يا جماعة انا بجد محتاج أتكلم شوية عشان حاسس إن الموضوع مأثر فيا جامد ومش لاقي حد أقدر أشرح له اللي جوايا كويس انا كنت قريب جدًا من واحد صاحبي يعني كنا حرفيًا بنتكلم كل يوم الصبح والليل وكنّا بنحكي لبعض عن كل حاجة بتحصل في حياتنا مفيش سر كنت بخبيه عنه ولا هو كان بيخبي عني حاجة حتى لو حصل بينا موقف بسيط كنا بنحلّه في نفس اليوم وكنّا بنتعامل كأننا إخوات مش مجرد صحاب انا كنت بحبه بجد كأخ كنت بخاف عليه جدًا وبهتم بيه بطريقة يمكن هو نفسه ماحسهاش كنت لما ألاقيه متضايق أهون عليه بالكلام أو أهزر معاه عشان أطلّعه من المود ولو اختفى شوية كنت أقلق عليه بجد مش عشان الفضول لأ عشان كنت حاسس إن وجودي جنبه مهم بس في فترة كده بدأ يتغير الكلام بينا قل بقى يرد متأخر بقى ساعات يشوف الرسالة ومايردش وأوقات هو اللي يبدأ الكلام بس بردو بيخلص بسرعة يعني الردود بقت جافة ومفيهاش نفس الروح اللي وجعني أكتر إنه مع باقي أصحابه بيخرج عادي بيقعد معاهم بالساعات يروح عندهم يصور ستوريهات وأنا اللي كنت فاكر نفسي أقرب واحد ليه بقت علاقتنا مجرد ستريكات على سناب يعني حتى التواصل بقى بالعادة مش بالإحساس وكل ما أحاول أقول خلاص هبعد شويه هعاقبه يعني باني ابعد أفتكر إن عنده مشاكل في البيت وإن أبوه كان بيتعامل معاه بقسوة وضربه كذا مرة فأقول لنفسي لأ حرام مش وقت إني أزعل منه يمكن هو مضغوط ومش فاضي بس في نفس الوقت اللي جوه قلبي مش قادر أسيطر عليه بحس إني اتنسيت وإن كل اللي بينا خلاص انتهى وبجد ده تعبني جدًا أنا مش بزعل بسهولة بس المرة دي الزعل دخل قلبي بطريقة مش عارف أشرحها كل يوم بفكر فيه وبفتكر كلامنا القديم وضحكتنا ومكالماتنا الطويلة وأقول هو إزاي نسي كده بسهولة اللي مضايقني أكتر إني مفيش في حياتي حد تاني زيه يعني هو كان الوحيد اللي كنت بفتح له قلبي بصدق دلوقتي لما بعد حاسس بفراغ كبير جدًا بقيت بخاف أعيط حتى وأنا لوحدي عشان مش عايز أحس إني ضعفت بس والله ساعات ببقى في العربية لوحدي ودموعي بتتحبس بالعافية أنا مش عايزه يرجع عشاني أنا نفسي بس يفتكر إن كان في حد بيحبه من قلبه وكان شايفه غالي بجد مش عارف أتعامل ولا أنساه وكل مرة أقول هعدي الموضوع أرجع أتعلق تاني أكتر من الأول

2

3