشاعر ليها الحق فى التعبير عنها
المشاعر مظلومة فى مجتمعنا وبينداس عليها بالجزمة وسط كل يوم بيعدى 
كلنا مبقيناش نهتم بنفسنا من جوا، وبقينا بنهتم بنفسنا من باب اننا مينفعش يكون شكلنا وحش او طريقتنا وحشة لإننا عايشين جوا إدمان المجاملات والإطراءات المُبالغ فيها
علشان كدة رأى الناس أهم من إهتمامنا بنفسنا من جوا
انا زهقت ومش عارف اغير الناس ولا اعبر عنى

Biscuit_28797 🇪🇬 · Answer

مش اوقات كتير صراحة بقدر اتصرف فيها او اتحكم فيها او كده و افضل اكبت اكتر بس ده عمره مكان صح عارفة بس الواحد بيحاول يتعامل انه ناضج و يمثل حاجة مش حقيقية و مش جواه تيجي تنهار فجأة و كل مرة تدرك قد ايه انك هش و حساس و يزيد حساسيتك و الاوحش اما اللي حواليك يتعودو يضغطو عليك و ايزي يعني يبدأ بقي الواحد يتمرد ع اسلوبهم ده و يغضب منهم و يتعصب من اقل حاجة بعدين ترجع تاني من اول و جديد و بقي روتين بجد

Donut_50330 🇮🇹 · Answer

ولله ب ما إني بمر ب نفس الموقف فا أنا بكتب الي أنا حاسه بيه اه و كمان بكتب اكني بكلم الشخص الي قدامي و أقول الي أنا عايزه منغير ما حد يقولي حاجه أو يوقفني بحس براحه حلوه ده أنا حته كمان حطه صور و اسكرينات بحب احتفظ بيها كده يعني يعني بحب أقول كل الي ف نفسي و اسمع كلام مقنع عشان غير كده أنا مش هدي اهتمام بل كلام انا كده